پەرلەمانتاروو دەم پارتی جە بازنەو جۆلەمێرگی وەزیر جۆشکون پارلاک ئەرەیاۋناش، ئامانجوو ڕاپیماو ئازاڎیی و چالاکیەکەیشا مسۆگەرکەردەی ئازاڎیی جەسڎەیی رابەروو گەلوو کوردی عەبدوڵا ئۆجالانی و چارەسەری دیموکراتیکی پرسوو کوردیا.
''ڕاپیمای گۊرەو ئازاڎیی'' کە پەی ئازاڎیی جەسڎەیی رابەروو گەلوو کوردی عەبدوڵا ئۆجالانی و چارەسەری دیموکراتیکی پرسوو کوردی جە وان و قەرسۆ دەسشپنەکەردەن، بەردەواما. پەرلەمانتاروو دەم پارتی وەزیر جۆشکون پارلاک چا بارۆ ئەرەیاۋناش، گەلوو کوردی داواو ماڕای و شەرمەزارکەردەی گۆشەگیری سەروو رابەروو گەلوو کوردی عەبدوڵا ئۆجالانی کەرۆ و واتش، " ئێمە داواکارییەکا گەلی جابەجێ کەرمۍ و تا سەرکۊتەی درێژە بە چالاکیەکاما مڎەیمۍ".
'وڵاتەکە بە سیستموو گۆشەگیری ڕاوەبەر کریۆ'
پارلاک سەبارەڎ بە ''ڕاپیمای گۊرەو ئازاڎیی'' گۆشەگیری سەروو رابەروو گەلوو کوردی عەبدوڵا ئۆجالانی و چارەسەری دیموکراتیکی پرسوو کوردی واتش، "دماو ئانەی بەڕێز عەبدوڵا ئۆجالان بە پیلانگێڵنیۍ میان نەتەوەیی رادەسوو تورکیای کریاوە و زینڎانوو ئیمراڵینە زینڎانی کریا، چا وەختۆ ئینا گۆشەگیریێوە دژوارەنە. ئی گۆشەگیریە جە ٨ ساڵی ویەردەنە زیاتەر دژواربیەن. تەنانەڎ دڎان بە مافە بنەڕەتیەکا دەستوروو کودەتایچەرە مەنیا و پی جۆرە دەستوری هەمیشەییشا ناستەن. وڵاتەکە بە رژێمی گۆشەگیری ڕاوەبەرکریۆ. دژوو ئا گۆشەگیریەی جە زینڎانەکانە دەسش پنەکەردەن و گرڎوو گلێرگەیرە وەڵابیەنۆ، جە گرڎوو زینڎانەکانە بە تایبەتی جە ئیمراڵی مدرامانی گەورە ئینا ئارانە. گۆشەگیری پا مەئنۍ کە گەلوو کوردی بێ رابەر کەرا، مافە دیموکراتیکەکاشا بە ڕسمی نەشناسا. داواکارییەکا گەلوو کوردی پۍ ئاشتی، بە جەنگ جواب مڎاوە. ۋەروو ئانەی ئا پارادایمەی رابەروو گەلوو کوردی ئاردەنش ئاراوە سەرمەشقایەتی پۍ چارەسەرکەردەی قۊرتەکا ۋەرکەوتوو دلێڕاسەی کەرۆ، ئا گۆشەگیرییە دژوارە ڕاوەبەر کریۆ".
'ئۆجالان سەروو ئاستوو تەماموو دنیۍ کاراکتەرێوە گرنگا'
پەرلەمانتاروو پارتوو دیموکراسی و یەکسانی گەلا وەزیر جۆشکون پارلاک جە درێژەو قسەکاشەنە واتش، "ئێمە نوێنەرۍ گەلینمۍ و یاونای داواکارییەکۍ گەلی پۍ مێڎانی سیاسی ئەرک و ۋەرپرسیاری ئێمەن. گۆشەگیری سەروو بەڕێز عەبدوڵا ئۆجالانی بەردەوام رۆژەڤی سەرەکی گەلەکەیما بیەن، ئامانجوو ڕاپیماکەیما پۍ مسۆگەرکەردەی ئازاڎیی جەسڎەیی رابەروو گەلوو کوردی و چارەسەری دیموکراتیکی پرسوو کوردیا. بەڕێز عەبدوڵا ئۆجالان نەک حەر پەی چارەسەرکەردەی پرسوو کوردی، بەڵکم پۍ دمایی ئاردەی پا جەنگ و قەیرانا کە بیێنۍ بە مەڵامەتوو مەردەی سەڎان هەزار کەسا جە ۋەرکەوتوو دلێڕاسەینە، سەرمەشقی پۍ چارەسەری دیموکراتیکی کەرۆ. ۋەروو ئینیشا گرڎیی نەک تەنیا ۋەرکەوتوو دلێڕاسەینە، بەڵکم سەروو ئاستوو تەماموو دنیێچ کاراکتەرێوە گرنگا".
'ئامانجەکەیما بەدەسمارمۍ'
پارلاک ئانەیچش وست ڕووە، کە ڕاپیماکۍ ئازاڎیی سەرۍ گنا و واتش، "ڕاپیمای ئازاڎیی و گرڎوو چالاکی و ۋێنیشاندایەکێما ئاسایی نیەنۍ، بەمەبەسوو بەدەسئاوردەی ئامانجی، ملاڕاوە. پېسە مزانیۆ ماوەو یەرۍ مانگان جە زینڎانەکانە مانگرتەی جە واردەی ملۆڕاوە و ئێشکگیریی دادپەروەری ئەڎایا ئاشتی بەردەواما. ئامانجما ئازاڎیی بەڕێز عەبدوڵا ئۆجالانی و چارەسەری پرسوو کوردین جە ڕاو دیموکراتیکیوە. قەناعەتما پاسەن کە هەنگام بە هەنگام میاومۍ پا دووە ئامانجە بنەڕەتیاما. تا بەدیئاردەی ئا ئامانجاما جە گرڎ مێڎانێنە و بە گرڎ جۆرێوە درێژە بە کۊشیایما مڎەیمۍ".
