جە مەراسیمو کەرڎەیۊ نۋیسینگەو چڕیەو(بانگەشە) ھورچنیەی پارتو چەپی سەوزینە جە هێلسینبۊرگ، "زیا پیر" ئەنڎامو هەدەپەی ۋاتش، دەنگداو دەنگدەرا جە ئۊروپانە فرە گرنگا و ماچۊ "ئەشۊ یانە بە یانە ھەرمانە کریۊ."
ھەرمان و کارو ھورچنیەی هامپەیمانیی ڕەنج و ئازاڎیی جبەرو ۋڵاتینە ۋەردەواما.
پارتو چەپی سەوزی نۋیسینگەو چڕیەو ھورچنیەیش جە شارو هێلسینبۊرگو سویدینە بە بەشڎاری پەرلەمانتاری ۋەڵین و هەدەپەی زیا پیری کەرڎۊ.
جە مەراسیمەکەنە "زیا پیر" باسش جە گرنگیی ھورچنیاکا ١٤ و ئایاری کەرڎ و داواش جە گرڎو دەنگدەرا تورکیای کەرڎ دەنگ بە پارتو چەپی سەوزی بڎا.
زیا پیر ئەرەیاۋناش، دەنگداو دەنگدەرا ئۊروپانە فرە گرنگا و ۋاتش، "پێۋیسا یانە بە یانە ھەرمانە ئەنجام بڎریۊ و قەناعەت بە مرۊڤەکا کریۊ تاوەکو دەنگ بڎا".
حەرپاسە جە مەراسیمەکەنە "ئینگرید ماتیاسۊن و سارینێن و فێرمان بویوک کایا" بە نامۍ ڤینستەرپارتیت (پارتو چەپی)ۊ ئاماڎۍ بێنۍ. سارینن پەشتیوانیی ۋێش پۍ پارتو چەپی سەوزی بەربڕی و ۋاتش، "دۊڵەتو سویدی مەبۊ ئیتر هامکاریی ئەردۊغانی کەرۊ. مەبۊ بۊ بە ئامرازێۋە پۍ ھورچنیای".
حەرپاسە "بیوک کایا" ھورسەنگنایش پۍ ڕوۋەدا سیاسییەکا ئی دماییەو کورڎسانی کەرڎ و سەرنجش وست سەرو گرنگیی پەشتیوانیکەرڎەی جە گەلوو کورڎی.
ھ . ش
