پارتو چەپی سەوزی کە قەرارا پارتو دیموکراتیکو گەلان (هەدەپە)ی سەرو لیستەکەو ئاڎیشا بلۊ دلۍ ھورچنیاکاۋە، صەوای بەرنامەو ھورچنیاو ۋێش ئاشکرا مکەرۊ. بەیاننامەکە صەوای جە ئوتېلێۋەنە جە ئەنقەرە ئەرەیاۋیۊ.

هامسەرۆکا گرڎی هەدەپەی "پەروین بوڵدان-ە و میدحەت سانجار" بەشڎارۍ گلېرۊبیەکەی با  و قسېشا بانە. ۋەڵۍ وینای کریۊ کە هامسەرۆکا هەدەپەی ڕۊشنش بکەراۋە کە پێچی سەرو لیستو پارتو چەپی سەوزیەنە ملا دلۍ ھورچنیاکاۋە.

بەیاننامەکە جە تەرەفو هام وتە واچا پارتو چەپی سەوزی "چیدەم کلیچگون ئوچار و ئیبراهیم ئاکن"یوە ئاشکرا کریۊ. دماو ئاشکراکەرڎەو بەیاننامەکەی دروشمەکەیچش ئەرەیاۋیۊ و جە هەمان ۋەختەنە گۆرانیەو پارتەکەی پۍ ھورچنیاکا کە بە زوۋانەکا کوردی و تورکی ئاماڎە کریێنە مشناسیۊ.

ھ.ش