بە پاوسەرچەمیوە تایبەتی جە مەنتیقەو برادۊستینە، کە بە ئاژانسوو هەواڵوو فورات( ANF)یش یاونان، پارتی دیموکراتوو کوردستانی (پەدەکە) ماوەو  چند مانگێوەن، هەوڵۍ کۊکەرڎەیۊ هێزێوە مدۊ جە مەنتێقەو برادۊستینە، کە ئامانج چەنەش کۊکەرڎەیۊ ١٠٠٠ هەزار چەکداران.

 ئا سەرچەمە ئاماژەش پانەیچە کەرد، ئا هێزە پەدەکە وەشش کەرۊ، سەر بە سوپاو بارزانی بۊ جە ڕاو مستەفای وچکلەو کوڕوو مەسعود بارزانی-یوە بریۊ ڕاوە و سەرپەرشتی کریۊ، سەروازگێوە نزیکوو فیشخابوورینە ئامادە کریا، جە ڕووەو سەروازیوە و دماتەر پەی مەنتیقەو برادۊستیشا فاڕاوە. تا ئیساتۍ ٦٠٠ کەسێشا ئامادۍ کەرڎێنۍ کیانیێنۍ پەی مەنتێقەو برادۊستی، مەنتێقەکەنە نمایشی سەروازییشا کەرڎەن پەی تەرسنای خەڵکوو مەنتێقەکەی.

هەمان سەرچەمە پەی ئاژانسوو هەواڵوو فوراتی پێسە ئامانجەکاو وەشکەرڎەی ئا هێزەیشە لاو پەدەکەیۊ ڕۊشن کەرڎۊ و  واتش: "پەی ماڕای مدرامانوو بنەیانەو کەریم خانوو برادۊستین، وەراوەروو ئەرەگیرکاریوە، هەرپاسە زیادکەرڎەی دەسلوای پەدەکەین دلۍ برادۊستییەکانە چونکوم تا ئیساتۍ بە گرد نۊعێوە برادۊستییەکۍ ڕەتش کەراوە وێشا ڕادەسوو پەدەکەی کەرا".

"یۊ تەر جە ئامانجەکاو ئا هێزەیە ڕاوەشکەرڎەین پەی گێرتەی خاکوو پانیشتوو کوردستانی لاو سوپاو تورکی ئەرەگیریوە، جیا چانەیە تەوقدای پەکەکەین مەنتیقەو برادۊستینە و ورگیسنای ئاویروو جەنگین بەینوو کورڎانە".

بە پاو ئا ڤێدیۊ و ڕسما یاوێنی دەسوو ئاژانسوو هەواڵوو فوراتی، پەدەکە مەنتیقەو برادۊستینە مانۊڕێوە سەروازییش برادۊستنە پەنە کەرڎێنۍ وەروو تەرسنای خەڵکوو مەنتێقەکەی.

یاگۍ واتەینە یاگۍ پەروەرڎەکەرڎەی سەروازیی هێزە تازەکەو پەدەکەی هەمان یاگێنە، کە وەڵتەر چەتەکا بە نامۍ "پێشمەرگەو ڕۊژ"ی دلێشنە دەوڵەتوو تورکی پەروەرڎۍ کەرڎۍ، پەی دژیاتیکەرڎەی شۊرشوو وەرنیشتوو کوردستانی.

س.ز