ناوەنڎو یاۋنەری و چاپەمەنی ھەپەگەی جە بارەو چالاکییەکا گەریلای و هجومەکا سوپاو تورکی ئەرەگیری، ئەرەیاۋنېوەش ۋەڵاکەرڎۊ.

جە یاۋنەریەکەنە ئی زانیاریۍ ۋزیېنۍ ڕووە:

"جە ھەرێمو گەشمەرڎە دەلیلو ۋەرنیشتوو زاپی:

٦و ئابی، سەعاڎ ٠٩:٣٠، ١٤:٠٠ و ١٦:٠٠، جە مۍڎانو مدرامانو جودی جودی، بە چەکی قورس جە ئەرەگیرا دریا، گورزە جە ٣ سەنگەرا شنیا.

چالاکییەکە جە لایەنو هێزەکا یەژاستاریوە ئەنجامدریا.

هجومەکۍ سوپاو تورکی ئەرەگیری:

دەوڵەتو تورکی ڕۊو ٦و ئابی، سەعاڎ ١٨:٢٠،دەیەقۍ جە دەگاو بلندبازی ناحیەو چەمانکۍ جە مەنتیقەو گارۍ بە فڕۆکەی جەنگی بۊمبۋارانو ترۊمبېلېوە مەڎەنی خەڵکو مەنتیقەکەیش کەرڎ. جە ئاکامو ئا بۊمبۋاراینە، ئالان ئیسماعیل گیانش جە دەسدا و ھاشم شەکریچ بەسەختی زامڎار بی. ٣ سەعاتۍ دماو ئا بۊمبۋارایە، دەوڵەتو تورکی ئیجارەشا تۆپبۋارانو دەگاو گوهەرزی سەر بە ئامێدیش کەرڎ. حەردووە ڕووەداکەی بە ڕۊشنی بەرش وزا کە دەوڵەتو تورکی بە مەبەس خەڵکو مەنتیقەکەی بۊمبۋاران کەرۊ.

٦و ئابی مېڎانو مدرامانو کەشو ۋەهاری، جە ھەرېمو گەشمەرڎە دەلیلو ۋەرنیشتوو زاپی، ٣ جارۍ جە لایەنو فڕۆکەی جەنگیوە بۊمبۋاران کریا.

٦و ئابی، مېڎانو مدرامانو کەشو جودی جە ھەرێمو گەشمەرڎە دەلیلو ۋەرنیشتوو زاپی، ٦ جارۍ جە لایەنو کۆپتەرەکاوە بۊمبۋاران کریا.

ھەرێمەکۍ زاپی، گەشمەرڎە دەلیلو ۋەرنیشتوو زاپی و مەتینای تۆپۋاران کریۍ.

هـ .ش