کۆمیتەی ڕاوەبەری پەکەکەی ئەرەیاۋناش کە جە ماوەکا ۋیەرڎەینە هجومەکۍ دەسەڵاڎداری ئاکەپە و مەهەپەی زیاتەرۍ بیېنۍ و داواش جە گەلا تورکیای و مرۆڤایەتی دیموکراتیکی کەرڎ کە جە ۋەران ۋەرو ئانەینە ۋېڕاگری کەرا.
جە ئەرەیاۋناکەو کۆمیتەی ڕاۋەبەری پەکەکەینە جگە جە بانگەوازی پۍ مدرامانی ئانەیچ ئەرەیاۋیان کە ئاکەپە و مەهەپە پەشتی بە لایەنە جاسوسی و داردەسەکا بەسا و ئەرەیاۋنانیچش: "ژەنۍ و گەنجېما بەتایبەتی مشۊم گرڎو گەلی و دۆسەکېما یەکجار هەستیارۍ با و پەنەوازەن قەت دەرفەت بە جاسوسی و داردەسەکا نەڎا. پۍ گرڎو وڵاڎپارێز و دیموکراتەکا فرە گرنگ و پێۋیسا کە کۊشیای کاریگەر درێژە پنەبڎا و بزانا کە کۊشیای جە دژوو هجومە فاشیستی و قڕکەرەکا جە کۊشیای جە دژوو خیانەتی جاسوسی و داردەسەکا جیامەکریۊۋە".
ئەرەیاۋناکەو پەکەکەی پی جۆرەنە:
هجومەکۍ ۋەڵۍ گرڎ چېۋېنە ڕابەر ئاپۆی کەرانە ئامانج
تەیب ئەردۆغان و دیکتاتۆری فاشیست و قڕکەری هامپەیمانی کۆماری کە دماو هۊرچنیەی ناڕەوای سەرجەنۊ ئەرەمەرزناوە، پېسە چەمەڕا کریۍ بە پەشتیوانی ناتۆی و پەدەکەی جە سەرەتاوە هجومش کەرڎ سەرو ئیمراڵی و هەرێمەکا پارېزنای مەدیای و پارچەکا سەرنیشتوو، پانیشتو و ۋەرنیشتی، گلېرگەو تورکیای گەلەکەما جە بەرو وڵاتی، جە هەمان ۋەختەنە فشار و تیرۆری فاشیستی ۋېش زیاتەر کەرڎەن. ئامانجو ئا هجومە فاشیستی و کۆکوژکارەیە دیارا: ڕابەر ئاپۆی دلۍ گۆشەگیری ئیمراڵینە کپ کەرۊ، گەریلاکا ئازاڎیی کورڎسانی سەرکوت کەرۊ، پەکەکەی پاکتاو کەرۊ، گەلە وڵاتپارێزەکەیما و دۆسە دیموکراتیکەکاما چەوسنۊوە، جە سەرنیشتوو کورڎسانی قڕکەرڎەی کولتوری بیاۋنۊ ئەنجام و پارچەکا پانیشتی و ۋەرنیشتیچ ئەرەگیر کەرۊ.
بێگومان ئا هجومە فاشیستیۍ و قڕکەرۍ بەتایبەتی ڕابەر ئاپۆی کەرانە ئامانج. جەبارەو ڕابەر عەبدوڵا ئۆجالانیۊ کە ٢٥ ساڵېن جە ئیمراڵینە زینڎانی کریان، ماوەو ٢٩ مانگان حیچ هەواڵ و زانیاریېۋە سەرش مەزانیۊ. سەردای و داواکاری خانەواڎە و پارێزنەرا بە مەبەسو دیڎاری ۋەردەوام رەڎ کریاوە. جە لایېوە ئا دیڎارۍ بە سزای هەڕەمەکی و دیسپلین ڕاگیریشا چنەکریۊ، جە لایۍ تەریچۊ گەرەکشانە کە ڕابەر ئاپۆ جە چوارچێوەو یاساکا ئەوروپاینە ئازاڎیی جەستەیی ۋېش بەدەس نارۊ. فشار و ئەشکەنجەی جەستەیی و دەرونی کە تاریخەنە ۋېنەش نەبیەن جە ئیمراڵینە یاۋان لوتکە. ۋەرو ئانەی مشۊم گرڎ کەسۍ کە بە ۋېش ماچۊ وڵاڎپارێز و دیموکرات، جە ۋەران ۋەرو ئا ئاژەینە هەستیار بۊ و دژ بە سیستمو قڕکەرڎەی ئەرەکۊشۊ. پیمەری سەرەکی دیموکراتییەتی یۊگېرتەی و وڵاڎپارێزی ئینەن.
ڕابەر عەبدوڵڵا ئۊجالان ٢٥ ساڵێن دژوو سیستموو ئەشکەنجەی و قاڕچنیەیۊ ئیمراڵینە گەورەتەرین و مانادارتەرین مدرامانوو ئازاڎیی تاریخی کەرۊ. وەروو ئانەیە مشۊم ئا مدرامانە بەدروسی پەنەش بزانیۊ و هاگاداری کریۊ. وەراوەروو هجووموو دلێنەبەرڎەی و سڕیەیۊ کە وەخت دماو وەختی، بەرەو وەڵی ملۊ و ئا مدرامانە بەرزکەرڎەیۊ دڵپاکی و بێگەردیی ئینسانیەتین. سەروو ئا بنەمۍ کورڎایەتیی ئازاڎ و ئینسانیەتی ئازاڎ کە موازیۊ خنیکنیۊ و بە زیندەیی مرڎۊوە. سەروو ئا بنەمۍ ئانە ئا بابەتەیە بەدروسی هەستش پەنە کریۊ، مەرجا کە کۊشیای ئازاڎی و دیموکراسی پێوەس بە ئازاڎیی جەستەیی ڕابەر ئاپۊی گوڕش دریۊ پەنە و گەشتەر کریۊ. چا چوارچوەنە جە سەد ساڵەو پەیمانەو لۊزانینە سڵام جە هەڵوێستوو گەلەکەیما جە لۊزاننە کە وێشا بە ساعیبوو ڕابەر ئاپۊی زانا و هەرپاسە سڵام جە هەڵوێستوو دۊساما کەرمۍ، کە جە ٢٦ تەمووزینە لە بروکسێلنە جگە جە ٤٠ سەندیکایا، ڕوناکویر و سەرۊکوو شارەوانییا جە ئەورووپانە داواو ئازاڎیی جەستەیی ڕابەر ئاپۊیشا کەرد. بە هەمان شێوە ئێمە داوا کەرمۍ کە چالاکییەکاشا دژوو ئەشکەنجە و گۊشەگیریی ئیمراڵی و بەرزکەرڎەیۊ داواکاری پەی ئازاڎیی جەستەیی ڕابەر ئاپۊی زیاتەر کریا.
هجوومەکۍ پەشتی پا هامکارییا بەسا کە ناتۊ، ئاستانا و پەدەکەوە ورشا گێرا
ئاشکران کە هجوومە فاشیستی و قاڕچنەکۍ، جگە ڕابەر ئاپۊی دژوو گەریلاکاو ئازاڎیی کوردستانیچ زیادشا کەرڎەن. جە ١٩ تەمووزینە زاپنە، ئاڤاشین و مەتینانە هجوومی تازەو ئەرەگیری وەڵۍ وزیا و چا هجوومانە گرد جۊرە چەکێوە قەدەغە، چەکی ئەتۊمیی تاکتیکیچ بەکار مۍ. فاشیزموو ئاکەپە-مەهەپەی پەی ئەرەگیرکەرڎەی هەرێمەکاو پارێزنای مێدیای، کە جە ئابوو ٢٠١٦ بەدماوە سەرباروو هجوومەکاوە مەتاوۊ داگیرش کەرۊ، گردوو هێز و تواناکاو تورکیایش وستێنۍ ئامادەباشی و سەفەربەرییوە. فرە ڕۊشنا، کە جە هجوومە ئەرەگیرییە قڕکەرییەکاشانە پەشتی پا هامکارییا بەسا، کە لە ناتۊ ئاستانا و پەدەکەنە ورش گێرا.
گەریلاکاو ئازاڎیی کوردستانی پێسە حەوت ساڵی ویەرڎەی بە قارەمانێتییوە دژوو ئا هجوومە ئەرەگیرییاو ئی دماییە وێگێری کەرۊ و ڕا جە ئەرەگێری و هجوومی فاشیستی و قڕکەری گێرتەن. پیسە گرد ڕوێوە جە ئەرەیاونایچنە وینیۊ. هێزەکاو گەریلایما بە چالاکییەکاشا گرد ڕوۍ گورزی قورس جە گرووپە ئەرەگیرە فاشیستەکا مدا. پێسە مدرامانوو ئیمراڵی، مشۊم مانا و قورسایی تاریخیی مدرامانوو گەریلای ئارۊنە جە ڕووەو ئازاڎیی کوردی و ئینسانیەتی دیموکراتیکیوە بەخاسی وینی. چا چوارجوەنە سڵام جە سەرجەموو هێزەکاو گەریلایما کەرمۍ، جە فەرماندە و پێکئامایەکاو جەنگەواناو هەپەگەی و یەژاستاری، کە جەهەرێمەکاو پارێزنای مێدیاینە، بەتایبەتی زاپ، ئاڤاشین و مەتینانە، سەرتاسەروو کوردستانینە دژوو دوژمنی فاشیستی و قڕکەری ئینۍ سەروو خەتەو وێپارێزنایۊ و وێگێری کەرا، هاموەخت مەبارەکباییچشا وەنە کەرمۍ. ئینایمۍ چا قەناعەتنە کە چالاکییەکاو گەریلای زیاتەر وەرفراوانۍ با و گورزی دژوارتەر جە دوژمنی فاشیست و قڕکەری دریۊ.
مشۊم گوڕ بە مدرامانی دریۊ
فرە ئاشکران، کە هجوومە فاشیستییەکۍ کە دیکتاتۊری فاشیست تەیب ئەرڎۊغان و هامپەیمانیی کۊماری هەوڵۍ مدا سەرڎەمی تازەنە کەراش، هامبەشێنۍ. ئی هجوومۍ لایەنی ئایدۊلۊژیک، سیاسی و سەروازییشا هەن و ئامانجشانە، کە گردوو بەشەکاو گلێرگەی و بەتایبەتی گەنجا و ژەنا کەرا بە ئامانج. هەر پێسە چەنی کورڎەکا کەرۊئامانج بە هەمان شێوە گەلاو تورکیای و گردوو ئینسانییەتیچ کەرۊ ئامانج. هەوڵۍ مدۊ جە ڕاو ئەرەگیریوە، کە دێنەش وەر گردووو ژیوگەی و بەهاکاو ئینسانیەتی دلێنە بەرۊ. چا چوارچوەنە پێسە کۊشیای ئاکبەلەنی ئێمە کۊشیا دژوو دلێنەبەرڎەی ژیوگەی و مدرامانوو ڕۊنامەوانا، کە هاوار پەی ڕاسی کەرا، سڵامشا وەنە کەرمۍ. وەنەو گردوو خەڵکی چڕمۍ، جە گەلاو تورکیای و ئینسانیەتی دیموکراتیکی، کە دژوو هجوومەکاو فاشیزموو ئاکەپە-مەهەپەی جە گرد مەیدانێوەنە مدرامانوو ئازاڎی و دیموکراسیی سەرتاسەری تندتەر گەشە بدا پەنە.
مشۊم ڕا بە چالاکیی سیخوڕەکا نەدریۊ
ڕۊشنا کە جگە چانەی کە فاشیزموو ئاکەپە-مەهەپەی ئا هجوومە ئاماژە پەیکریایا بەرەو وەڵۍ بەرا، جگە جە ڕا و شێوازوو تەکنەلۊژیای هەوڵ مدۊ، کە زیاتەر پەشتی بە خائینە سیخوڕ- دارڎەسەکا بەسۊ، پەی ئانەیچە بەکارشا بارۊ و ئەنجام بەدەس بارۊ. سەروو ئا بنەمێچە جە تۊقنایۊ تا پێشکەشکەرڎەی برۍ ئیمتیازە گولانا، گرد ڕا و ڕێبازێوە تاقی کەرۊوە. بەتایبەتیچ هەوڵۍ مدۊ هجووم کەرۊ سەروو لایەنە وەڵاتپارێزن و دیموکراتەکا و ئەگەر ئی بەروستەیە گونجیا بۊ گەرەکشا دلێوە زەرەر بیاونۊ. چا چوارچوەنە مشۊم گردوو گەل و دۊساما بەتایبەتی گەنجۍ و ژەنی فرە هۊشیارۍ با، هەرگیز ڕا بە چالاکیی سیخوری چانیشا نەدا. بە هۊشمەندیی ئانەیۊ کۊشیای دژوو هجوومە فاشیستی- قڕکەرییەکا جە کۊشیاینە دژوو خیانەتوو سیخوڕ- دارڎەسی ئەرەبڕیا نییا، گرنگ و پێویسا، کە گرد وەڵاتپارێزن و دیموکراتێکێوە هەریاگێوەنە باشوێنێک دەبن بۍ مرڎای درێژە پا کۊشیایە بدا.
زەکی شەنگالی و گەشمەرڎۍ ئابی یاڎکریېوە
پېسە جمیەری و گەلی ئێمە پاما وستەن ئابێوە تازۊ. ئاب نەک هەر مانگەو هەڵمەتی و قەڵەمبازی ئاخېزین، جە هەمان وەختەنە مانگەو کۆکوژی و مدرامانین جە دژوو کۆکوژیی. کۆکوژی شەنگالی کە جە ٣ۍ ئابو ٢٠١٤ ی جە لایەنو چەتە فاشیستەکا داعشیوە دەسشپنەکریابۍ و مدرامانی گەورە دژ پا کۆکوژییە نۆساڵېش پەڕکەرڎۊ و پا منیەیمۍ دەیەم ساڵیاڎشۊ. جە سەرەتانە ئا هجومە کۆکوژکاریە شەرمەزار کەرمۍ و جارێوەتەر سڵام جە مدرامان و گەلوو کورڎی ئێزدی جە دژوو هجومە قڕکەرییەکا کەرمۍ و مبارەک بایشا ۋنەکەرمۍ بە مەڵامەتو ئا مدرامانەیۊ. جە کەسایەتی مام زەکی شەنگالینە ئێمە گرڎوو گەشمەرڎە قارەمانەکا ئا مدرامانە گەورەیە بە رێز و پنەزانایۊ ۋیر مارمېوە. قەناعەتما پاسەن کە ئا مدرامانە جە دەیەم ساڵوەگېڵشەنە بەقوەتتەر بۊ و ژیای ۋېڕاوەبەری بە شێۋۍ بەقوەتتەر ۋەڵۍ گنۊ.
ئێمە پېسە پەکەکەی جە ساتی یۋەمۊ جە ۋەران ۋەر بە هجومە قڕکەرییەکا داعشی پاڵ و گەلوو کورڎی ئێزدیمانە مرڎایمۍ و بە دەیان گەشمەرڎېما جە جەنگو ئازاڎکەرڎەی شەنگالینە بەخشۍ. دماتەر ۋەختۍ وچیا "پەکەکە ۋەردەمو ژیای سیاسی و مەڎەنینە ۋەربەسا" ئێمە هێزەکۍ گەریلایما چا هەرێمەنە کیشنېوە. سەرەڕاو ئانەی کە ٥ ساڵېن ئا هێزۍ ئانەی واچېنۍ و دلۍ مژارەکەینە بەشڎارۍ بېنۍ، بەڵام حیچ چارەسەریېوە ۋەرچەمو دیموکراتیکیش ۋەڵۍ نەوستەن. حەرپاسە پېسە ئانەی جە پەیمانەو ٩و تشرینی یۋەمینە ۋینیا، سەرو گەلوو کورڎی ئێزدیما سیستمێوە تازەو فشاری و باڵادەسی سازکریا. پی بۆنۊ ئا هێزا هوشیار کەرمېوە و داواشا ۋنەکەرمۍ دەس چا حۊڵە شووماشا هۊرگېرا، وەعدەکاشا بەرا سەر و پەشتیوانی جە ژیای ۋېڕاوەبەری دیموکراتیکی گەلوو ئێزدیما کەرا. ئێمە ئەرەیاۋنمېش کە ئێمە شۊنیرە لۋای پۍ ئا ئاژەیە کەرمۍ پۍ ئانەی گەلوو کورڎی ئێزدیما ۋەرەن ڕوو هجومېوە تازەی قڕکاری نەباوە.
جە کەسایەتی هامڕا حسێن ماهیر، ساری ئیبراهیم، عەگید کارزانی و ئاتاکان ماهیرینە گرڎوو گەشمەرڎا ئابی بە رێز و ۋەشەویسی و پنەزانایۊ ۋیرمارمېوە و وەعدو ۋېما پۍ بەدەسئارڎەی و ئامای دی ئامانجەکاشا و بە زینڎەیی راگرتەی ۋیرەوەری و یاڎو ئاڎیشا واوەی کەرمېوە".
هـ . ش / س . ز
