کۊمیتەو ڕاوەبەریی پەکەکەی ئانەش یاڎ کەرڎۊ، کە دیار غەریب وەڵاتپارێزن و شۊڕشگێڵنێوە فرە گەورەو پانیشتوو کوردسانین، بۊنەو کۊشیایشۊ پەی ئازاڎی و دیموکراسیی پانیشتوو کوردسانی، وەروو کۊشیایش پەی یۊبییەی نەتەوەیی کوردی، کریا ئامانجوو کۊلۊنیالیستی و نۊکەرا و چا ڕووەوە ئەرەیاوناش: "خاکوو پانیشتوو کوردسانی پەی خیانەتکارا و کۊکوشە فاشیستا کەرمۍ بە قەبرسان".

کۊمیتەو ڕاوەبەریی پەکەکەی بۊنەو ساڵیاڎوو گەشمەرڎەبییەی ئەنداموو کۊمیتەی ناوەندی پەکەکەی و ئەنداموو دەسەو سەرۊکایەتیی گردینوو کەجەکەی دیار غەریب (هەڵمەت)یوە، کە جە ٢٦وو حوزەیرانوو ٢٠١٩ جە ئەنجاموو هجوومی ئاسمانیی دەوڵەتوو تورکیوە پەی سەروو قەندیلی گەشمەرڎە بی، ئەرەیاوناێوەش وەڵا کەرڎۊ.

جە ئەرەیاوناکەینە ئامان: "ماوەو چوار ساڵان پیسە جمیەری و گەلی هەوڵۍ مڎەیمۍ درێژە بە هەنگامەکاو هامڕا هەڵمەتی دەیمۍ و ئامانجەکاش بارمۍ دی. گورزی قورسما جە فاشیزموو ئاکەپە-مەهەپەی دا و هەقەو هامڕا هەڵمەتیما ساناوە. سەروو ئا بنەمێوە و جە چوارەمین ساڵیاڎوو گەشمنەرڎەبیەیشنە ڕۊڵەی قارەمانوو گەلەکەیما پانیشتوو کوردسانی و جەنگاوەری بەنرخوو پارتیما هامڕا هەڵمەت بە ڕێز، وەشەسیای و پەنەزانایۊ یاڎ کەرمێوە. قەراروو وێما مڎەیمۍ پەی ئامایدیی ئامانجەکاش و بە زیندەئاستەیۊ یاڎوو ئاڎی کەرمێوە. ئەرەیاونمێش کە جە پەنجەم ساڵنە بە کۊشیای گەورە کە بەرەو وەڵێش بەرمۍ، هەقەش کەرمێوە.

شۊڕشگێڵنۍ گەورە و وەڵاتپارێزن بۍ

پێسە مزانیۊ هامڕا هەڵمەت وڵاتپارێزن و شۊڕشگێڵنێوە گەورە بۍ، کە دلۍ گەلەکەیمانە پانیشتوو کوردسانینە ورکەوتەبۍ. عومروو گەنجیشنە وەراوەروو خیانەتی کە پێسە کلکوو سیستموو کۊکوشی و کۊلۊنیالیستی بۍ هەڵوێسوو وێش نیشانە دا و ئاما ڕیزوو پەکەکەیۊ. لوابۍ لاو ڕابەر ئاپۊی و ئاڎی پەروەرڎە کەرڎەبۍ. پانیشتوو کوردسانینە بی بە نوێنەروو یۊبییەی نەتەوەیی کوردی و نیشتمانپەروەریی کوردی. وەراوەروو گرڎوو هجوومەکاو ڕژێموو سەدامی و فاشیزموو تورکیوە، پەی ئازاڎی و دیموکراسیی پانیشتوو کوردسانی و هەرپاسە یۊبییەی نەتەوەیی کوردی کۊشیا. پەوکای لاو ئەرەگیرا و هامکارە ناپاکەکاو ئەرەگیراوە کریا ئامانج.

جە گرد ئاستێوەنە هەرمانە و وەرپەرسبییەیش ورگێرت

هامڕا هەڵمەت جە چوار پارچەو کوردسانینە بەتایبەتی پانیشتنە خەباتی شۊڕشگێڵنی و وەڵاتپارێزنیش کەرڎەن. گرد نۊعە خەباتێوەش کەرڎەن بەتایبەتی خەباتی گەریلایی، گردوو ئاستەکانە هەرمانە و وەرپەرسبییەیش بییەن. وەختوو گەشمەرڎەبییەیشنە ئەنداموو دەسەو سەرۊکایەتیی گردینوو کەجەکەی و ئەنداموو کۊمیتەی ناوەندی پەکەکەی بۍ. پەی ئانەی گرد هەرمانێوە بەسەرکەوتەیی پۊڕنۊ ڕەنجێوە فرەش کێشت. بەرڎەوام سەروو خەتەو ڕابەرایەتی و گەشمەرڎاوە لوۍ ڕارە. کەسایەتیێوە نیشتمانپەروەر بۍ، پەی پەروەرڎەو گەلوو کوردی بەرڎەوام خەبات کەرۍ. بەتایبەتیچ پەی ئەوەکۊڵیای و ئاشکراکەرڎەی تاریخوو کورڎا ڕەنجی فرەش کێشت و گرنگیێوە فرەش بە پەروەرڎەو گەنجاو کوردی دا. دەرەنجام و خوڵقنایەکاو ڕەنجوو ئاڎی هەڵای دلۍ کۊشیای ئێمەنە مەنێنۍ.

پێوەرە تیرۊرشا کەرد

کۊکوشاو ئاکەپە و مەهەپەی و خائینە کورڎەکۍ پێوە هامڕا هەڵمەتشا تیرۊر کەرد. پێسە تەیب ئەرڎۊغان و ڕاوەبەروو دەوڵەتی باخچەلی هەوڵیشا دۍ هەقەو شکسوو ورچنیەیە وێیاگەییەکا کەراوە. پەی ئانەی دژوو هجوومە ئەرەگیرکارییەکا گەلی و گەنجاو پانیشتوو کوردسانی نەگنا سەروو پایا و سەرمەشقبییەی مدرامانی دلێنە بەرا. خیانەت هامڕا هەڵمەتش تیرۊر کەرد و ناستش کە پانیشتوو کوردسانینە یاگەڎاروو دیموکراسی و ئازاڎیوازی گەشە کەرۊ.

گەریلا ڕاش نەدۍ ویەرا

گرڎوو ئا هەوڵ و حەزاشا سەروو بنەماو مدرامانوو گەریلای جە هەرێمەکاو پارێزنای مێدیاینە پووچەڵۍ کریێوە. گەشمەرڎەبییەی هامڕا هەڵمەتی، پاسەش کەرد کە ئا ڕاسییە زیاڎتەر و قووڵتەر لاو جمیەرەکەیما و گەلەکەیماوە بەتایبەتی گەلوو پانیشتوو کوردسانیوە هەستش پەنە کریۊ. مدرامانی قارەمانانەو گەریلای، کە جە هەفتانینۊ تا خواکورک جە گرڎوو مەیدانەکانە لوا ڕاوە، ناستش کە ئەرەگیری فاشیست-قاڕچن ویەرۊ. جە پانیشتوو کوردسانینە بازرگانیی خیانەتوو هامکاری ئاشکرا کریا و شەرمەزار کریا. خەتەو یۊگێرتەی نەتەوەیی و وەڵاتپارێزنیی هەقەتینەو هامڕا هەڵمەتی هەنگام بە هەنگام لاو گەلوو باشووروو کوردسانیوە هەستش پەنە کریا و پەسەنڎ کریا.

ئێمە سەروو ئا خەتێوە سەرۍ گنمۍ

پا منەیمۍ پەنجەم ساڵەو ئا کۊکوشییەیۊ. فرە ئاشکران کە پێسە جمیەری و گەلی ئێمە فرە بەخاسی جە خەتەو هامڕا هەڵمەتی یاومێنە و خاستەر و قەوەتتەر وەرپەرسبییەیما بەیاگۍ یاونمۍ. بێگومان هێزە فاشیست-قاڕچنەکۍ و خیانەت هامکار زیاڎتەر هجوومۍ کەرا و هەوڵۍ مدا کە پانیشتوو کوردسانی گێرا و ڕۊ بە ڕۊ هجوومەکاشا زیاڎتەرۍ کەرا. ئێمەیچ  سەرووو خەتەو هامڕا هەڵمەتیوە بە سەرمەشقایەتیی گەریلای دژوو گرڎوو هجوومە دڕنڎانەکاشا ڕۊ دماو ڕۊی وێگیری کەرمۍ. جە پەنجەم ساڵوو یاڎیشنە بە کاریگەرتەر و قەوەتتەر وێگێری کەرمۍ. پەی یاڎوو هەڵمەتی خاکوو پانیشتوو کوردسانی پەی خیانەتکاراو هامکاراو فاشیستی و قاڕچنی کەرمۍ بە قەبرسان.

پەنەوازییش بە چەنەپەرسایۊ و حسابپەرسایۊێوە قەوەتتەرین

سەروو ئا بنەمێوە سڵام جە گەریلاکاو ئازاڎیی کوردسانی کەرمۍ، جە هەرێمەکاو  پارێزنای مێدیاینە کە قارەمانانە وێگیری کەرا. بە چالاکییە سەرکەوتانەکاشا بۊتان، مەتینا و خواکورکنە ئێمە مەبارەکبایی جە گەریلای و گرڎوو فەرماندە و جەنگەواناو هەپەگەی و یەژاستاری کەرمۍ و هومێدوو سەرکەوتەیشا پەی وازمۍ. جە کەسایەتیی فیداییە نەمرەکاو خواکورکینە هامڕایا ئاسیا، ئازاڎ و کۊچەر گرڎوو گەشمەرڎە قارەمانەکاما بە ڕێز و پەنەزانایوە یاڎۍ کەرمێوە.

ئێمە کۊکوشیی دەوڵەتوو تورکی دژوو ڕاوەبەریی دیموکراتیکی قامیشلۊنە شەرمەزار کەرمۍ. گەشمەرڎا بە ڕێزۊ یاڎ کەرمێوە. سڵام جە مدرامانوو گەلاو سەرنیشتی و وەرکەوتوو سووریای کەرمۍ جە دژوو فاشیزمی.

هامڕا هەڵمەت یۊ جە گەشمەرڎەکاو گیانبازیی مانگەو حوزەیرانین. ڕۊو گیانبازیی ٣٠ حوزەیرانی ئاندەش نەمەنەن. پی بۊنەوە گردوو گەشمەرڎاو مانگەو حوزەیرانی جە کەسایەتیی گیانبازەو گیانبازا زیلانۍ (زەینەب کەناجی) بە ڕێز، وەشەویسی و پەنەزانایۊ یاڎ کەرمێوە و وەعدوو ئارڎەیدیی ئامانجەکاشا دووەبارە کەرمێوە و خەتەو گیانبازیی هامڕا زیلانۍ و هەڵمەتی بە بنەما گێرمۍ و چەنەپێتەیۊی قەوەتتەر جە سیستمی فاشیست-قاڕچن  و خیانەتوو هامبەشی و هاوکاری کەرمۍ".

س.ز