پۆلیسی میان دەوڵەتیی ئینتەرپۆڵی ئەرەیاۋناش: "جە ئۆپەراسیۆنێۋە پۆلیسو تاوانە میان دەوڵەتییەکانە پۍ ۋەرەنگاربیەیۊ بازرگانیكەرڎەی بە ئینسانی و قاچاخچیەتی كۆچبەراۋە ئەنجامدریان، زیاڎ جە هەزار كەسا جە سەرانسەرو جەهانینە گیریېنۍ. ئشناسنامەو هەزاران قوربانیایچ ئاشكرا كریا".

جەلاو ۋېشۊ یۆرگن ستۆوك، سكرتێرو گرڎی پۆلیسو ئینترپۆڵی جەبارەو ئۆپەڕاسیۆنەکەیۊ پۍ دەزگاکا یاۋنەری ئاشکراشکەرڎ: "فرەوجاری بازرگانیكەرڎەی بە ئینسانی و بە قاچاخ بەرڎەی كۆچبەراۋە جەلایەنو تۆڕێوە تاوانكاری گەورەتەریۊ ملۊڕاوە. هاموەخت ئېستەیۊ و گېرتەی ئا تۆڕا هەرمانېوە ئاسانە نییەنە، بەڵام جە هەوڵ و ئۆپەڕاسیۆنەکاما ۋەردەوامېنمۍ".

بەپاو ئامارەو پۆلیسی میان دەوڵەتی ئینتەرپۆڵی، جە ئۆپەراسیۆنەكەنە هەزار و ٦٢ كەسۍ گیریېنۍ و تاوانما ٨٢٣ قوربانیۍ بازرگانیكەرڎەی بە ئینسانیۊ ئشناسنامەشا ئاشکرا کریۊ و حەرپاسە دەس سەرو زیاڎ جە ٨٠٠ تفەنگا و ترۊمبېلۍ و کەلوپەلی تەریرە گیریۊ.

هـ . ش