د. موسەننا ئەمین ئەندامو پەرلەمانو عێراقی، جە وەختو سه‌ردایشەنە پېلا خه‌ڵكی ناڕازیی كفریی، کە ئا خەڵکە ناڕازییە دژ بە نەبیەی خزمەڎگوزاری ماۋېوەن گلېرۊبیەی ناڕەزایی ئەنجام مڎا، جە واچېوە رۊنامه‌وانینە ۋاتش: "حكومه‌تو هەرێمو کورڎسانی كه‌ڕ و لاڵ و کۊرا، حكومه‌ت سه‌روه‌رییش نه‌مەنەن و ئا سه‌روه‌ت و سامانەیچش چنە سنیاوە كه‌ تاڵانش کەرۍ".

نامبریا ماچۊ: "هه‌رێمو كورڎسانی ئاشبه‌تاڵێۋەش ئەرەیاۋنان حه‌ر ئانە مانەن‌ بلۊنە بوارو جابە‌جێكەرڎەیۊ، ئینە ئاشبه‌تاڵ نییا‌ كه‌ تازه‌ هه‌رێمو کورڎسانی به‌ش کەرا و دماو ئا گرڎ داهاتیە و ته‌خشان و په‌خشانەیە‌ مەعاش مەڎا، ئایا ئینە ئاشبه‌تاڵ نیا كه‌ جەنگی دلېینە زینڎە کەراوە".

ئا پەرلەمانتارەو پەرلەمانو عێڕاقی ۋاتەنش: "حکومەتو هه‌رێمو کورڎسانی حیچ شانازیېوەش نییا‌ كه‌ پۍ ۋېش باسش کەرۊ، خه‌ڵك ده‌رفه‌تو هه‌ناسه‌دایش نییا‌ پېسە پێۋیسی، پۊکەی مشۊم پەشتیوانی چی جۆره‌ خه‌باتە مه‌ڎه‌نییا پېسە خه‌ڵكو كفری کریۊ".

هـ . ش