پەروین بوڵدانە، شاندو ئیمرالی دەم پارتینە، ئەرەیاوناش کە تاوۆنە هەوڵەکێ ئیسەی پێسەو گێڵای شۆنەو چارەسەریرە پێناسە کریانە و ئاماژەش پانەیە دا کە پەنەوازا گرڏ کەسێ بە وردی چی هەوڵا نزیکێ باوە.
پەروین بوڵدانە جە شاندو ئیمراڵی دەم پارتینە، کە ٢٨و کانوونو دووەمی ٢٠٢٤ سەردانو ئیمرالیش کەردەن و جە ٢و کانوونو دووەمی ٢٠٢٥ بەدماوە سەردانو پارتە سیاسییەکا پەرلەمانو تورکیایش کەردەن و فیگەن یوکسەکداغە و سەلاحەدین دەمیرتاشو هامسەرۆکێ وەڵینو هەدەپەی سەبارەت بە پرۆسەکە وینانش، چنی ەژن تیڤی قسێش کەردێ.
،،،
پەروین بوڵدانە جە بەرنامەو "ڕۆو حەوتەمینە" جوابو پرسیارەکێ ڕۆنامەنویس فیلیز کۆچالیش داوە و سەبارەت بە پرسیارو "مرۆڤ تاوۆنە چ نامێوە جە پرۆسەکەی بنیۆنە ؟" واتش:
"وەڵێ گرڏ چيوێ سڵام جە گرڏو وینەرا یوەمو کەناڵو تەلەفزیۆنی ژەنا، ژن تیڤی مکەرو. هەست بە وەشخاڵیێ فرەی مکەرو کە بەشداریم چی کەناڵەینە کەردەن. ئێمە بە پرۆسێوە گرنگەرە ویەردیمێ. بەڕاو من، هەڵای فرە زووا کە گلێربییۆکێ ئیسەی بە پرۆسێوە کە ئینا ئارانە نامێش چنە بنریۆ. بەڵام متاومێنە پێسەو گێڵێوە دماو چارەسەریرە پێناسەش کەرمێنە.
کاتێ لوایمێ ئیمرالی، ڕابەرو گەلو کوردی عەبدوڵا ئۆجالان، جە گلێرۆبییەکەینە پەرلەمانش پێسەو میانکەو چارەسەری پرۆسەکەی دەستنیشان کەرد. پۆکەی ئێمەش سەرو ئا بنەمێ پەیوەندییەکێما دەس پنەکەردێ و چنی سەرۆک و ئەندامێ حیزبەکا کە جە پەرلەمانەنە بییەیشا هەن گلێرێ بییەیمێ. تاوۆنە واچو گلێرۆبییەکێما دمایشا ئامان، جە گرڏو گلێرۆبییەکانە سەرنج، ڕەخنە و پێشنیارێ بەقیمەتێ وسیێنێ ڕووە. هەرپێسە قەولمادابێ ڕۆو جومعەی بەلێدوانێوە گرڏی ئەنجامو گلێرۆبییەکا ئەرەیاونمێ. دماتەر وەرو ئانەی بلمێوە پەی ئیمرالی و گلێرۆبییەی دووەمی ئەنجام دەیمێنە، داواکاری پێشکەش مکەرمێ."
سەبارەت بە پرسیارو 'پەیچی گرڏما مشۆم بە وریایی و ئەرێنیۆ جە پرسەکا نزیکێ بیمێوە'، پەروین بوڵدانە پەی لواو وێش بی جۆرە ئارد زوان: "گرنگا گرڏما بە وریایی و هۆشیارییۆ جە دۆخەکەی نزیکێ بیمێوە. ئینە پەی هەردوولای گونجیان. پەی ئێژا ئۆجالانی و دەسەڵاتیش بەهەمان شێوە، چونکە حیچ کام جە ئێمە نمەزانمێ جە گلێرۆبییەکەی دووەم و یەرەمینە چێش ڕووەمرۆ گردما لوا شۆنیش پەی کەرمێ و وینمێ کە چێش بۆنە.
ئیسە من چنی یوەم تەلەفزیۆنو ژەنا قسێ مکەرو. حەز مکەرو چی دەرفەتەنە ئانەی ئەرەیاونو؛ ئێژا ئۆجالان جە دوومین دیداریداریشەنە سەبارەت بە ژەنا و جوانا قسێ مکەرۆ. پەیامێوە گرنگ پەی گرڏیما مڏۆ. پۆکەی من جە دیداری یوەمەنە سڵامو جمیەرەو ژەنا و جوانام پنە یاونا. هەرپاسە بەڕێزشا واتش: "جە گلێرۆبییەی دووەمەنە جوابو سڵامەکاشا مڏۆوە."
