جە زیندانوو هەولێرینە ٤٠ ڕوێن داغ و ئەر مانشا جە واردەی گێرتەن
جە زیندانوو هەولێرینە ٤٠ ڕوێن مەزڵووم داغ و عەبدولرەحمان ئەر، کە رووبەڕووێ مامەڵەی خراپی بیێنێوە ئینێ چالاکیی مانگێرتەی جە واردەینە.
جە ١٧و تەمووزوو ٢٠١٩ینە دژوو پلەدارێوە کونسوڵخانەو تورکیای هەولێرنە بە نامێ عوسمان کۆسەی هجوومێوە کریا. هجوومەکەنە کۆسە و هاموەڵاتێوە عێراقی بە نامێ نەریمان عوسمانی و هاموەڵاتێوە هەولێری بە نامێ بەشدار ڕەمەزانی مەردێ. مەزڵووم داغ و عەبدولرەحمان ئەر بە سەبەبوو ئا هجوومیوە گیریێ و ئیساتێ ئینێ زیندانوو هەولێرینە.
مەزڵووم داغ و عەبدولرەحمان ئەر چا ڕووەوە کریێنێ زیندان، دایمە پەرسەو پاشێلوو مافەکاشا، کەوتەن وەروو باسی. مەزڵوم داغ و عەبدولرەحمان ئەر لە دمایین نموونەنە بۆنەو فشاروستەیسەریوە و ناچارکەردەیشا بە یەکپۆشی جە ١٨وو ئایاریوە مانشا جوە واردەی گێرت و چالاکییەکەشا پاش نیان ڕۆو ٤٠ەمینیوە.
داغ و ئەر دژوو مامەڵەی خراپی و ئەشکەنجەی جە ٢٨وو ئەیلولوو ٢٠٢٢ مانشا جە واردەی گێرتەبێ و بۆنەو ئانەیۆ کە داواکارییەکەشا قبووڵ کریابێ دماو ١٤ ڕوا مانگێرتەیەکەشا ماڕابێ.
هەرپاسە هەردووە زیندانییەکێ جە ١٣و شوباتوو ٢٠٢٢ وەراوەر بە پاشێلکەردەی مافەکاشا ڕۆچی مەردەیسا دەس پەنە کەردێبێ. دماو ئانەی قەرار دریا کۆتایی بە پاشێلکاریی وەرانوەریشا بێ، نۆیەم ڕۆنە چالاکییەکەشا دمایی پەنە ئارد و ڕۆچەکێشا ماڕا.
س.ز
