فەرماندەیی نەپەگەی نەورۆزو ئېساڵیش پیرۆز کەرد و واتش: "گەریلاکاو هەپەگەی و یەژا ستاری چی قۆناغە تاریخیەنە پەی ئازادی ڕابەر ئاپۆی بە پاو ڕۆحو سەردەمی سەرو هێڵێوە درووسی ئەرک و ۋەرپرسیاری ۋێشا پێکمارا."
بۆنەو نەورۆزو ٢٠٢٥ نەورۆزو (ڕابەرایەتی ئازادی، گلېرگەی دیموکراتیک"یوە فەرماندەیی قەرارگەو مېیانو پارېزنای گەلی (نەپەگە) ئەرەیاۋنێوەش وەڵا کەرڎۆ.
فەرماندەیی نەپەگەی جە ئەرەیاۋناکەینە ماچۆ: "بە وەهارێوە تازۆ پێشوازی جە نەورۆزی مکەرمۍ کە جەژنەو ئازادی و ژیۋایۆ گەلەکەیمانە. بەنامۍ گەریلاکاو ئازادی کوردەسانیوە سەرەتا نەورۆزی جە ڕابەر ئاپۆی پیرۆز مکەرمۍ، کە ڕوح، ئیرادە، فکر و مڎرامانو ئازادیمانە، جە کوردەسانەنە نەورۆزش یاۋنا بە ماناو حەقەتینیش، نەریتو هەزاران ساڵەیش تازە کەرڎۆ و یاوناش بە ڕوحو مڎرامانی گۊرەی. بە وەشەسیای و حورمەتێوە فرۆ سڵام جە ڕابەریما مکەرمۍ. نەورۆز جە تەمامو گەلوو کوردەسانی، بنەیانەی قارەمانو گەشمەرڎا، میلیتانا ئەوەکۊشای و جە گرڎو ئا گەلا کە باوەڕیشا بە نەورۆزی هەن پیرۆز مکەرمۍ. یاڎو گرڎو ئا قارەمانانە مکەرمېوە کە بە جەسەو ۋێشا ئېرو نەورۆزیشا جە کوردەسانەنە گەش کەرڎۆ و جە کەسایەتی هەمڕا مەزڵوم دۆغانی کاوەی سەردەمی و زەکیە ئاڵکانینە قەول مڎەیمۍ کە ویرئاوردەیۆ گەشمەرڎاما بە پێکئاوردەی ئازادی و جۆشدای ئېرو نەورزی زیڼە ڕاگېرمۍ."
نەورۆز بە ماناو گېڵایۆین پەی ئازادی
ئەرەیاۋناکەو فەرماندەیی نەپەگەی پی جۊرە بەردەوام بۍ:
"گەلەکەما کە یۊن جە قەڎیمیتەرین گەلەکاو ئی خاکە تاریخیە، جە تەمامو تاریخەکەیشەنە شایەتو ستەمو هێزە کۆڵۆنیالییەکا بیەن، گرڎ کاتێ پېوەس بە نەریتو نەورۆزیۆ بیەن و تا ئیساتۍ درێژەش بە مەنەیۆ ۋێش دان. گەلوو کوردەسانی کە تاریخەکەش بە مڎرامان و ئەوەکۊشای و بیەی جە دژو ئەرەگیری و قڕکەردەیۆ ۋېیەرنان، بە پېوەس بیەیش بە کولتوورو قوڵو نەریتی نەورۆزش زیڼە ڕاگېرتەن. چی ڕوانگۊ تاریخو کوردەسانی گرڎ کاتێ بە مڎرامان جە دژو ستەمو هێزە کۆڵۆنیالەکا پا هێزەی گەلەکەما جە نەورۆزیوە هۊرشگېرتەن شێوەگیر بیەن. گەلەکەما تەسلیم نەبی، مڎرامانش کەرد و حیچ وەختۍ سازشش جە باوەڕو ئازادی نەکەردەن. ئېرو نەورۆزی کە پېسە پێناسەو مڎرامانو گەلا وەڵێوزیان، جە هەمان کاتەنە مزانی سەرکۊتەین. دماو ئانەی ڕابەر ئاپۆ جە ڕوۍ نەورۆزینە تەڤگەرو ئازادی کوردەسانیش دەسپنەکەرڎ، ئیتر نەورۆز نەک بە تەنیا پەی گەلوو کوردەسانی بی بە ڕوێوە نەریتی؛ جە هەمان کاتەنە بی بە ڕۊو گېڵایۆ پەی جەوهەر، مڎرامانی و سازش نەکەردەی جە ئازادی. چنی بەرکۊتەو پەکەکەی گرڎ کاتێ ئېرو نەورۆزی پېسە ئېرو مڎرامانی ئاسمانەرە بەرزبیۆ؛ نەورۆز بی بە ماناو گېڵایۆ پەی بەها و ئازادی کوردەسانی. چی ڕوانگۆ پېسە چنی گەلوو کوردەسانی بی بە گەلو نەورۆزی، بە هەمان شێوە پەکەکەیچ بی بە پارتو نەورۆزی.
بانگەوازو ڕابەر ئاپۆی وەڵێکۊتەی تاریخی خوڵقنۆ
ئەوەکۊشای ئازادی کوردەسانی جە ڕۊو دەسپنەکەردەیشۆ جە نەورۆزەنە هەنگامەی گرنگەی تاریخیەو ۋێش پێکئاوردەن. جە تەمامو ٥٢ ساڵەو تاریخو ئەوەکۊشایمانە، جە گرڎ نەورۆزێوەنە بیەن بە داراو بەرکۊتەی و هەنگامە تازەکا. پېسە هێزو پارېزنای ئی گەلەی و گەلەکەیما بە پرۆسێوە تازۆ پێشوازی جە نەورۆزو ئېساڵی مکەرمۍ کە جە تاریخو ئەوەکۊشایمانە جە ڕەهەندو ماناڎاریوە قۆناغێوە تازەن. ئی پڕۆسە تازە کە بە بانگەوازی تاریخی ٢٧و شوباتو ڕابەر ئاپۆی دەسشپنەکەرڎ، بێگومان دەرەنجامو ڕەنجی گۊرەو ڕابەرایەتیما، مڎرامانوو گەشمەرڎە قارەمانەکاما و فیداکاری گەلەکەیما و هێزە دیموکراسییەکاوە بەرکۊتەن. سەرو ئی بنەمایۍ بانگەوازو ڕابەر ئاپۆی، نەک بە تەنیا پەی کوردەسانی و تورکیای، پەی چارەنویسو تەمامو هەرێمەکەیچ پرۆسێوەن نوێنەرایەتی بەرکۊتەی وەڵېکۊتەیە تاریخیەکا مکەرۆ.
سەرو ئی بنەمایە پېسە گەریلاکاو ئازادی کوردەسانی، سەرو بانگەوازو ڕابەرایەتی و پارتیما، بە پاو پەنەوازیەکا ئی پرۆسەیە جمێنمێوە و ئا ئەرکە تاریخیەی کۊتەن ئەستۆما جابەجێما کەردەن. جە ١و ئاداری بە دماوە گرڎو هێزەکاما دەسبەردارۍ ئا پێگەیە بیەیمۍ کە بۍ بە مەڵامەتوو دماییئاردەی بە پرۆسەکەی و پڕایۆ پەی پێگەو ئایێربەسی. داخەم نمەشۆ هەمان هەڵوێس جە لایەنو سوپاو تورکیوە نمەوینیۆ. بە پێچەوانۆ ڕابەرایەتی پێگێوە مکەرۆ کە گەرەکشا نیا ئی پرسە چارەسەر بۆ، درێژە بە قوڵبیەیۆ جەنگی مڎۆ. حیچ فاڕیایۍ جە مېڎانو جەنگینە ڕووەش نەڎان، جە لېوەتەرۆ هێزە سیاسییەکۍ بەهەمان شێوە نزیکۍ باوە و ئینەیچ جە لایەنو تەمامو ڕای گرڎینیوە موینیۆ.
ڕۊشنا کە ۋەرپەرسا دۊڵەتو تورکی دەربارەو ئی مژارا داراو ئەرکو ۋەرپرسیارینۍ، ۋێشا جە نزیکایەتی شۆڤێنی و جەنگی و ئا هێزا کە خاوەنداری جە متەی ۋنۍ مکەرا پاک نەکەردەنۆ، پرۆسەو فاڕیای ستراتیجی کە ڕابەرما دەسشپنەکەردەن و ڕاوەبەری پارتیما ئەرێش کەردەن پېسە لاوازی مویناش، هەوڵمڎا ئینەی جە گرڎو ئۆرگانەکا ئەرەیاۋناینە پی جۊرە نیشانە بڎا، پی جۊرە نەریتێوە تازەو دلېنەبەردەی سەپنانە.
بەڵام کاتێ مرۆڤ وانایۆ پەی ئا جەنگەیە مکەرۆ کە ٤١ ساڵێن کوردەسانەنە درێژەش هەن، نەبەزناو ئی دماییەو گەریلاکا ئازادی کودەسانی نیشانە مڏۆنە و گرڏ کەسێ ئینەی مزانۆنە، جە قۆناغو ئی دماییاو جەنگینە، جە دژو پێگێوە کە بەدەسو دەرەکی هەوڵ مڏۆنە گەریلای دلێنە بەرۆ، گەریلا بە بڕوا و ئیرادەو جوانییۆ وێش فیداو ڕابەرایەتی و گەلەکەیش کەردەن، گرد کاتێ ڕاو دەربازبییەیش ئێزتەنۆ و چنی ماڕاو قورسترین هرووژمەکاش بەهێزتەر بییەن.
جە حەقیقەتەنە، وەڵێ بانگەوازە تاریخییەکەو ڕابەر ئاپۆی، گەریلاکا ئازادی کوردەسانی پلانە و جەنگو ساڵو ٢٠٢٥یشا کەردێبێ، وە ڕێکوزتەو وێش وەش کەردەبێ. پێسەو هێزەکا پارێزناو گەلی، پرۆسەو ئەوەکۆشای ساڵەو ٢٠٢٤ بە گلێربییەیۆ کۆنسەو فەرماندارییما کە جە مانگەو تشرینو یوەمینە ئەنجامش دابێ،بەشێوێ فرەلایەن گفتوگۆش سەرو حەقیقەتو جەنگی جە سەردەمو زانست-تەکنیکینە کەرد و ڕێبازو تازەو جەنگەکاش کە فۆرمولەو ئەوەکۆشای سەردەمییا، ڕۆشن کەردۆ. گلێرۆبییەکەیما کە بە بەشداربییەو ٣٨ هەمڕێما جە ئاستو فەرماندارییند کە نوێنەری گرڏو مێڏانەکا گەریلای کەرێ، پێکئامان، سەرو بنەماو ڕوحو فیدایی هەمڕێ ئاسیای و ڕۆژگەرێ سەرو میحوەرەکا گفتوگۆو تێروپەڕو پێکئامێبێنێ. بە تایبەت سەرو بنەماو ئەزموونێوە کە جە جەنگو چوار ساڵەو دماینە بەرکەوتەن، جە دژو تەکنیکێوە وەڵکەوتەی، چنین سەرکۆتەی بەدەس بارمێنە، گفتوگۆ کریا.
ئازادی ڕابەر ئاپۆیما کەردەن بە ئامانج
بێگومان ئی ئەنجامێ جە جەنگ و بە ڕوحی مڏرامان و ئەوەکۆشای هەمڕایا نەمریماوە بە دەس ئاردەن. قوڵبییەیۆ و تەکنیکی و سەرکۆتەو تەکنیکو جەنگ و گەریلای چێرو زەمینی و ئا پسۆریۆ بەدەس ئاردەن، دەسکەوتێوە گرنگو گەریلاکا ئازادی کوردەسانا. بۆنۆ ئی نۆرۆزەی جارێوەتەر بە پەنەوازش مزانمێنە پەی تەمامو گەلەکەیما وەڵاش بکەرمێوە؛ سەرەڕاو ئانەی گەریلاکا ئازادی کوردەسانی پلانەش پەی جەنگی متەبێرە، وە دۆکترینو (ڕێباز)و سەردەمێوە تازەیش دیاری کەردەبێ، پەی ئانەی هەوڵدێکێ ڕابەرایەتی و گەلەکەیما بە فیرۆ نەلۆنە، جە پێکئاردەو وەرپرسیارێتییەکا پاشەڕۆژیمانە هیچ دوودڵییێما نییا. گەریلاکێ هەپەگەی و یەژا ستاری جە پرۆسەو تاریخیرە بە ئامانجو ئازادی ڕابەر ئاپۆی وێشا قفڵ مکەرا و بە پاو ڕوحو سەردەمەکەی بە سەرکۆتەی درێژە بە ئەوەکۆشایشا مڏانە پەی ئاشتی و گلێرگێوە دیموکراتیکی.
سەرو ئی بنەمێ پێسەو هێزەکا پارێزناو گەلوو کوردەسانی سڵام جە گەلەکەیما مکەرمێنە کە جە پرۆسەو نەورزۆینە لوێ مێڏانەکا و جارێوەتەر نەورۆزی بە جۆشو خرۆشو گەریلایۆ جە کەشەکا ئازادی و ڕوحو مڏرامانیۆ جە تەمامو گەلەکەیما موبارەک مکەرمێنە."
