فەرماندەیی (یەرەکە)ی بۆنەو کۆچی هەقەتینو هەڤاڵ عەبدولڕەحمان حاجی ئەحمەدی ئەرەیاۋنێوەش وەڵاکەرڎۆ و ئەرەیاۋناش: "جە بنیاڎنیای یەرەکەیۆ تا ئارۆ بە مۊچیاریەکا هەڤاڵ حاجی ئەحمەدی تاواما جەمۍ دەسکۊتۍ بە قیمەتۍ دەس وزمۍ."
دەقو ئەرەیاۋناکەو یەکینەکاو پارېزنای ۋەرکۊتوو کوردەسانی بۆنەو کۆچی هەقەتینو هەڤاڵ عەبدولڕەحمان حاجی ئەحمەدی پېسەن:
"چی قۆناغە هەستیارە تاریخیەنە کە جە ناوچەو ۋەرکۊتوو مېیامینینە جەنگێوە قورس و هەمەلایەن ئینا ئارانە، کەڵکهۊرگێرتەی جە ئەزموون و شارەزایی کەسایەتیێوە پېسە هەڤاڵ عەبدولڕەحمان حاجی ئەحمەدی کە زیاتەر جە نیم سەدەو ژیۋای پەڕ بەقیمەتو ۋێش بەخشا بە شۆڕشو ئازادی کوردەسانی، بێ گومان جە هامکېشە سیاسی و دیپلۆماتیکەکانە قورساییێ تایبەتما پەی ڕەخسنۍ. بەڵام داخەما نمەشۆ کۊششکار، شۆڕشگێڵن، سیاسەتمەدار و نیشتمانپەروەری قارەمان و دڵسۆزو گەلەکەیما هەڤاڵ عەبدولڕەحمان حاجی ئەحمەدی جە ڕاو شۆڕشو ئازادی و دێموکراتیکی کوردەسانینە جە ٢٠٢٥/٣/١٨ کۆچی هەقەتینش کەرڎ.
سەرەتا سەرەوەشی ۋێما ئاراسەو رابەر ئاپۆی و گرڎو گەلەکەیما بە تایبەت ۋەرکۊتوو کوردەسانی و گرڎو هەڤاڵاما مکەرمۍ. قەول مڎەیمۍ حەتا بەدیئاردەی خیاڵ و ئامانجەکاش پەی کوردەسانێوە ئازادی و دێموکراتیکی ئەوەکۊشایما بەردەوام بکەرمۍ.
هەڤاڵ حاجی ئەحمەدی بە درێژایی تەمەنیش کۊششی سەرەمڕەش سەرو ڕاو ئازادی کوردەسانی ڕاوەبەر کەرد و بی بە یۆ جە کەسایەتییە هەرە ئشناسەکا ۋەرکۊتوو کوردەسانی بە گرڎی. ئا کەسایەتیەی کە جە کاتو دەسەڵاتداری شاو ئێرانینە دەسش بە ئەوەکۊشای کەرد و بەشداری دلۍ ریزەکا ئەوەکۊشای شکۆمەندانەو شۆڕشو ۋەرکۊتوو کوردستانی کەرد و بەردەوام بی. دماو ئانەی کە تەڤگەری ئاپۆییش ئشناسا تا ئارۆ پېسە شۆڕشگێڵنۍ تامەزرۆو ئازادی جە سەنگەرو ئازادی و دێموکراسی کوردەسانینە سەرمەشقانە کۊشش ڕاوەبەر کەردەن و بی بە نموونەو کۊششکارێوە و گیانفیدای.
ئێمە پېسە یەکینەکاو پارېزنای ۋەرکۊتوو کوردەسانی جە کاتو بنیاڎنیای (ی رک)یۆ تا ئارۆ بە مۊچیاری هەڤاڵ حاجی تاواما جەمۍ دەسکەوتۍ بە قیمەتۍ دەس وزمۍ. بە تایبەت ئەزموون و چنەئامایی و ئشناسای ۋەرکۊتی جە هەر هەڵ و مەرجێوەنە پەی گرڎو هەڤاڵاما سەرچەمەو هێز و مۆرالی بۍ.
پەی بەرز ڕاگێرتەی یادەوەریەکا شۆڕشگێڵنی کەم وێنەو کوردەسانی، تا بەدیئامای خیاڵ و مەرامو هەڤاڵ حاجی پەرە بە ئەوەکۊشایما مڎەیمۍ و جارێوەتەر پەیمانما چنی گرڎو گەشمەرڎا ڕاو ئازادی و دێموکراسی کۊردەسانی واوەی مکەرمېوە.
یاڎش هەر بەرز بۆ و رۆحش شاڎ بۆ
گەشمەرڎۍ نمەمرا.
فەرماندەیی یەکینەکاو پارېزنای ۋەرکۊتوو کوردەسانی(یەرەکە)."
