تەژەکە_ئە ئەرەیاۋنۊش بە ڕۆحو ئەوەکۊشایۆ پێشوازی جە نەورۆزی مکەرا، ماچۆ: "نەورۆز پەی گەلەکەیما تەنیا ئامای وەهاری نییا، هامکات نیشانۍ مڎرامانی و ئازادی و ژیۋایۆین. ئی مڎرامانەی بە سەرمەشقایەتی ژەنا گۊرە بۆ، ڕاو ئی ئەوەکۊشایە مرماناوە کە دژو سیستەمو پیاسالاری و ئەرەگیری و فشاری، ملۊڕاوە. هوتافەو "ژەنی ژیۋای ئازادی" هەڵای هێزو بنەڕەتی ڕاپیمای ئازادیی گەلەکەیما و پرۆسەو بنیاڎنیای گلېرگەی دیموکراتیکیا".

هەرپاسە ماچۆ: "ئێمە وەهارو ئازادی بە شۆڕشو ژەنا سەوز مکەرمۍ و بە هیوا و مڎرامانۆ گۊرەتەرش مکەرمۍ".

تەژەکە_ئە تەئکیدش کەرڎۆ، ئەرکی سەرەکی گۊرەکەردەی هەڵمەتۊو ئازادی بەڎەنی ڕابەر ئاپۆیا، ڕێکوستەی گەل و ژەنان بە پارادایمو ڕابەر ئاپۆی سەرو بناغەو ژیۋای ئازادی و یەکسانی و دیموکراتیکی، ئینەیچ بەهێزتەرین جوابا دژو فاشیزمی و ئەرەگیری، ماچۆ: "وەهارو ئازادی بە شۆڕشو ژەنا ڕۆح مکەرۆ ۋەرو ژیۋای گەلارە. پۊکەی کاتو ئانەینە ئېرو ئەرەپڕای نەورۆزی بە هەڵمەتۊو ئازادیی ڕابەرایەتی بەهێز بکەرمۍ".

تەژەکە_ئە نەورۆزو گرڎ لایۍ پیرۆز مکەرۆ، داوا جە گرڎ لایۍ مکەرۆ مجېیارە مېڎانەکا نەورۆزی، ماچۆ: "ئەوەکۊشای ئازادی گۊرەتەر بکەردۍ، گلېرگەو دیموکراتیکی بنیاڎ بنیەیدۍ و پەی ئازادی ڕابەر ئاپۆی سەفەربەرۍ بیدۍ".