جە ۋنەپەرسایۆ دژو سەرۆک شارەوانی ئیستەنبوڵی ئەکرەم ئیمام ئۆغلوی، نامۍ یاگەگیری وەڵینو هامسەرۆکایەتی گرڎی هەدەپەی ئازاد بارشی ئاما بۍ. چی بارۆ، دەسەو ڕاوەبەری مېیانو دەم پارتی ئەرەیاۋنێوە نویسیاش وەڵا کەرڎۆ.

جە ئەرەیاۋناکەینە ئامان: "ئازاد بارش تەنیا نییا، شمە بە بوختانۍ و پرۆپاگەندۍ سیاوۍ نمەیاودۍ بە حیچ".

تەئکید کریاوە ئۆپەراسیۆنەکۍ دژو ئیمام ئۆغلوی نایاسایێنۍ و "ڕێککەوتەی شار"ی سەرو داوا و چەمەڕاییەکا گلېرگەی جەلایەنو دەم پارتییوە جە پرۆسەو هۊرچنیەینە کۊت بوارو جابەجێکەردەیۆ.

جە ئەرەیاۋناکەینە جەختکریانۆ "ڕێککەوتەی شاری" پېسە تۆمەتێوە دژو ئازاد بارشی بەکارئامان.

دەم پارتی جەخت مکەرۆوە دژو ئی پرۆپاگەندەیە ئەوەکۊشای یاسایی گرنگا، ماچۆ: "ئازاد بارش تەنیا نییا. پېسە دەم پارتی پەی ڕای گرڎیی ئەرەیاۋنمۍ کە حەجگیز سەرە مەنامنمېرە ۋەرا ۋەر پی زیهنیەتەی کە گەرەکشا ڕا جە ئیرادەو گەلی گێرۆ".