جە مېڎانوو گلېرۊبیەو ترملیەنە جە ناوچەو ئاکدەنیزو مێرسینی، بە جۆش و خرۊشێوە گۊرۆ نەورۆز پیرۆز کریا. جە سەرسەعبۆ هاموڵاتیا بە هوتافەو "بژیۋۆ سەرۆک ئاپۆ" مجېێرە مێڎانەکە. چنی گلېرۊبیەو هاموڵاتیا کە بە جلوبەرگی کولتووری ڕەنگاو واڵاشاوە زەماۋنەشا گێڵنا و سەرەمڕە هوتافەکا "بژیۋۆ سەرۆک ئاپۆ"، "بژیۋۆ مڎرامانوو زینانیا" و "ژەنی، ژیۋای، ئازادی"ی وچیێوە. مەراسیمەکە سات بە سات گەرموگوڕتەر بۍ. جە مەراسیمەکەنە داواو ئازادی بەڎەنیی ڕابەر ئاپۆی کریا.

مەراسیمەکە بە دەیەقێوە ڕێزۋنەگېرتەی دەسشپنەکەرڎ. دماتەر کۆمیتەو ئاماڎەکارو مەراسیمەکەی سڵامش ۋنەو گەلی کەرد. دماو ئانەی هامسەرۆکۊو مێرسینو دەم پارتی بەدرییە کوشە قسێش کەردۍ و جە قسەکاشەنە هیواش واست نەورۆز بۆ بە مەڵامەتوو ئاشتی و ئازادی.

دماو قسەکا ئەڎایا ئاشتی ئېرو نەورۆزیشا کەردۆ و بڵێسەو نەورۆزی جۆشش دا بە مەراسیمەکەی.

دماتەر ئەندامەو تەژەئای ئایشە چەلیکبیلەکە قسێش کەردۍ و جە قسەکاشەنە سەرنجش وست سەرو بانگەوازەکەو ڕابەر ئاپۆی و داواش جە ژەنا کەرڎ بۊنەو ئاشتیۆ خاوەنداری جە بانگەوازیەکەی بکەردۍ.

'نەرۆز ڕۆو ژیۋایۊین'

واتەواچەو دەم پارتی ئایشەگوڵ دۆغانە باسش چانەی کەرڎ گەلوو کوردی لایەنگرۍ ئاشتی و دیموکراسینۍ و داواش جە گرڎ لایۍ کەرڎ بە جۆش و ئیرادەو ئاشتیۆ خاوەنداری جە پەیامەکەو ڕابەر ئاپۆی بکەردۍ.

هۊرفڕنای کاوەترەو ئاشتی

جە بەردەوامی مەراسیمەکەینە ئەڎایا ئاشتی پېسە هێماو ئاشتی و ئازادی کاوەتری چەرمېشا هۊرفڕنۍ ئاسمانەرە و ئاماژەشا پانەی دا داواشا داواو ئازادی ڕابەر ئاپۆیا.

دماتەر هونەرمەڼا هیڤرۆن و نورجان دەگرمەنجیە ئامۍ سەرو سەکۆو مەراسیمەکەی و چنی گۆرانییەکاشا جۆشو خرۆشو مەراسیمەکەی بەردەوام بۍ.