ئەمڕۆ بە مەڕاسیمێکی تایبەت، ڕۆژنامەوان شەهید نوژیان ئەرهان، کە لە ٣ـی ئاداری ٢٠١٧ لە خانەسۆر، بە دەستڕێژی گولـلەی چەتەکانی ڕۆژی سەر بە پەدەکە بریندار کرا و دواتر لە ٢٢ـی ئادار بەهۆی سەختی برینەکەیەوە شەهید بوو، لە مەزارگەی شەهیدانی شەهید دلگەش و شەهید بەرخۆدان، لەسەر مەزارەکەی خۆی لە شەنگال بەبیرهێنرایەوە.

لە مەڕاسیمەکەدا، ڕۆژنامەنووسانی شەنگال و ئەندامانی تاژێ و دایکانی ئێزدیی ئامادەبوون و لە هەشتەمین ساڵیادی شەهیدبوونیدا تاجەگوڵینەی ڕێز و وەفایان لەسەر مەزاری شەهید نووژیان دانا.

هەروەها بەیاننامەیان خوێندەوە و تێیدا چەتەکانی ڕۆژی سەر بە پەدەکە و هەوڵە خیانەتکارانەکانی پەدەکە لە دژی کۆمەڵگای ئێزدیی شەرمەزار کرا، هەروەها لە کەسێتی شەهید نوژیاندا سەرجەم شەهیدانی ڕێگای ئازادیی بەبیرهێنرانەوە و بەڵێن درا بە درێژەدا بە ڕێگا و ڕێبازی شەهید.