بەشێوە جە پەڕلەمانتارا ئۊروپای پېوەس بە بانگەوازو ئاشتی ٢٧و شوباتو ڕابەر ئاپۆی و ئایېربەسو ١و ئادارو پەکەکەی، بە نامونیشانو 'مشۊم تورکیا پاڵپەشتی بانگەوازییەکەی پەی ئاشتی و دیموکراتیکی بکەرۆ' وەڵاکەرڎۆ و سەرنجشا وست سەرو ئانەی بانگەوازە تاریخیەکە نەک تەنیا پەی تورکیای بەڵکم پەی ئاشتی و دیموکراسی  گرڎو هەرێمەکەی دەرفەتێوە گرنگا.

جە درێژەو ئەرەیاۋناکەینە ئامان: "ئانەی گرنگ و پەنەوازا جە ئیساتێنە کریۆ و بۆ بە حەقەتینێوە ڕەخسنای هەولومەرجی سیاسی و یاساییا. گێڵنایۆ سەروەریی یاسێن، وەردای زینانیا سیاسی، دمایئاردەین بە سەپنای قەیومی و مردنای ئۆپەراسیۆنە سەروازییەکان جە جبەرو سنوری، ئینۍ گرڎ هەنگامېوە گرنگێنۍ کە پەنەوازشا بە پاڵپەشتی  مېیاننەتەوەیی هەن."

هەرپاسە جە ئەرەیاۋناکەینە بانگەواز جە تورکیای کریان ئی دەرفەتە تاریخیە جە دەس نەڎۆ، وە داوا جە کۆمسیۆنو یۊبیەی ئۊروپای کریان پاڵپەشتی پرۆسەکەی بکەرۆ و دەورو ۋێش گێڵنۆ.

جەخت چانەی کریانۆ مشۊم ڕابەر ئاپۆ بەشێوێوە ئازاد بتاوۆ ئەرەنیشتەو پرۆسەکەی ئەنجام بڎۆ و ڕا بڎریۆ بەشداری پرۆسەو سیاسی بکریۆ، داوا جە کۆمسیۆنو ئۊروپای کریان پەی ئانەی ڕابەر ئاپۆ بە دەوری تاریخی ۋێش هۊربێزۆ، جە پرۆسەو ئاشتینە هەلومەرجی پەنەواز پێشکەش بکەرۆ.

'هرووژمەکۍ دۊڵەتوو تورکی بەردەوامێنۍ'

جە درێژەو ئەرەیاۋناکەینە ئامان: "سەرەڕاو ئانەی پەکەکە ئایێربەسش ئەرەیاۋنان، کەچی هێزەکۍ تورکیای سەرو هرووژمەکاش پەی سەرو هەرێمو کوردەسانو عێراقی بەردەوامێنۍ. حیچ بەهانێوە پەی ئی هرووژما نییا؛ سەرەنجام ئی هرووژمۍ بانۍ بە کۊسپۍ پەی ئانەی پەکەکە بەرەو دیموکراسی هەنگامە بنیۆ. چنی ئانەی گرەنتی ئەمنی پەنەوازا پەی ئانەی پەکەکە کۆنگرەو ۋێش بینۆ و ڕا بە ئەنداماش بڎۆ دەوری تازەی مەدەنی گێڵنانە."

هەر جە ئەرەیاۋناکەینە ئاماژە بە هرووژمە ئەرەگیریەکا سەرو ئیدارەو ۋێڕاوەبەری سەرنیشتی و ۋەرکۊتوو سووریای کریان کە حیچ بەهانێوەش نیەنە و داوا جە کۆمسیۆنو ئۊروپای کریان فشار جە تورکیای بکەرۆ دمایی بە هرووژمەکا سەرسنووری بارۆنە.

'بانگەوازو عەبدوڵا ئۆجالانی پەی ئاشتییا'

پېوەس بە بانگەوازە تاریخیەکەو ڕابەر ئاپۆی ئینە وچیان: "بانگەوازو عەبدوڵا ئۆجالانی ئەوەگێڵناین پەی دیموکراسی و ئاشتی. ڕاو دیموکراسی گرنگەنە پەی ئاشتیێوە هەمیشەیی. لاوازبیەی دیموکراسی جە تورکیانە بیەن بە مایۍ نیگەرانی  و داوا مکەرمۍ کە مشۊم کۆمسیۆنو یۊبیەی ئۊروپای جە ما بەینو یۊبیەی ئۊروپای-تورکیای و پێکئاوردەی پیمانەو دیموکراتیکینە پەیوەندیێوە وەش بکەرۆ."

نامۍ پەڕلەمانتاراو ئۊروپای کە ئیمزاشا سەرو ئەرەیاۋناکەی کەردەن پی جۊرەنە:

Leila CHAIBI, France, The Left

Andreas SCHIEDER, Austria, S&D

Leoluca ORLANDO, Italy, Greens/EFA

Per CLAUSEN, Denmark, The left

Damien CARÊME, France, The Left

Ana MIRANDA, Spain, Greens/EFA

Brando BENIFEI, Italy, S&D

Ozlem DEMIREL, Germany, The Left

Marina MESURE, France, The Left

Anthony SMITH, France, The Left

Irene MONTERO, Spain, The left

Hanna GEDIN, Sweden, The Left

Jonas SJÖSTEDT, Sweden, The Left

Isabel SERRA, Spain, The Left

Martin Schirdewan, Germany, The Left

Evin INCIR, Sweden, S&D

LI ANDERSSON, Finland, The Left

Erik MARQUARDT, Germany, Greens/EFA

Vicent MARZA, Spain, Greens/EFA

Rudi KENNES, Belgium, The Left

Rima HASSAN, France, The Left

Vladimir PREBILIČ, Slovenia, Greens/EFA

Jaume ASENS LLODRA, Spain, Greens/EFA

Krzysztof ŚMÍSZEK, Poland, S&D

Cristina GUARDA, Italy, Greens/EFA

Nikos PAPANDREOU, Greece, S&D

Pasquale TRIDICO, Italy, The Left

Estrella GALÁN, Spain, The Left

Irena JOVEVA, Slovenia, Renew