مېیانو ئەرەیاۋنای قەسەدەی سەبارەت بە ئامارەو سەعاتا ۋېیەردەی ئی زانیاریێشە وستۍ ڕووە:

"سەرەڕاو ئانەی جە فرەو سووریاینە بۊنەو نەورۆزیوە مەراسیمۍ سازکریۍ، بەڵام دۊڵەتوو تورکی ئەرەگیری و چەتەکاش جە هرووژمەکاشانە پەی سەرو هەرێمەکاو سەرنیشت و ۋەرکۊتوو سووریای بەردەوامێڼې.

قۆڵو بەنداوو تشرینی؛ سوپاو تورکی ئەرەگیر هېزی (جومعە) بە هاوەنۍ دەوربەرو بەنداوەکەی و دەگایەکۍ پانیشتوو ۋەرکۊتوو مەنبجیش تۆپبواران کەردۍ. بۊمبوارانەکە زەرەری ماددیش چنە کۊتۆ.

جەنگەوانەکېما هەوڵو چەتەکا دۊڵەتو تورکی ئەرەگیریشا پەی هرووژم کەردەی سەرو یۆ جە خاڵەکا هێزەکاما ماڕا. یەکینەکۍ گەشمەڕڎە هاورنی ترۊمبېلێوە سەروازی چەتەکاشا دلېنەبەرڎ. جە نیمەڕۊنە ئەرەگیرا جارێوەتەر بە هاوەنۍ جە دەوربەرو بەنداوەکەیشا دا، جە ئاکامەنە زەرەرۍ فرەی مادیش ۋنەکۊتۆ.

دێر حافر: ئەرەگیرا تورکی و چەتەکێش جە دەگاو ئیمامی بە یەرۍ درۆنۍ ۋێکوژی هرووژمشا کەرڎ سەرو خاڵێوە هێزەکاما. جە ئاکامەنە هرووژمەکۍ تەنیا زەرەری ماددیشا چنە کۊتۍ. فرۆکەی بێفڕکەوان بە تەمامو ڕووەکەی سەرو هەرێمەکەیرە خولیێوە.

قۊڵو قەرەقۆزاقی؛ چەتەکۍ هەوڵشا دا جە قۊڵو ۋەرنیشتوو سردەو قەرەقۆزاقینە هرووژم بکەرا. جەنگەوانەکېما بە چالاکیێوە جوابشا دێوە. جە چالاکییەکەنە حەشارگێوە ئەرەگیرا و چەتەکش دلېنەبریا، بەڵام سەبارەت بە زەرەرەکاش زانیاری دەس نەکەوتەن".