کوردەسانیا و دۊساشا جە ڤییەناو پایتەختو نەمساینە نەورۆزشا پیرۆز کەرد. مەراسیمەکە بە سەرمەشقایەتی یۊبیەی خۊنکارا کوردەسانی (یەخەکە) ئەنجام دریا. FEYKOM پاڵپەشتی مەراسیمەکەیش کەرڎ. جەماوەر جە Albertn platze کوۍ بیێوە، تاوەکو resselparke  ڕاپیمایشا کەرد. سەرەمڕە هوتافەکا "هەزار سڵامۍ جە ئیمراڵی" و "بژیۋۆ نەورۆز"ی وچیێوە.

جە resselparke   دەیەقێوە ڕێز گیریا. بەنامۍ یەخەکەیۆ لۆرین قسێش کەردۍ و واتش: "هەر یۆ جە ئێمە ئېرو هیوای جە نەواخنو ۋێشەنە، سەرجەنۆ بە گوڕتەر بکەرۆ. جە جەنگەوانا ئازادی هێز هۊرگێرمۍ".

دماتەر جەماوەر جە دەورو ئېرو نەورۆزینە هۊرپڕۍ و هوتافەو "بێ سەرۆکی ژیۋای نمەبۊیشا" بەرزکەردۆ.  جە سەرۆکایەتی شارەوانی ڤیێناو ٩هەمینە، سایە ئەحمەدە بەشدارەو مەراسیمەکەی بۍ و نەورۆزش جە گرڎ کەسۍ پیرۆز کەرد.

مەراسیمەکە بە گۆرانیۍ و هۊرپڕای بەردەوامبۍ.