خەڵکو وانی ئاماژەشا پانەیەدا ئا دەسەی ڕابەر ئاپۆ پەی ئاشتی درێژش کەردەن دەسو گەلوو کوردین و واتشا گرڏ کەسێ ئاشتیێ هەمیشەیی وازانا. هەرپاسە جەختشا کەردۆ پەی جوابدایۆ بانگەوازەکەو ڕابەر ئاپۆی، سەرەو دۆڵەتیا هەنگامە بنیۆ.
چی دماییا شارو وانی بە چالاکی جە دژو نایاسایی بییەی بە شارو ئەرەپڕای. وانەنە گەل ئینا چەمەڕاو ئانەینە دۆڵەت و دەسەڵاتداری پەی چارەسەرو پرسو کوردی هەنگامێ بنیۆ.
سەرۆکو گرڏی مەهەپەی دۆڵەت و باخچەلی ٢ی تشرینو یوەمی ٢٠٢٤ پەرلەمانەنە لوا لاو گروپو دەم پارتی و دماتەر جە گلێرۆبییەو گروپو پەرلەمانینە ئی بانگەوازیەشە کەرد: "با ئۆجالان پەرلەمانەنە قسێ بکەرۆ".
فەیزی دینچ (٧٠) وانەنە مژیوۆنە ئاماژەش پانەیەدا گرڏ کاتێ لایەنگرو ئاشتینێ و واتش: "پێسەو گەلوو کوردی جە تەمامو تاریخینە گرڏ کاتێ گەرەکما بییەن چنی هامساکاما بە ئاشتی بژیومێنە. حەجگز دووژمنایەتی کەسیما نەکەردەن، بەڵام فرە دووژمنایەتی ئێمە کریا. کوردێ دەسشا درێژ کەرد، بەڵام کەس دەسش نەگێرت. دۆڵەت مشۆم دەمودەس چنی کوردا ئی هەرمانێ چارەسەر بکەرۆ".
'ئاشتی جدیەت و دڵسۆزیش گەرەکا'
ئیلهان گونای (٤٢) ئاماژەش پانەیەدا بانگەوازەکەو ڕابەر ئاپۆی جە ٢٧و شوباتینە جە ئەڏابییەیۆن: "جە تورکیانە ماوێوە فرەن گەل چەمەڕاو ئاشتیین. ئۆجالان جوابێ جدی و ئەرێنیش داوە جە وەراوەرو بانگەوازەکەو باخچەلینە، بەڵام لایەنو تورکیاین هەڵوێسو جوابدایشۆ نییا. ئاشتی دڵسۆزی و جدیەتش گەرەکا. ئۆجالان ماچۆنە زەمینەو دیموکراتیکی و یاسایی گرنگا، بەڵام لایەنو وەراوەرینە جواب نیا. کورد ئینا چەمەڕاو هەنگام نیاینە".
ئەحمەد ئەرتاڵ (٦٥) ئەرەیاوناش ئاشتی پەی گرڏ کەسێ بە ئیسفادەن و واتش: "٥٠ ساڵێن ئی جەنگە بەردەواما. کورد چنی تورکیای ئی وڵاتەشا بنیادنیا، بەڵام ئیسە پێسەو بێگانەی مامەڵەما چنی مکەرۆ. مشۆم دەمودەس دۆڵەت هەنگامی ئاشتی بنیۆنە".
هامووڵاتیێ بەنامێ موسا یارانی واتش: "ئۆجالان بانگەوازو چەک نیارەیش کەرد و جە گرڏ لێوە جواب دریاوە. واتە چی دۆخەنە ئۆجالان پەی ئاشتی، ئەرکو وێش جابەجێ کەرد، سەرەو دۆڵەت و دەسەڵاتدارییا. مشۆم پەی ئاشتی هەنگام بنیۆ".
