بەبۆنەی نەورۆزەوە شارەکانی سویسرا بە مەشخەڵی دەستی کوردان ڕووناک بووییەوە. هەروەها لە زیوریخ ئاهەنگی پێشوازی لە نەورۆز بەڕێوەچوو. لەسەر بناغەی بانگەوازە مێژووییەکەی ڕێبەر ئاپۆ، گەل بەهێزکردنی تێکۆشانی دا.
لە شارەکانی وەک زیوریخ و لۆزان و بێل و سانت گالن و ڕاپەرسویل و چور و وینتەرتوری سویسرا، کوردستانیان ڕێپێوانی بە مەشخەڵیان ئەنجامدا و نەورۆزیان پیرۆز کرد. لە زیوریخ ئاهەنگی پێشوازی لە نەورۆز بەڕێوەچوو.
لە چەند شارێکی سویسرا نەورۆز بە مەشخەڵ و کردنەوەی ئاگر پیرۆز کرا. سیاسەتمەدارانی سویسری و نوێنەری کوردان بەشداربوون لە ئاهەنگەکەی زیوریخ کە لەلایەن کۆنسەی کوردی دیموکراتیکی سویسرا (جەدەکە_سە) لە زیوریخ ڕێکخرا. لە قسەکاندا تیشکخرایە سەر بەرخۆدانی گەلی کورد و پرۆسەی ئاشتی.
سیاسەتمەدارانی کورد و بەرپرسانی سویسری لە ئاهەنگی پاش ڕێپێوانە بە مەشخەڵەکەی لۆزان، قسەیان کرد. بانگەوازیان کرد بۆ ئازادی ڕێبەر ئاپۆ و پشتگیری لە پرۆسەی ئاشتی.
لە شارەکانی بێل و سانت گالن و ڕاپەرسویل و چور و وینتەرتوری، بە ئاهەنگی بە مەشخەڵ و وتار و هەڵپەڕکێ، نەورۆز پیرۆز کرا.
لە قسەکاندا، تێکۆشانی گەلی کورد و یەکێتی نەتەوەیی و پرۆسەی ئاشتی هاتە بەرباس. بەتایبەت دووپاتکرایەوە، کە نەورۆزی ٢٠٢٥ بۆ گەلی کورد دەبێتە قۆناغی وەرچەرخان.
