بۊنەو نەورۆزیوە شارەکۍ سویسرای بە شۊڵەچراوەو دەسو کوردا ڕۊشنۍ بیێوە. هەرپاسە جە زیوریخەنە مەراسیمو پێشوازی جە نەورۆزی لواڕاوە. سەرو بناغەو بانگەوازە تاریخیەکەو ڕابەر ئاپۆی، گەل قەولو بەهێزکەردەی ئەوەکۊشایش دا.
جە شارەکا زیوریخ و لۆزان و بێل و سانت گالن و ڕاپەرسویل و چور و وینتەرتوری سویسراینە، کوردەسانیا ڕاپیمایشا بە شۊڵەچراویۆ ئەنجامدا و نەورۆزشا پیرۆز کەرد. جە زیوریخەنە مەراسیمو پێشوازی جە نەورۆزی لوواڕاوە.
جە چن شارێوە سویسراینە نەورۆز بە شۊڵەچراوی و کەردەیۆ ئېری پیرۆز کریا. ڕامېیاریمەدارا سویسرای و نوێنەرو کوردا بەشدارۍ بێنۍ جە مەراسیمەکەو زیوریخینە کە جە لایەنو کۆنسەو کوردی دیموکراتیکی سویسرای (جەدەکە_سە)ی جە زیوریخەنە ڕێکوزیا. جە قسەکانە سەرنج وزیا سەرو مڎرامانو گەلوو کوردی و پرۆسەو ئاشتی.
ڕامېیاریمەدارا کوردی و وەرپەرسا سویسرای جە دماو مەراسیمو ڕاپیمای بە شۊڵەچراوەو لۆزانی، قسێشا کەردۍ. بانگەوازشا کەرڎ پەی ئازادی ڕابەر ئاپۆی و پاڵپەشتی جە پرۆسەو ئاشتی.
جە شارەکاو بێلی و سانت گالنی و ڕاپەرسویلی و چور و وینتەرتوری، بە مەراسیمو شۊڵەچراوۍ و وتارۍ و هۊرپڕای، نەورۆز پیرۆز کریا.
جە قسەکانە، ئەوەکۊشای گەلوو کوردی و یۊبیەی نەتەوەیی و پرۆسەو ئاشتی ئاما ۋەرو باسی. بەتایبەت واوەی کریاوە، کە نەورۆزو ٢٠٢٥ پەی گەلوو کوردی بۆ بە قۆناغەو هۊرچەرخنای.
