تولای حاتەم ئۆغوڵاریە سەرش ۋنەو شارەوانی گۊرەو ئەستەنبوڵی دا: قەڎ ئی کردەوا قبوڵۍ نمەکەرمۍ
تولای حاتەم ئۆغوڵاریە هامسەرۆکۊو دەم پارتی، چنی شاندێوە سەرش ۋنەو شارەوانی گۊرەو ئەستەنبوڵی دا.
دمابەدماو باڵبەسکەردەی ئەکرەم ئیمام ئۆغڵوی، سەرۆک شارەوانی گۊرەو ئەستەنبوڵی، شاندێوە دەم پارتی سەردای شارەوانی ئەستەنبوڵیشا کەرد.
دماو ئی دیڎارەیە، تولای حاتەم ئۆغولاریە چنی ئۆزگور ئۆزەلی، سەرۆکو پارتو کۆماری گەلی (جەهەپە) کۊبیۆ و قسێش کەردۍ.
ئۆغولاریە باڵبەسکەردەی ئەکرەم ئیمام ئۆغڵوی و ١٠٦ کەساش بە کودەتایۍ جە دژو ئیرادەو گەلی وەسف کەرد و ئەرەیاۋناش: "ئینە قەد قبوڵ نمەکریۆ. ئا لایەنەی جە ڕاو سیاسەتیوە تواناو ڕووبەڕووبیەیۊیش نییا، جە ڕاو سیاسەتو قەیومی و ڕێژیمو قەیومیوە، گېرتەی، زینانیکەردەی و هۊرشێونایۆ بڕوانامەو ۋەنایۆ دەس بەکار بۆ. ئێمە قەد ئینەی قبوڵ نمەکەرمۍ."
تولای حاتەم ئۆغولاریە جە درێژەو قسەکاشەنە ئی ڕەفتۍ حکومەتیش بە جۆرێوە جە تێکدای جە دژو پڕۆسەو ئاشتی بەنامۍ کەرڎ و داواو ئازاڎکەردەی دەمودەس و باڵبەسکریایا و بە تایبەت ئەکرەم ئیمام ئۆغڵویش کەرڎ.
