بەبۆنەی هاتنی هاوسەنگی بەهارەوە، بۆ ئاڵوگۆڕی وەرزەکان و پشتیوانی لە جاڕنامەی ئەنجومەنی مافی مرۆڤ سەبارەت بە "مافی ژینگەیەکی پاک و تەندروست و بەردەوام"، ئاهەنگی “Les Tambours Pour la Terre” هەموو ساڵێک لە ٢١ی ئادار بەڕێوەدەچێت، ئاهەنگەکە لە ناشیۆنی جنێڤی سویسرا بەڕێوەچوو.

ئاهەنگەکەی ئەمساڵ لەلایەن ناوەندی کورد بۆ مافەکانی مرۆڤ(Kurd-CHR), Mos Espa , دادپەروەری بۆ فەلەستین، دامەزراوەی مارتن بوبەر، و ڕێکخراوی مایۆرکا ئینتەرناشناڵ کە ڕێکخراوێکی کۆمەڵگەی مەدەنییە و کار بۆ مافە خۆجێیەکان دەکات، ئامادە کرابوو.

لە میانی ئاهەنگەکەدا داوای جێبەجێکردنی یاسای جوس جۆگێنس کرا کە لە یاسای گشتگیر و پێوەرە بنەڕەتیەکانی نەتەوە یەکگرتووەکانە بۆ "دیاریکردنی مافی چارەنووسی گەلان".

چالاکوانەکان لە بەیاننامەکەیاندا ڕایانگەیاند: "ئێمە داوای ئازادی ڕێبەری گەلی کورد عەبدوڵا ئۆجالان دەکەین کە لە تورکیا زیندانی کراوە و پێویستە گەلی کورد بۆ مافی چارەنووسی خۆی بە شێوەیەکی ئاشتیانە دانوستان بکات."