نەورۆز جە ساڵۊو ١٩٧٩یۆ سەرجەنۆ زیڼەبیەنۆ، سەرو پەڕەکا تاریخیوە نویسیاوە، بی بە مانشێتو ڕۆنامەکا و مژارو تەلەفزیۆنەکا. جە گرڎو مانشێتەکا مانگۊو ئادارو ڕۆنامەو سەرخۆبوونینە، نەورۆز یاگێش گېرتەن.
یووەمین وەشانو پەکەکەی بە نامۍ سەرخۆبوونی جە ساڵۊو ١٩٧٩ی دەسش بە وەڵا کەردەیۆ کەرد و تا ڕۊو ئارۊی بەردەواما. ئەرەمەرزنەرو سەرخۆبوونی، یۆ جە ئەرەمەرزنەرا پەکەکەی مەزڵوم دۆغان، ئەندامو کۆمیتەو ڕاوەبەری پەکەکەی دۆران کاڵکان و کەسیرە یەڵدرم بێنۍ کە دماتەر وازش جە پەکەکەی ئارڎ. سەربەخۆبوون سەرەمڕە بەردەوامبی، ئامانجش ئانە بۍ گرڎو هرووژمەکا و سانسۆرە سەختەکا جە دژوو ئەرەیاۋنای بیاونۆ بە گرڎو مېڎانەکا. نەریتو ئەرەیاۋنای ئازادی بە سەرخۆبوون دەسش پنەکەرڎ، ئارۆ جە چڼین مېڎانێنە بە نامۍ جیاوازیۆ وەڵا بیەنۆ و فراوانبیەن. ڕۆنامەنویسا جە نمونەو گوربەتەلی ئەرسۆزۍ، سەید ئەرڤان، عەزیز کۆیلوئۆغلو، گوڵستان تارۍ و نازم داشتان میراتو سەرخۆبیەیشا هۊرگېرت و جە ڕاو حەقیقەتینە بەشدارۍ کارەوانو گەشمەرڎا بیۍ.
ڕۆنامەو سەرخۆبوونی جە ژمارەکاو ۋێشەنە جە مانگۊو ئادارینە گرڎ کاتۍ مەعنێوە تاریخیەو نەورۆزی جە ۋێش گێرۆ، پەی ئانەی گەلوو کوردی بکەرۆ بە 'گەلوو نەورۆز'ی دەورێوە گۊرەش گێڵنا. سەرخۆبوون پېسە ئاژانسوو پەکەکەی سەرەڕاو فشاری، سانسۆری بەردەوامیش بە ئەرەیاۋنای ئازادی دا و جە دژو ئەرەگیری تورکی بی بە دەنگو حەقیقەتی.
پېسە ئاژانسو هەواڵوو فوراتی (ANF) ی کۊششما کەرڎ مانشێتەکاو ڕۆنامەو سەرخۆبوونی جە ساڵۊو ١٩٧٩یۆ وەڵا مکریاوە، گلێرۍ بکەرمۍ. ئی مانشێتۍ گرنگی تاریخو نەورۆزی و سەختی زیڼەکەردەیۆ نەورۆزی جە کوردەسانەنە نیشانە مڎۆ.
جە ساڵۊو ١٩٧٩ تا ٢٠١٤ نەورۆز جە مانشێتەکاو ڕۆنامەو سەرخۆبوونینە...
