دژو هرووژمو هێزە چەکڎارەکا عێراقی پەی سەرو تیمێوە یەکینەکاو مڎرامانو شەنگالی (یەبەشە) کە پا مەڵامەتۆ ٥ جەنگەوانۍ یەبەشەی باڵبەسۍ کریۍ و وچیۆ ٣ زامڎارۍ هەنۍ، خەڵکو شەنگالی ٢ ڕوێن ئەرەپڕێنۍ.

ئەڎایا ئا جەنگەوانا کە بڕفانیێنۍ و ئەرەنیشتا شەنگالی جە سەر سەعبۆ ڕاپیمایۍ شەرمەزارکەردەیشا ئەنجامدا.

جەماوەر تا ۋەردەمو بیناو هەواڵگریی عێراقی جە گەڕەکەو حەی ناسڕی ڕاپیمایشا کەرڎ. هوتافەو پاڵپەشتی پەی یەبەشەی بەرزکریاوە.

جەماوەر ۋەردەمو بیناکێنە خێمێشا هۊردا و دەسشا بە چالاکی کەرد.

بەپاو زانیارییەکا، سوپاو عێراقی ژمارەو سەرواز و چەکەکاش جە شەنگالەنە زیاتەرۍ کەردێنۍ.