ئەندامو دەسەو ڕاوەبەری هامسەرۆکایەتی پەیەدەی ئاڵدار خەلیل بانگەوازش جە گەلوو سەرنیشت و ۋەرکۊتوو سووریای کەرد و ئاماژەش پانەی دا مشۊم پەی ئازادی بەڎەنی ڕابەر ئاپۆی گرڎ کەسۍ بەشدارو نەورۆزی بۆ.
ئەندامو دەسەو ڕاوەبەری هامسەرۆکایەتی پەیەدەی ئاڵدار خەلیل پەی نەورۆزی کە بە هوتافەو 'ئازادی بەڎەنی ڕابەر ئاپۆی، گرەنتی سووریای دیموکراتیکی' ئەنجام مڎریۆ، بانگەوازو بەشداربیەیش کەرد.
ئاڵدار خەلیل ئاماژەش پانەی دا جەژنەو نەورۆزی جەژنەو گرڎو گەلا ۋەرکۊتوو مېیامینین، تەنیا هینەو گەلوو کوردی نییا، جەختش کەردۆ هېماو ئازادی، مڎرامان و سەرجە نۆ جە ئەڎابیەیۊین. هەرپاسە ئاماژەش پانەیچ دا جە نەورۆزو ڕۆو ئارۊینە گەل، گلېرگە باوەڕییەکۍ و پێکئامایە جیاوازەکا یۊشا گێرت و جە دژو زوڵمی ئەوەکۊشا و نەتەوەی دیموکراتیک بنیاڎ منیا.
هەرپاسە ئاماژەش پانەیچ دا بە هوتافەو 'ئازادی بەڎەنی ڕابەر ئاپۆی، گرەنتی سووریای دیموکراتیکیا' بەرەو نەورۆزو ساڵۊو ٢٠٢٥ ملمۍ و تەئکیدش کەرڎۆ مشۊم گەلاو هەرێمەکەی بە جۆش و خرۆشێوە گۊرۆ بەشدارۍ مەراسیمەکا نەورۆزی با. نەورۆزو ئېساڵی مەبۆ بە نەورۆزو ئازادی، یەکسانی، دیموکراسی، مڎرامان و گەلان، مەراسیمەکێچ پەی گرڎو گەلا مەبۆ بە سەرچەمەو ئیلهامی.
ئاڵدار خەلیل جەژنەو نەورۆزیش جەگرڎ کەسۍ پیرۆز کەرڎ و ئاماژەش پینەیچ دا هیواڎارێنمۍ نەورۆزو ٢٠٢٥ بۆ بە نەورۆزو ئازادی ڕابەر ئاپۆی، بنیاڎنیای سووریایۍ دیموکراتیکی و یۊبیەی گەلوو کوردی.
