پارێزنەرا پەی دیڎارو ڕابەر ئاپۆی داواکاریشا وست ڕووە
پارێزنەرا نووسینگەو یاسایی سەدەی، پەی ئەنجامدای دیڎاری چنی ڕابەر ئاپۆی و زینانیا تەرو ئیمراڵی داواکاریشا وست ڕووە.
پارێزنەرا ئیبراهیم بیلمەز و جەنگیز یورەکلی و سوزان ئاکیپا و عیمران ئەمەکچی پەی وینای ڕابەر ئاپۆی داواکاریشا پێشکەش بە داواکارو گرڎیی کۆماری بۆرسای و ڕاوەبەرایەتی زینانو ئیمراڵی کەرد.
هامکات پارێزنەراو پەی وینای موەکیلەکا تەریچشا، عومەر خەیری کۆناری و حامیلی یەڵدرمی و وەیسی ئاکتاشی، داواکاریشا وست ڕووە.
ڕابەر ئاپۆ ساڵانێوەن نمەتاوۆ پارێزنەرەکاش بوینۆ، داواکارییەکۍ پەی ئەنجامدای دیڎاری بەشێوێوە سیستەماتیک بێ جواب مەناوە. جە ماوەو ئی ٨ ساڵە دماینەینە، لاو کەمیۆ ١٥ جارۍ قەڎەغەو دیداری چنی پارێزنەرا سەپیان.
دلۍ پارێزنەرەکانە، ئۆزگور فایەق جە چوارچێوەو دماین دیڎارو شاندو ئیمراڵینە جە ٢٧ و شوباتینە بەشداریش کەرڎ جە دیدارەکەینە چنی ڕابەر ئاپۆی و عومەر خەیری کۆناری و حامیلی یەڵدرمی و وەیسی ئاکتاشی.
