گەریلۍ یەژا ستاری دەلیلا ڕۊو ٨و ئاداری ڕۊو جەهانی ژەنا کرێکاریش جە ڕابەروو گەلوو کوردی و عەبدوڵا ئۆجالانی و گرڎوو ژەنا جەهانی پیرۆزکەرد و واتش: "ڕابەر ئاپۆ جە بە سوپاکەردەی ژەنۍ و ئێژاکەردەیۆ ڕۆحیەتوو ژەنێنە سەرمەشق و خوڵقنەرا. پێسە ژەنێوە؛ جە کەشەکانە جەنگ کەرا، کۊشیانە و لووای ڕاوەو ئی کۊشیایە هێز و مۆراڵێوە گەورەما مڎۆ پنە. ئی هێز و مۆراڵە پاسە کەرۆ ژەنی جە گلێرگەنە بۊنە بە سەرمەشقە. چونکی جە کۆڵانەکانە، جە شارەکانە و گرڎ یاگێنە ژەنی مدرامان کەرۆ و بە دروشمەو 'ژەنی، ژیۋای، ئازاڎیی' ڕاپیمای کەرا. ئینە تەرسیش وستێنە دڵوو دوژمنیوە. هەر ۋەروو ئی تەرسێچەنە هجووم و سەروو ژەنا کەرا و کۊتێنۍ حۊڵوو دلێنەبەردەو ژەنا. بەڵام ڕابەر ئاپۆ هێز و باوەڕیش پنەدێنمۍ پۍ ئانەی ئێمە سەروو پەیاوە مردمۍ و بەردەوامۍ بیمۍ. دلۍ ئی جمیەرەینە یاگۍ و دەور گێڵنمۍ. جە فکر و فەلسەفەو ڕابەر ئاپۆیەن قوڵۍ بیمێوە و حۊڵمڎەیمۍ کۊشیای ۋێما ئێژاتەر کەرمۍ تا ئانەی هەنگامەی ئێژاتەرە بنەیەیمۍ. جارێوەتەر ٨و ئاداری جە گرڎوو ئا ژەنا پیرۆز کەرمۍ کە جە دژوو هێزە هەژموونواز و سەردەسەکا کۊشیانە و ماچمۍ، ژەنی، ژیۋای، ئازاڎیی."

گەریلۍ یەژا ستاری سۆرخوین کۆبانێ جە قسەکاشەنە ئی چێوەشە وات: "بە کار و ڕامانەکا ڕابەر ئاپۆی و دروشمەو " ژەنی، ژیۋای، ئازاڎیی " پێسە کۊشیای ژەنا دەسشپنەکەرد. جە ئیسایچەنە پێسە گرڎ لایۍ ئانەی موینمۍ جە گرڎوو جەهانینە جە دەوروو ئی دروشمۍ کوۍ بیێنۍ. پی دروشمێوە ژەنی جە گرڎ یاگۍ و لایێوە دژوو زیهنیەتی سەردەسی و کۆیلەداری کۊشیانە. ئینەیچ جە کار و ڕامانەکا ڕابەر ئاپۆیۆ سەرچەمە گێرۆ. ئی کۊشیایچە هەڵای بەردەواما. گرڎ کەسێ مزانۆ جە ئیسەنە هجووم کریۆ سەروو کەشەکا ئێمەیچ بە ڕۆحیانەتوو ئەرداڵ، ڕۆژهات، ڕوکەنۍ و ساراکاوە ئی کۊشیایە بەردەوام کەرمۍ. پێسە هامڕا ئازێ جە مەڕەکا جەنگینە، بە ئیرادێوە پێسە ئازێ و بە شێوازوو جەنگکەردەی ئازێ-وە. کۊشیایما ۋەرا ۋەر بە هجوومەکا گەورەتەر کەرمۍ و ئی هجووما ماڕمۍ. داواو من جە گرڎوو ژەنا ئینەنە: پۍ ئانەی سیستموو زیهنەتوو سەردەسەی دمایش پنە بۍ، ڕووە کەردۍ کەشە ئازاڎەکا پۍ مدرامانی."