پەیەدە بە بۆنەو دەیەمین ساڵیاڎوو ئەرەمەرزنای ئیدارەو وێڕاوەبەریی دیموکراتیکوو سەرنیشت و وەرکەوتوو سوریایۆ ئەرەیاوناێوەش وەڵا کەردۆ. هەلومەرج و سەبەبەکاو ئەرەمەرزنای وێڕاوەبەریی دیموکراتیکیش یاڎێ کەردێ و ماچۆ: "ئا وەختە سورییەکێ کوشیێنێ و کۆچبەرێ کریێنێ، تەرسەو تیرۆری و ڕێکوزیا تیرۆریستییەکێ پڕۆژەکاو بەشبییەی زیاتەرێ بێنێ، وێڕاوەبەریی دیموکراتیک ئەرەمەرزیا".

حەرپاسە ئاماژە کریان پانەیە هێزە سیاسییەکێ بە سەرمەشقایەتیی پەیەدەی ڕەگەزە سەرەکییەکاو ئیدارەو  وێڕاوەبەریی دیموکراتیکوو سەرنیشت و وەرکەوتوو سوریایشا بونیاڎێ نیێ، چا هەرێمای تەریچ وەش بی، کە لاو هێزەکاو سوریای دیموکراتیکیوە دەسوو داعشیوە ڕزگارێ کریێ.

ئەرەیاونایەکەنە ئی ڕووە وەنەو گەلاو هەرێمەکەی مەبارەک کریان و ئەوەخوای کریانۆ، مۆدێلوو ئیدارەو  وێڕاوەبەری تاکە کرێڵوو چارەسەروو ئاڵۆزییەکاو سوریاین، فرەو دۆزەکاو هەرێمەکەی و مافەکاو گەلوو سوریای بە پاو تێگەو لامەرکەزیەتی و دیموکراسی و بەشداریی گرد لایێ جە ئیدارەکەنە دابین کەرۆ.

ئاخرۆ وچیان: "تەماموو گەشمەرداو ئازاڎی یاڎێ کەرمێوە و تا بەدیئاردەی ئامانجەکاشا و پارێزنای دەسکەوتەکا، سەروو ڕێكێشاوە بەردەوامێ بیمێ".