مەنتێقەو قینێی کۆبانێنە، بە سەرمەشقایەتیی تەڤگەروو گەنجە شۆڕشگێڵنا (تەجەشە) و کۆنگرەو ستاری، پەی شەرمەزارکەردەی پیلانگێڵنیی ١٥ ی شوباتی دژوو ڕابەروو گەلوو کوردی عەبدوڵا ئۆجالانی چالاکیی خێمەوردای لوا ڕاوە.

قسەکەروو تەجەشەی چاگە، هیلال عەلی واتش: "ڕابەر ئاپۆ ئینا دلێ چوار دیوارانە، وەلێ فیکر و فەلسەفەکەش ئازادا، ئێمە هەردەم شۆنکەوتێ فیکر و فەلسەفەو ڕابەرینمێ، ئەرەمەنەیەکاش پەی دوژمنی دڕندەی یاگێ تەرسێنێ".

هەرپاسە جەخت کریاوە سەروو قەوەتکەردەی کۆشیای و مسۆگەرکەردەی ئازادیی جەسەیی ڕابەروو گەلوو کوردی عەبدوڵا ئۆجالانی.

حەسەکە

پەی هەمان مەبەسی مەجلیسوو بنەیانەو گەشمەرداو دەرباسیەینە سیمینارێوە ڕێک وزیا.

ئەندامەو مەجلیسوو بنەیانەو گەشمەردا، فۆزا یوسفە سیمینارەکەنە ئاماژەش پانەیە کەرد، ئامانجوو پیلانگێڵنا دلێنەبەردەی فیکری ئازادوو شۆڕشگێڵنی بێ، وەلێ ئیتر فیکروو ڕابەروو گەلوو کوردی عەبدوڵا ئۆجالانی گردوو هەموو جیهانینە وەڵا بیەنۆ و بییەن بە چراوەو گەلا.

تەبقە

ڕێکوزیا جڤاکییەکاو تەبقەی بە بۆنەو نزیکبییەیۆ  ٣٥ەمین ساڵیادوو پیلانگێڵنیی میاننەتەوەیینە ئەرەیاوناێوەش وەڵا کەردۆ.

ئەرەیاونایەکەینە ئاماژە کریان، دەسوو هەواڵگێریی میاننەتەوەیی جیهاننە، بەتایبەت ئەمریکا و دەوڵەتوو تورکی و ئیسرائیل پیلانگێڵنیینە بییەن.

ئەوەخوای کریاوە گەلاو هەرێموو سەرنیشت و وەرکەوتوو سوریای درێژە بە کۆشیای و وەڵاکەردەیۆ فیکروو ڕابەروو گەلوو کوردی عەبدوڵا ئۆجالانی مدا.  

هەرپاسە داوا جە ئازادیوازا کریان، پەی ئازادیی ڕابەروو گەلوو کوردی عەبدوڵا ئۆجالانی کۆشیا، چونکوم ئازادیی ئادی ئازادیی گەلان.