پەژاک ئەرەیاۋناش: ئەرەمەرزنای ۋێڕاوەبەری دیموکراتیکی کانتۆنوو جزیرەی جە ساڵیاڎوو ئەرەمەرزناو کۆماروو کوردسانینە بەروزوو ئانەین جە ئاخێزوو گەلەکەیمانە پۍ ئامای دی ئامانجەکا کۆماری جە گرڎوو بەشەکانە بەردەواما.
پارتوو ژیۋای ئازاڎیی کوردسانی (پەژاک) بۆنەو یاڎوو ٧٨ەمین ساڵیاڎوو ئەرەمەرزناو کۆماروو کوردسانی و ئەرەمەرزناو ۋێڕاوەبەری دیموکراتیکی جە کانتۆنوو جزیرەی ئەرەیاۋنێوەش وەڵاکەردۆ و چنەشەنە ئاماژەش پانەی کەردەن، کە "ئەرەمەرزناو کۆماروو کوردسانی نوقتێوە هۊرچەرخنای تاریخیەنە جە کۊشیای ئازاڎیی وازانە و ئاخێزوو گەلەکەیما جە هەر چواربەشوو کوردسانی پەی ئامای دی ئاوات و ئامانجەکاش بەردەواما".
ئەرەیاۋنانیچش: ئەرەمەرزناو ۋېڕاوەبەری کانتۆنوو جزیرەی جە ۋەرنیشت جە ساڵیاڎوو ئەرەمەرزنا و ئەرەیاۋنای کۆماروو کوردسانی، ئامای دی هەمان ویستی ئازاڎیوازی گەلەکەیمانە.
پەژاک بە ئاماژەدای بە چڕبیەیۆ هجومەکا دوژمنا پۍ دلېنەبەردەو دەسکۊتەکا گەلوو کوردی جە هەر چواربەشوو کوردسانی، داواش کەردەن، گەلوو کوردی بە یەکڕیزی وەرپەرچوو ئا هجوما بڎاوە و ئانەش وستەن ڕووە: " تەنیا ئا وەختە متاویۆ یاڎ و ویرەوەری کۆماروو کوردسانی بەرزڕاگیریۆ، کە بە کۊشیای سەرەمڕە و یەکڕیزی زیاتەر جە جارانی گەلەکەما ۋەرپەرچوو گرڎوو هجومە قڕکارییەکا بڎەیمېوە".
دەقوو ئەرەیاۋناکەو پەژاکی پی جۆرەنە:
"٧٨ەمین ساڵیاڎوو ئەرەمەرزناو کۆماروو کوردسانی پۍ گەلوو کوردی نوقتێوە هۊرچەرخنای تاریخیەنە جە کۊشیای ئازاڎیی وازانە و ئاخێزوو گەلەکەیما جە هەر چواربەشوو کوردسانی پەی ئامای دی ئاوات و ئامانجەکاش بەردەواما. جە ڕووۍ پېسە ئارۊینە ئەرەمەرزناو ۋېڕاوەبەری کانتۆنوو جزیرەی جە ۋەرنیشت، ئامای دی هەمان ویستی ئازاڎیوازی گەلەکەیمانە. پارتوو ژیۋای ئازاڎیی کوردسانی بۊنەو ساڵیاڎوو ئەرەمەرزناو کۆماروو کوردسانی و ۋێڕاوەبەری کانتۆنوو جزیرەی پیرۆزبایی جە گەلەکەیما کەرۆ.
ئارۊنە کۊشیای گەلوو کوردی جە هەر چوار بەشوو کوردسانی دژوو فاشیزمی و ئەرەگیری یاوان قولەپۊپە و دەسکۊتۍ فرۍ بەدەسئامېنۍ. حەرچنڎە سیاسەتوو جینۆسایدی کولتوری و کۊکوشی دوژمنا جە حەر چوار بەشوو کوردسانینە بەردەواما، بەڵام هوشیاری گەلی یاوان ئاستێوە کە متاوۆ گرڎوو مەترسیەکا کەرۆ بە دەرفەت پۍ یاوای بە ئازاڎیی و دیموکراسی. ٧٨ەمین ساڵیاڎوو کۆماروو کوردسانی ئینا وەختێنە کە بە مەڵامەتوو دەسوستەی دەسکۊتە گەورەکاوە جە تەرەفوو گەلەکەیماوە و زیاتەر نزیکبیەیۆ جە ئازاڎیی، دوژمنا فاشیستی بە قینی زیاتەرۆ پۍ دلېنەبەردەو بیەو گەلوو کوردی دەسشا کەردەن بە هجومی دڕنڎانە و بێ بەزەییانە. لەشکرکێشییەکۍ دەوڵەتوو فاشیستوو تورکیای پۍ سەروو ۋەرنیشتی و پانیشتوو کوردسانی و هجومە ستەمکارانەکۍ دەسەڵاتوو ئێرانی پۍ سەروو کوردەکا، ئێساڵش کەردەن بە ساڵێوە چارەنوویسساز. چی بەینەنە، تەنیا ئا وەختە متاویۆ کە یاڎ و ویرەوەری کۆماروو کوردسانی بەرز ڕاگیریۆ، بە کۊشیای سەرەمڕە و یەکڕیزی زیاتەر جە جارانی گەلەکەما ۋەرپەرچوو گرڎوو هجومە قڕکارییەکا بڎەیمېوە. ئانەی جە ئاکاموو هجومەکا ئێرانی و تورکیای بەشێوەی جیاجیا ئینا ئارانە، جەنگێوە کۊکوشییا، نەوەک جەنگێوە ئاسایی. وەرەنگاربیەیۆ دوژمنی جە بواروو پارېزنای رەوای تا بەرزکەردەیۆ ئاستوو دەسکۊتەکا هەڵقوڵیاو ئەزمونە سیاسی-دیموکراتیکەکان، تەنیا ڕاو پەرەپنەدای و گوڕداین بە کۊشیای جە گرڎوو بوار و رەهەندەکانە بە شێوەی هەمەلایەنە. بێدەنگی ۋەران ۋەر بە دەسدرێژییەکا دوژمنا بێگومان بیەو گەلەکەیما و گرڎوو ئا دەسکۊتا گەلەکەیما کە جە کۆماروو کوردسانیوە تا ئارۆ بەدەسئامێنۍ، وزۆ مەترسیوە. گرڎوو حۊڵوو دوژمنا پۍ ئانەینە کە بە پڕچنای رەوتوو یۊگێرتەی نەتەوەیی گەلوو کوردی جە گرڎوو بەشەکا کوردسانی، ئاستوو بەقوەت بیەی گیانوو کۊشیای پۍ رزگاربیەی جە کۆکوشی لاواز کەرا. بە دڵنیاییوە هێزی جە ۋەران ۋەروو ئەزمونوو کۆماروو کوردسانی و ئارۊیچ جە ۋەران ۋەروو جمایۆ ئازاڎیوازی گەلوو کوردی دەسوەردای بڕۍ دەوڵەتا هەژموونگەرای و پیلانگێڵنی پۍ هامکاریکەردەی دوژمناو گەلەکەیما ئینا ئارانە. حەرپۊکەی جە هەناوو کۊشیای گەلەکەیمانە جە ئارۊنە، جەسایەو حێقمکەردەی و بەقوەتکەردەی رۆحوو کۊشیاینە، وەڵینگەو هێزی کۆماروو کوردسانی شاریانۆ.
پارتوو ژیۋای ئازاڎیی کوردسانی بێجگە جە پیرۆزبایی جە گەلەکەیما، ئازاڎیوازا و ژەنا بۆنەو ٧٨ەمین ساڵیاڎوو ئەرەمەرزنای کۆماروو کوردسانی و نۆیەمین ساڵیاڎوو ئەرەمەرزناو ۋێڕاوەبەری کانتۆنوو جزیرەی، داوا جە گرڎوو گەلەکەیما بەتایبەتی جە ۋەرکەوتوو کوردسانی کەرۆ، کە جە ۋەران ۋەروو مەترسیەکا دوژمنینە ئاگاڎار و هوشیارۍ با ئارۊنە ئامادەیی پەڕ جۆش و خرۆش و شۆڕشگێڵنانەو گەلەکەیما جە مېڎانەکانە متاوۆ پەوپەڕوو قوەتیوە گرڎوو پلان و سیاسەتەکا دوژمنی پۍ درێژەدای بە کۆکوشی و جینۆسایدی پوچ کەرۊوە. کۆماروو کوردسانی ٧٨ ساڵۍ چېوەڵتەروو ۋێڕاوەبەری ۋەرنیشتی، جمیەروو شۆڕشگێڵنانەو ژەنۍ، ژیۋای، ئازاڎیی جە ۋەرکەوتوو کوردسانی و قەوارەو پانیشتوو کوردسانی دەرەنجاموو یەکڕیزی گەلوو کوردی بێنۍ و مشۊم ئی شێوازە جە کۊشیای بەقوەتتەر کریۆ".
