ئێشکگیری دادپەروەری ئەمینە شەنیاشارێ کە هامژین و دووێ کوڕێش جە ١٤ و حوزەیرانو ٢٠١٨ جە مەنتیقەو پیرسوسی ڕحای جە لایەنوو پاسەواناو قۆما پەرلەمانتاری وەڵینوو ئاکەپەی ئیبراهیم خەلیل یەڵدزیۆ کوشیێ، بەردەواما. ئێشکگیری دادپەروەەری شەنیاشارێ و فەرید شەنیشاری کوڕش کە پەرلەمانتارو پارتو یەکسانی و دیموکراسیی گەلا (دەم پارتی) ڕحایا، ١٠٩ ڕوێن بەردەواما.

شاندێوە جە بنەیانەو زینانیا و پەرلەمانتارا دەم پارتی بورجوگول چوبوکە و سەرحەد ئەرەن سەردای چالاکییەکەیشا کەرد.

بنەیانەو زینانیا کۆمکوشی بنەیانەو شەنیاشارێشا شەرمەزارکەرد و داواشا کەردە ئی ستەمە مدرۆنە.

ئەمینە شەنیشارە ئەرەیاوناش بکوشێ ئینێ بەرۆ و کوڕەکەش جە گۆشێوەنە زیندانی کریان و واوەیش کەردۆ ئازادبییەی کوڕەکەیش گەرەکا.

قۆمو زیندانی فەهیمە پۆیراز واتش: "دووی کوڕێو هامژینەکەشا کوشت، ئیسەیش کوڕێوەش ئینا زینانەنە. ئینەن یاسا و دادپەروەری؟ ئێمە تا ئاخیر پشتیوانی ئەدا ئەمینەی کەرمی، هابەشینمی ئێشەکاش وینمی".

قۆمەو زیندانی مەدینە کایمازی ئەرەیاوناش ئانەی وەرانوەرو بنەیانەکەیش کریان ڕاس نیاو پێویسا دادپەروەری بەدی بێ.

دماو دمایی ئامای بە چالاکییەکەی، ئەمینە شەنیشارە لوا پەرلەمان.