فەرمانڎەو قەرارگەی نەپەگەی موراڎ قەرەیلان:"٤و نیسانی ڕۊو جە ئەڎابیەو رابەر ئاپۊیا جە هەمان ۋەختەنە ڕۊو جە ئەڎابیەو هزری و فەلسەفەی تازەیا، ڕۊو جە ئەڎابیەو راپیمای بیەی و ئازاڎیی کورڎسانیا، ڕۊو جە ئەڎابیەو ئازاڎیی گەلەکەیما و گەلان.
فەرمانڎەو قەرارگەی و ناوەنڎو پارێزناو گەلی (نەپەگە)ی موراڎ قەرەیلان بۊنەو ڕۊو جە ئەڎابیەو ڕابەر ئاپۊیۊ قسېش پۍ گەریلا تی ڤی کەرڎۍ.
قەرەیلان پی جۊرە قسېش کەرڎۍ:
"سڵام و رێز پۍ ۋینەرا گەریلا تیڤی. ٤و نیسانی ڕۊو جە ئەڎابیەو رابەر ئاپۊی ئێمە پېسە قەرارگەو ناوەنڎی بە نامۍ گرڎو گەریلاکا ئازاڎیی کورڎسانی جە رابەر ئاپۊیش پیرۊز مکەرمۍ و سڵام و رێزو ۋێماش پێشکەش مکەرمۍ. ڕۊو جە ئەڎابیەو رابەر ئاپۊی جە گرڎو هەڤاڵا، ژەنا کورڎسانی و تەمامو ژەنا، جە گرڎو گەلەکەیما و گەلا جەھانی پیرۊز مکەرمۍ. بێگومان ٤و نیسانی تەنیا ڕۊو جە ئەڎابیەو کەسێۋە نییا. ٤و نیسانی ڕۊو جە ئەڎابیەو رابەر ئاپۊی و ڕۊو جە ئەڎابیەو هزری و ئەندێشەی تازەین، ڕۊو جە ئەڎابیەو فەلسەفەی تازەین، ڕۊو جە ئەڎابیەو ڕاپیمای ئازاڎیی کورڎسانیا. ڕۊو جە ئەڎابیەو ئەرەکۊشای ئازاڎیی ئێمە و گەلان. ۋەرو ئانەی گەلەکەما ئی جە ئەڎابیەیە پېسە جە ئەڎابیەو ۋێش منیۊرە. ژەنۍ کورڎی، ژەنۍ ئازادیوازۍ ئا جە ئەڎابیەیە پېسە رۊو جە ئەڎابیەی ۋێشا مۋیناش. ئانە مژارێۋی راس و دروسا، ۋەرو ئانەی ڕۊو جە ئەڎابیەی و ٤ نیسانی جە کورڎسان جە روو هزری و ئەندێشەیۊ، ژیای، جوڵە و ئەرەکۊشاینە سەردەمێۋی تازەش شۊنەو ۋێشەرە ئاۋرد.
جە راسینە ۋەڵینگەو ئێمەنە ژمارێۋی فرە سەرهۊردایۍ ڕوۋەشا دان و ئا سەرهۊردێچە سەرۊکشا بیەن. حەر کامێشا جە ۋەڵینگەنە یاگۍ ۋێش گېرتەن. بەڵام سەرۊک ئاپۊ یۋەم سەرۊکا کە بەزانستو سەردەمی، رامان و پارادیگمای تازەش بنیاڎ نیا. رابەر ئاپۊ جە قووڵایی کولتوری و تاریخی مێزۊپۊتامیاو گەلوو کورڎی، جە ناوەنڎو کولتوری گەلانە پی جۊرە تاریخ و ڕۊش ئامێتەو یۊی کەرڎېنۍ. پی جۊرە بە پاڕادیگمای تازەۋە ئامان سەرو شانۊو تاریخی. ئارۊ پاڕادیگماو رابەر ئاپۊی پۍ گلېرگەی ئازاڎیی، گلېرگەو دیموکراتیکی، پۍ ئاخېزو ژەنا، پۍ ئاخېزو ئیکۊلۊژیکی چۋارچێۋێۋە تازەش بەرڎەن ۋەڵېۋە. ژەنۍ کورڎیش جە کورڎساننە کەرڎۍ بە خۊتان هێز، گەلوو کورڎیش جە کورڎسانەنە کەرڎ بە خۊتان هێز و ئیراڎە. پی جۊرە جە ۋەران ۋەرو مۊدێرنیتەی سەرمایەدارینە مۊدێرنیتەی دیموکراتیکیش پېسە ۋرچنیېۋە تازەی خوڵقنا. پۍ گرڎو گەلا ئانە چارەسەریېۋی تازەن. حەر پۊکەی ڕۊو جە ئەڎابیەیش ٤و نیسانی پۍ ئێمە و گەلەکەیما و گەلا جەھانی و پۍ تەمامو ژەنا مەعنېۋە تایبەتش هەن. چی چۋارچێۋەنە خۊتانکەرڎەی و پیرۊزباییکەرڎەیش شیاو و گونجیان.
گەلەکەما پۍ ئانەی خۊتانکەرڎەی جە ڕۊی بکەرۊ، ڕۊو جە ئەڎابیەی پیرۊز کەرۊنە بەرەو دەگاو ئاماڕای دەگاو رابەر ئاپۊی ڕاپیمای مکەرا. چا ڕاپیمایەنە ڕوۋە دایۍ فرۍ ڕوۋەشا دان. فرەو جاری راگیریی و جەنگ ڕوۋەشدان. چا جەنگەنە گەلەکەما گەشمەرڎەش دان. بەتایبەتی جە نیسانو ٢٠١٩ینە "مسەفا داغ و مەعسوم کارائۆغڵان" گەشمەرڎۍ بیۍ. من یاڎو ئا گەشمەرڎە بەنرخا بەرزڕاگېرونە و ۋەران ۋەرو ئاڎیشانە سەرەو ۋێم منامنورە. ئا ۋەعدەی بە گەشمەرڎاما دان سەر جە نۊ واۋەیش کەرمېۋە. گەلەکەما قوربانیشدا بەڵام سازش و پاشەکشەش نەکەرڎ. سەرو ئا بنەمۍ خۊتانکەرڎەیش جە رابەر ئاپۊی پېسە خۊتانکەرڎەیش جە ۋێش ۋینا. حەرپۊکەی قوربانیشدا، بەڵام هەنگامۍ نەلا دماۋە. رابەر ئاپۊ ئارۊ پۍ گەلەکەیما ئشناسنامېۋەن. پۍ گرڎو کەسا ئازادیوازی، دیموکراتیکی، سەرو بنەماو یەکسانی و برایەتی گەلا جمۊۋە، سەرو بنەماو خەتەو ژەنۍ ئازاڎیی، گلېرگەی ئازاڎیی جمۊۋە و دواکاریش ھەن، رابەر ئاپۊ ئشناسنامە و چۋارچێۋێۋەن. ۋەرو ئانەی خۊتانکەرڎەی چنەش ئینا یاگۍ ۋێشەنە. سەرو ئا بناغەیە ئێمە پېسە گەریلاکا ئازاڎیی کورڎسانی جە گېرتەی ۋەرو ڕاو رێبازو رابەر ئاپۊینە بۍ دوو دڵی جمێۋە و سەرو ئا بنەمۍ ٤و نیسانی جارێتەر جە رابەر ئاپۊی و گرڎو گەلەکەیما و تەمامو ژەنا کورڎسانی پیرۊز مکەرمۍ و جە ئەرەکۊشای ئازاڎینە، جە ڕاپیمای ئازاڎیی رابەر ئاپۊی و ئازاڎیی کورڎسانینە هیواو سەرکۊتەی پۍ گرڎ لایۍ وازو. ڕۊو جە ئەڎابیەو ڕابەر ئاپۊی و ٤و نیسانی پیرۊز بۊ".
هـ . ش
