پێسە گردوو شۊڕشەکاو دنیۍ جە تاریخوو شۊڕشوو کوردستانیچنە بابەتی سەرەکی و وەڵینێنۍ. ئەوەڵی یەکلاییکەرەوە کە چارەنویسی ئارۊییش فاڕان، هەن. ئا ئەوەڵین مۊرەو وێش وەنەو  تاریخی دێنە و چارەنویسی شووم و نەمایش گەلێش دلێنە بەرڎێنۍ. ئەگەر ئا هەنگامۍ نەگیریێنێرە وەر و ئا ئەوەڵۍ کە وزیێنۍ وەشۍ نەبیێنۍ، ڕەوتوو تاریخی نۊعێوە تەر بۍ. پەکەکە پەی مردنای ئا ویر و پەیلوا  و ڕەوتە خراپەو تاریخی، فاڕای چارەنوسی ئیسەیی و سەرجەنۊ نویستەیۊ تاریخی، ئامان ئاراوە. پەکەکە بە هەڵمەتەوی ١٥ تەباخی (ئاب) پەی کوردی و کوردستانی بییەن دەسپەنەکەرڎەێوە تازە، دژوو سیاسەتوو دلێنەبەرڎەی و سڕیەیۊ دەوڵەتی تورکی قڕکەر-کۊلۊنیالیستی بییەن ئەوڵوو ئاخیرێوە.

ڕابەر ئاپۊ واتەنش، کە سەرباروو فشاری و ستەمکاری کوردستاننە جە تۊقەو سەرەیۊ تا بنەو پایا، پاسەش کەرڎەن، کە شەپۊلێوە تازۍ مدرامانی وەشە بۊ. ئینە دیالیکتیکوو وەڵیوەلوای تاریخوو گەلەکەیما و پارتەکەیمانە. جە تاریخوو کۊشیایمانە حەر پاسە بییەن. مدرامان و کۊشیای تا گەشتەرۍ با، فشار و ستەمیچ زیاد کەرا، دژوو فشار و ستەمی کۊلۊنیالیستی کە زیادش کەرڎەن، مدرامان قەوەتتەر و ڕێکوستەتەر و خاستەر بییەن. دماخان و بەستێنێوە پەی هەڵمەتەو ١٥ تەباخی کوردستاننە هەن. حەرکەس کەم تا فرە ئاگاداروو تاریخوو پارتەکەیما بۊ، میاوۊنە کە هەڵمەتەو ١٥ تەباخی وێشۊ و بە بێهۊ وەشە نەبیێنە، بە بۍ ئامادەکاری نامێنە ئاراوە، بە پێچەوانەوە، پڕۊسەو تەمامکەرڎەی ئامادەکارییەکا و سەرجەنۊ رێکوستەیۊ، چەنی لوای پەی بەرووو وەڵاتی دەسش پەنە کەرد و تا ساڵەو ١٩٨٤ بە بێمرڎای بەرڎەوام بی؛ گردوو خەباتوو ڕێکوستەی، سیاسی و پراتیکی خزمەتوو ئانەینە بۍ. دیارا کە کادرەکۍ چ قۊناغەنە  وێشا جە ڕووەو ماددی و مەعنەوی، فکری، پەروەرڎەیی، سەروازی و جەستەییوە پەی ئانەیە ئامادە کەرڎەن.

چی قۊناغەنە پراتیکی حیلوان و سێوەرەگۍ فرە گرنگۍ بێنۍ. جە دژوو کۊلۊنیالیزمی و دارڎەسەکاشا، کۊشیاێوە فرە قەرارڎارانە و پڕ واستەی بۍ. ئەگەر ناشارەزاییچش چەنە بۊ، لایەنە ئازادیوازی و دیموکراتیکەکەش فرە کاریگەرییش کەرد سەروو گەلی. ئاندەیچ کاریگەرییش کەرد سەروو هۊشیاربییەیۊ نەتەوەیی. جمیەرەکە کە ئازا گەورە بی، دەوڵەتی تورکی ئەرەگیر- کۊلۊنیالیستش دی، کە ئیدارەی نائاسایی وەسۍ نییا، پەوکای ڕووەش کەرڎە فاشیزموو ١٢ی ئەیلوولی. فاشیزموو ١٢ ئەیلوولی نەک هەر پەی پارتەکەیما، بەڵکوم پەی گردوو هێزە شۊڕشگێڵنەکا قۊناغێوە تازە بۍ. کادرە سەرمەشقەکێما گیریۍ. دیار بۍ کە دوژمن بە چە ستراتیژ و تاکتیکێوە هجووم کەرۊ سەرما. ڕابەر ئاپۊ زوو هەستش پانەیە کەرد و بە پاو ئانەیە ڕاوشۊنش گێرتەرە وەر. وەختۍ کودەتای سەروازییە و ١٢ ئەیلوولوو ساڵەو ١٩٨٠ ڕووەش دا گردوو هێزە چەپگەرەکا گورزی ستراتیژیکشا وەرکەوت، وەلۍ پەکەکە دەسش بە سەرڎەمێوە تازەی و هومێدبەخشی کەرد. تاکتیکوو کێشیایۊشا یاونیا یاگۍ. تاکتیکوو کێشیایۊ پەی ئێمە گرنگ  بۍ.  یوەم، وێکێشنایۊ پەی وەرکەوتوو دلێڕاسەی کە کۊشیای دلێشنە گەشیاوە بییەن، ورچنیێوە گرنگ بۍ  کە ورما چنی. ئانە هەمان وەختنە ئاماژە بۍ  پەی قەرارڎاری و پاگێرتەیرەی ئێمە سەروو کۊشیای. پەشتیوانیی ئێمە پەی جمیەروو فەلەستینی، بەروزوو کاراکتەری ئینتەرناسیۊناڵیستی جمیەرەکەیما بۍ. ئانە کە فرە گرنگ بۍ ئانە بۍ، کە ئێمە جە کۊشیایی وێمانە دژوو فاشیزموو ١٢ ئەیلوولینە ورسەنگنای وەرفراوانی ئایدۊلۊژیایی، سیاسی، رێکوستەی و تاکتیکیما کەرد. بە قەرارەکا جە یوەم و دوەم کۊنفڕانسە، چا وەختۊ دەسما بە هەڵمەتەی تاکتیکیۍ کەرد، گردوو ئامادەکارییەکا، کۊشیای و پەروەرڎە سەروو ئانەیۊ بێنۍ.

چا قۊناغەنە کۊڵیایۊ سەروو تاریخوو کوردستانی کریا، پەی چێشی مدرامان کوردستاننە فرە نەلا وەرۊ و فرەش نەخواینان.  پەی نموونەی؛ دەسپەنەکەرڎەی ئەرەپڕای شێخ سەعیدی وەڵیوەختە بۍ، پیلانگێڵنای وەڵیوەختە دژوو سەید ڕەزای و هتد. قسەوباسشا بارەوە کریا، ئەنجامیچ بەدەس ئاما. شۊڕشەکاو جیهانیچ بیۍ سەرچەمەو ئیلهامی، وانەشا چۊوە بەدەس ئاما. کاریگەریی شۊڕشوو ڤێتنامی بەرڎەوام بی. ئوەوکۊڵیایما سەروو شۊڕشوو ڤێتنامی کەرد، فرەش سەرۊ مرڎایمۍ. پەی نموونەی؛ پەی ورسەنگنای یا وەروو ئانەی ئینسان هەڵمەتەو ١٥ تەباخی بەراورد کەرۊ، مشۊم ئینسان دەسنیشانش کەرۊ. هەڵمەتێوە شۊڕشگێڵنی هەنە، کە بە هجووموو تەتی مشناسیۊ. ساڵەو ١٩٦٨ پانیشتوو ڤێتنامینە کریا. سەرنیشتوو ڤێتنامی ساڵەو ١٩٥٤ ڕزگار کریا. پانیشتوو ڤێتنامینە جنگ پەی چندین ساڵا بەرڎەوام بی. هجووموو تەتی کە ساڵەو ١٩٦٨ کریا، پێسە ئەڵقێوە ورچەرخیای و پێسە سەرەتاو کۊتایی ئشناسیان. هجوومێوە گەورەن، بە هەزاران شۊڕشگێڵنۍ جە جەنگەکەنە بەشدارۍ بیۍ. هەڵمەتێوە بۍ، کە چندین ساڵۍ ئامادەکارییش پەی کریابۍ، دژوو هێزە ئەرەگیرەکاو ئەمریکای کریا. هەڵمەتێوە گەورێنە و ئەنجامیچش بەدەس ئاورڎەن. وەروو ئانەیە جە ڕاوە گورز جە ئەرەگیرا شنیان، وەڵتەر گەشەسانایەکۍ ڕاوە  دیارییۍ کریێنۍ، ئی قۊناغەشە چەنە کەوتەنۊ و دەمودەس بییەن. ماوەو دووۍ پەی یەرۍ ساڵانە هێزەکاو ئەمریکای بەتەمامەتی ڤێتنامشا جیا ئاست. کۊشیایەکە بە سەرکەوتەی شۊڕشوو ڤێتنامی یاوا ئەنجام. پراتیکێوە کە فرە  گرنگیما دا پەنە و  پێدا و جە ڕووەو یەکینەکاو پڕوپاگەندەی چەکداریوە، پەی ئێمە بی بە گەورەتەرین وانە، ئانەن کە هۊشیمینە گایپیش ئەرکدار کەرد، کە چەنی گروپوو پڕوپاگەندەی ٣٤ کەسی، شەڕ و شۊڕششا دەس پەنە کەرد. ڕاپیمای درێژمەوداو مائۊی هەن. مائۊ زیادتەر پانەیە مشناسیۊوە. قووڵبییەیۊ وو شارەزایی تاکتیکیی ئادیچ چاگەوە سەرچەمە گێرۊ. هەرپاسە شۊڕشوو کوبای؛ فیدەل کاسترۊ و هامڕێش، کە پەروەرڎەشا دی و دماتەر ساڵەو ١٩٥٦ گەرەکشابۍ بلا دلۍ خاکوو کوبای و کەوتۍ کەمینەوە، چەنی هێزەکاو باتیستای داشا یۊی، زەرەری گیانیی فرەشا وەرکەوت، جە گرووپێوە ١٠٠ کەسینە ١٢ مەنێوە. ئانە ئەوەڵا. بە چالاکبییەیۊ ئا هێزە جەوهەرییە ١٢ کەسییە، شۊڕشوو کوبای ئاما ئاراوە. ماوەو دووۍ ساڵانە یانۍ ساڵەو ١٩٥٨ کوبانە شۊڕش ساز بی. ئینۍ گردشا نموونەو کۊشیای و شۊڕشێنۍ کە ئێمە ورما سەنگنۍ.

ئێمەچا وەختۊ قسەوباسما سەروو ستراتیژوو جەنگوو گەلی درێژخواینی جە پڕوپاگەندەی چەکدارینە کەرد. هەنگامەی چینۍ پێویسە بۍ. قەرارێوە گرنگ بۍ. ئا قەرارە جە دووەم کۊنگرەو پارتەکەیمانە دریا. جە بەیاگەیاونای هامڕایا عەگید و محەمەد قەرەسۊنگور دەوری یەکلاییکەرەوەشا بۍ. وەڵۍ ئانەینە بەشداری جە کۊنگرەی دووەمنە کەرا، سەرڎای وەڵاتیشا کەرڎەبۍ. وێشا جە پانیشتوو کوردستانی و لە زاگرۊسنە بنەدار کەرڎەبۍ. ئا هامڕۍ ئامادەکاریی کەرێنۍ. دماو کۊنگرەی ئشیا جەنگ و مدرامان کریۍ. ئشیا ئامادەکارییەکۍ بە پاو ئانەیە بیێنۍ. وەلۍ وەڵۍ ئانەینە فرەو هامڕایا جە ڕووەو هەستیوە مامەڵەشا چەنی قۊناغەکەی کەرد، جە قووڵایی و دەورەکەیش خاس یاوێنە. ڕابەر ئاپۊ دژوو ئانەیە بەرڎەوام بە وەرفراوانتەر و ستراتیژیک قۊرتەکێش ورسەنگنۍ. ویرما وەختۍ هامڕۍ  زیندانوو ئامەدینە گەشمەرڎۍ بیۍ، فرەو هامڕایا جە گوزارشتەکاشانە باس چانەی کەرېنۍ کە پەنەوازەن ئینسان تەیارە بڕفانۊ، چالاکی ۋېکوشتەی و گیانبازی و هتد کەرا. ئا هەڤاڵۍ بېنۍ کە تەرحو ئا چالاکیا کەرېنۍ. هەڵبەتە پارتەکەما ئانەی بە گرنگ ۋینۍ. بەڵام زانیۍ کە سەرهۊردېکۍ ۋەڵتەری جە کورڎسانەنە چ ئەنجامێشا بیەن. هەمان پراکتیک جە کەسایەتی پەکەکەینە نەکریۍ واوەی بۊوە. یاخوڎ ئشیۍ بە شێۋېوە رێکوزیاتەر، ستراتیجی و ئاماڎەتەر هەڵمەتێوە ئەنجام بڎریۊ. گرڎ چېۋۍ پۍ ئانەی بۍ.

گروپەکۍ دماو کۆنگرەو ئابو ١٩٨٢ یۊ دماو یۊی ڕۋەشاکەرڎە کەشەکا کورڎسانی. چا ئاماڎەکارییانە هەڤاڵەکېما محەمەڎ قەرەسونگور و هەڤاڵ عەگید دەورۍ یەکلاکەرەوەشا بۍ. گروپی یۋەم فرەیشا ۋېشا جە لۆلان بنەشا وستە. چن هەڤاڵۍ جە بڕۍ بنکانە مەنېنېوە، بەڵام ئەۋۍ تەرۍ جە ناوەنڎو لۆلانی بېنۍ. زمسانو ساڵەو ١٩٨٣ ۍ جە لۆلان گرڎ ئاماڎەکاری و پەروەردەیۍ پەی دەسپنەکەرڎەو هەڵمەتە شۆڕشگێڵییەکا کریا. هامڕا شاهین جە بارەو پرۆپاگەندەی چەکڎاریۊ پۊستکارتېش ئاماڎەکەرڎ و هۊرسەنگناو ۋېش وست ڕۋە. ئا هەڤاڵۍ یاۋۍ پانیشتوو کوردسانی، تاۋېنۍ شانە بڎا ۋەرو ۋەرپرسیاری قۆناغەکەی. بە پاو ئانەی گفتوگۆ و پەروەردە ۋەردەوام بۍ. جە بارەو پڕۆپاگەندەی چەکڎاریوە پەروەردە و گفتوگۆ ئەنجامدریۍ. یۋەم پەیڕەونامەی پڕۆپاگەندەی چەکڎارانە ئا وەختە ئاماڎەکریا. تاکتیکو کۊشیایما جە ڕاو پروپاگەندەی چەکڎاریۊ یاۋۍ بە ئەنجام. چانەنە پرۆپاگەندەو ئێمە و ڤێتنامی دەقاودەق پېسە یۊی نەبیۍ، بەڵکم بە پاو هەلومەرجو کورڎسانی ئەنجام دریۍ. پا ئامنجۊ ستراتیجیتەرین شۊنەکا کورڎسانی، ئا شۊنۍ  ۋڵاڎپارێزی دلېشانە فرە بەقوەتا، ئا شۊنۍ پۍ کۊشیای چەکڎاری گونگیۍ بېنۍ ، بە بنەما گیریۍ.

جە ڕاو ئا گروپە یەرە یاخوڎ پەنج کەسیە ئەوەڵیاوە کە دیاریکریېبېنۍ، بێگومان کە لۋېنۍ دەگایەکا، چنی ئا کەسا کە ۋینینېشا، باسو ئاژەو کورڎسانی، بەتایبەتی کردەوە فاشیزمیەکۍ ١٢و ئەیلولی، مدرامان جە دژوو ئانەی جە زینڎانەکانە، بەدیاریکریایی باسو مەزڵوم، کەمال، خەیری و چوارەکا کریۍ. ۋەختۍ وچیۍ کە ئێمە بە کۊشیای چەکڎاری و بە هەڵمەتەی ستراتیجی جە کوردسانەنە ئاخېز کەرمۍ، مەتڵەبڎ بۊ یا نەبۋۊ گەل ۋیر کەرېۋە کە ئانە ڕاش مشۊنە و مېنە دی یاخوڎ نا. ئاخۆ پېسە گرڎ جارۍ تاریخ واوەی بۊوە. ئەگەر هەن ئینسان سەرگنۊ؟ گەل بە مەڵامەتو ئانەی قەناعەت نەکەرۍ، بە چەمۍ گومانیچۊ تەماشەش کەرۍ. ئا وەختە قورس بۍ کە ئینسان کاریگەری فرە سەرو ئا گلېرگەینە بنیۊرە. پۍ نمونەی؛ هەرێمو بۆتانی مەنتیقېوە نامۆ نەبۍ بە چەکی. هۆزەکۍ بە گروپو یەرۍ یاخوڎ پەنج کەسی چەکڎارتەر و تەیارتەرۍ بېنۍ. پا مەڵامەتۊ تایبەتمەنڎی ئانەی ئینسان تاۋۊ زاڵ بۊ، لاوازۍ بېنۍ. کۆچەرێوە وڵاڎپارێز ئا وەختە پێشنیازێوە پی جۆرشە پۍ هەڤاڵا کەرڎەبۍ: "شمە پی جۆرە مەتاودۍ فرە وەڵۍ گندۍ. ئا وەڵۍ کۊتەیە کە شمە ۋیرش ۋنەکەرڎۍ و ئاواتش وازدۍ، شمە مەتاودۍ پېکدېش. ئا تفەنگۍ ئینۍ دەسو شمۊ ئینۍ دەسو ئېمەیچۊ. شمە یەرۍ یا پەنج کەسېندۍ، بەڵام هۆز و عەشیرەتو ئێمە جە عەشیرەتەکا تەری شلۊقتەرېنۍ. حەرپۊکەی مەتاۋدۍ باڵادەسۍ و زاڵۍ بیدۍ. ئەگەر گەرەکتانە گەلی قایل کەرڎۍ، باڵادەسۍ بیدۍ، جە روو دەرونیوە کاریگەری کەرڎۍ سەرو دوژمنی، لودۍ هۊرکودۍ سەرو پەرواریە، لودۍ هۊرکودۍ سەرو مەنتیقېوە تەری. با پۍ سەعاتېوە یاخوڎ پۍ ڕۋېوە دەستاوە مەنۊوە. ئا وەختە هەرمانەکېتا دەنگ مڎۊوە و گرڎ یاگۍ تەنۊوە، شمە مشناسیەیدۍ. ئانۍ ۋەششا مسیەیدۍ چنیتا با، ئانۍ کە ناڕەحەتۍ با جە شمە و چنیتا نەبا، سڵتا ۋنەکەراوە و چنەتا تەرسا. یاخوڎ ئانەی سمە حوکم کەرڎۍ و باڵادەسۍ بیدۍ". بێگومان ئا ئەنجامۍ راسۍ بېنۍ کە جە ڕاو تەجروبەو ژیۋایۊ ئامېبېنۍ ئاراوە. پا جۆرەیچە بۍ. یەکینە سەرەتاییە چەکڎارەکۍ، یەکینۍ گولانۍ بېنۍ کە پۍ ئاماڎەکاری بېجگە جە چەمڎاری ئاسانی و باڵادەسی جە بڕۍ یاگېنە، فرە کاریگەری سەرو گلېرگەی نەنیېرە.

حەر پۊکەی ساڵەو ١٩٨٤ ی داواکاری کۆکەرڎەیۊ هێزەکا و هۊرسەنگنای ئاژەکەی، کریا. هەڤاڵ عەباس پا پرۆسەیۊ خەریک بۍ. گروپەکۍ دلېینەو وڵاتیچ ئامېبېنۍ پانیشت. جە کۆبیەیۊ ڕاوەبەریچمانە قەراردریا، هۊرسەنگیای کریا. ېەرمانو چالاکیەکۍ ۋەڵتەر کریېبېنۍ ئیتر وەسۍ بینۍ. نەکریۍ ئینسان زیاتەر پاگیری سەرو ئانیشا کەرۊ و جارێوە تەر بە گروپی یەری یا پەنج کەسیوە ۋەردەوامبیۍ چا خەباتیە. ئەشیۍ بە شێوە و جمیەری و هەڵمەتۍ کە ئێمە ۋیرش ۋنەکەرېنمۍ بەرەو دماوە لۋېنمۍ و کاریگەری خراپشا سازکەرڎۍ. ئا خەباتەی کریۍ پۍ یاۋای بە بڕۍ ئامانجۍ گۊرۍ بڕۍ هەنگامۍ کاریگەرۍ بېنۍ، پۊکەی ۋەسۍ بېنۍ. پا مەڵامەتۊ بە گروپی رێکوزیاتەر و فراوانتەر دەسوەردایۍ جە پراتیکی سەرنیشتینە کریا، یاخوڎ دەس بە قۆناغێوە تازەی کریا.

گروپۍ پرۆپاگەندەی چەکڎارانەی سەرەتایی سەرو ئا ئەساسیە چا سەردەمەنە ۋەشۍ بیۍ. یەکینەو ١٤و پرۆپاگەندەی چەکڎارانەی رەوانەو هەرێمو بۆتانی کریا. یەکینەو ٢١و ئاداری پڕۆپاگەندەی چەکڎارانەی فرەیشا بەرەو هەرێمو جۆلەمێرگی و شەمزینانی ڕایۍ کریۍ و یەکینەو ١٨و گوڵانی پڕوپاگەندەی چەکڎارانە بەرەو هەرێمو کەشو وانی لۋۍ. ئا یەرە یەکینۍ پڕۆپاگەندەی چەکڎارانەی بە سوپابیەیشا پۍ ۋېشا کەرڎ ئامانج و ۋەشبیەو هێزەکا چا وەختەنە پېسە کاکڵە و بناغەو ئەرەمەرزناو سوپۍ وە بۍ.

وەلێم پەی ڕای گرڎینی نەئەرەیاونیا. دماتەریچ هێزوو ڕزگاریی کوردستانی (هەرەکە) چا سەرڎەمەنە وەش کریا. ئا گرووپۍ چا مەیدانانە کە هەرمانە کەرێنۍ، بە پاو خەبات و پڕوپاگەندەی چەکدارانەی هەرمانە و چالاکیی کەرێنۍ. دماتەر پەی ڕای گرڎینی ئاشکرا کریا، کە هێزەکۍ یۊشا گێرتەن و جە ڕاو هەڵمەتەو ١٥ تەباخیوە جە بەرگوو هەرەکەینە ڕێکۍ وزیێنۍ. خەباتوو پرۊپاگەندەی چەکدارانەو ڕێکوزیاما، جە ئەنجاموو خەباتوو ساڵەو١٩٨٣، حەرپاسە مانگەو نیسانی و ئایاروو ساڵەو ١٩٨٤ دەنگدانەوەش بۍ. ڕێکوستەی بنەڕەتی، شێوازی بنچینەیی خەباتوو پڕۊپاگەندەی چەکدارانەی بۍ. ڕێکوستەی هێزەکاو پروپاگەندەی چەکدارانەما جە یەرۍ سۍ تیما وەش بیەبۍ. هەر یەکینێوەیچ جە یەرۍ مانگا (یاگۍ مەنەیۊ) وەش بۍ. حەریۊشا فەرماندێوە و یاگەدارێش بێنۍ. پڕوپاگەندەی چەکدارانە یەرۍ هەرمانێش بێنێ؛ یۊ، فاڕایۊ ڕێکوستەی پارتەکەیما پەی دلۍ وەڵاتی، پەی پەڕکەرڎەیۊ ئا هاڵیگا سیاسی-ڕێکوزیاییە دماو کێشیایۊ ئامابۍ ئاراوە. زەمینەسازیی پەی هەلومەرجوو ڕێکوستەی پارتی جە دلۍ وەڵاتینە.

وەشکەرڎەی یاگێوە پەی گەریلای، ئامادەکەرڎەی هەلومەرجی پێویسی پەی دەسپەنەکەرڎەی کۊشیای چەکداری، سازکەرڎەی پەیوەندی چەنی خەڵکی، وەشکەرڎەی یاگۍ مەنەیۊ و بنەداربییەی، کۊکەرڎەیۊ زانیاری هەواڵگێری و دابینکەرڎەی لۊجستی، گێڵای و وشکنای دلۍ وەڵاتیرە، دەسنیشانکەرڎەی ڕا سەرەکی و لاوەکییەکا و هتد.. یەرۍ، سازکەرڎەی هەلومەرجی سەروازی پەی ڕێکوستەی بەرەکا، بەکەرڎەوەکەرڎەی خەباتوو وێیاونای بە جەماوەری و وەشکەرڎەی کاریگەریی سیاسی دلۍ گەلینە. ڕەخسنای هەلومەرجوو کۊکەرڎەیۊ گەلی و ئارڎەیشا پەی دلۍ بەرەو ڕزگاریی نەتەوەیی، پڕوپاگەندە و بانگەشە پەی ئا چالاکییا کە کریا. ئامادەکەرڎەی گەلی پەی دلۍ ڕیزەکاو کۊشیای؛ پێسە هەلومەرجێوە پەی ڕێکوستەی بەرەکا بۍ کایەوە، کە چین و دیمە جیاجیاکاو گلێرگەی بتاوا دلێشنە بەشدارۍ با، ڕێکوستەی ئا پەیوەندییا، کە سازۍ کریێنۍ و هتد. سەرباروو ئانەیە کە ئەرکی سەرەکیی ئەنجامدای چالاکیی چەکداری نەبۍ، وەختێوە فرسەت ڕەخسیۍ، هێزەکاو دوژمنی دلێنە بەرۊ و ئا سیخوڕا سزا بۊ، کە وەرڎەموو وەلیوەلوای شۊڕشینە بێنۍ بە قوسپ. وەلێم ئەرکی سەرەکی، خەباتوو وێجێگیرکەرڎەی و یاگەپاقایمکەرڎەی، ڕێکوستەی و ئامادەکاری بۍ پەی کۊشیای چەکداری. پەی ئانەیە پارتی وەرپەرسبییەی سیاسەتوو ڕزگاری نەتەوەیی بیاونۊ بە گەلی، پاسە کەرۊ، کە گەل چا بوارەنە هۊشیار بۊ و دوژمنی ڕسوا کەرۊ.

سەبەبی زەروورما بە پڕپاگەندەی چەکدارانەی، لوای دلۍ وەڵاتوو پارتەکەیما بە پڕوپاگەندەی چەکدارانە؛ بۊنەو نەبییەی ڕێکوستەی و هەلومەرجەکەی و هێزوو جەنگوو گەریلای بۍ، کە بتاوۊ خەتەو جەنگوو ئێمە ڕاستەوخۊ بیاونۊ یاگۍ. پەوکای جەنگوو گەریلای پێویسییش بە هێزێوە جەماوەری، ڕێکوستەی، یاگۍ و بیناسازی هەن. وەرو ئانەیە بیناسازی و چێرخانش نەبۍ، پڕوپاگەندەی چەکدارانە کریۍ. ئا وەختە زەمینێوە پەی جەنگوو گەریلای و ئەرەپڕای نەبۍ. گەلوو کوردستانی هەڵای پارتەکەیما خاس نەشناسۍ. هۊشیاریی گەلی چێروو دەسەڵاتوو دوژمنینە لاواز بۍ. ناکۊکییەکۍ و ئاستوو ڕێکوستەی بە پاو سەرەورڎاێوە گرڎینی نەبۍ. بۊنەو نەبییەی هەلومەرجوو سەرەورڎای و  پڕوپاگەندەی چەکدارانەی بە گەریلایی، جە خزمەتوو وەڵێوەبەرڎەی جەنگوو گەلینە بەرڎەوام بۍ. چندین ساڵۍ دماتەر بە پڕوپاگەندەی چەکدارانە وەڵیوەلوای کۊشیای چەکداری و وێیاونایپەنەی گەریلای، وەڵێوەلوای گەریلای و ئەرەپڕای گەلی، ڕاش وەرڎەمنە کریاوە. جە ڕووەی سیاسی-رێکوستەیۊ بە تەمامکەرڎەی هەلومەرجی سەروازیی سەرڎەموو پڕوپاگەندەی چەکداری دماییش ئاما و یاگۍ وێش پەی گەریلای جیا ئاستە.

بارەو گرنگیی پڕوپاگەندەی چەکدارانەیۊ مشۊم چند چێوۍ واچمۍ، ڕووسیانە ڕۊنامەی ئیسکرای دەورش هەن؛ ئێمە مزانمۍ، کە ڕۊنامەو ئیسکرای هەم دەوروو ڕێکوستەی، پڕوپاگەندەی و بانگەشەی گێڵنۊ، هەم کۊڵەکێوە پەروەرڎەیچنە؛ لە ڕێکوستەی بۊلشیڤیکینە بەینوو پارتی و جەماوەرینە میانگیر و پرڎەی سەرەکییەنە. گرنگا ئینسان دەوروو پڕوپاگەندەی چەکدارانەو ئێمە کوردستاننە چەنی دەوروو ئیسکرای ڕووسیانە بەراورد  کەرۊ. ئێمە پانەیە ماچمۍ "ئیسکرای ساعیب قاچ". هەم ئەرکوو پەروەرڎەی و هۊشیارکەرڎەیۊ گەلی گێڵنۍ. دیارا کە جە قۊناغی پراتیکنە پڕوپاگەندەی چەکدارانە بە پاو کاریگەریی وێش جووڵیانۊ  و گەشەسانایەکایچ چا خەباتیوە سەرچەمەشا گێرتەن. ئاستوو خۊندەواری و کولتووروو گەلی، پەیوەندیی چەنی گەلی ڕا مەدۊ ئانە ڕووە بدۊ. پەوکای تەنیا یەک ڕا هەنە ئانە بۍ ئاراوە. تەنیا یەک ڕا هەنە، کە ئینسان وێش بیاونۊ بە جەماوەری؛ ئادیچ بەکارئارڎەی ئینسانین. یا هەرمانێوە وچکلێچ بۊ سەروو دەسوو ئینسانیوە بلۊ ڕاوە. ئانۍ کە هەرمانەو پڕوپاگەندەی چەکدارانەیشا کەرڎە، شارەزاتەرین کادرەکاو پارتەکەیمان بێنۍ. پەوکای وەنەپەرسایۊی جیددی جە یۊترینی ڕووە دۍ و کاریگەریچش سەروو قۊناغی ئایندەی بەیەکلاکەرەوە نیێرە. یا ئشیا ئا جەوهەرە خاس  بەکار ئامۍ و ئامێتەو گەلی بیۍ یا سەرکەوتە نەبیۍ چانسوو بەزیندەیی مانەیۊش نەبیۍ. پەوکای پڕوپاگەندەی چەکدارانە پەی وەڵاتی و گەلەکەیما و هەمیچ پەی پارتەکەیما گرنگیێوە فرەش بۍ.

جە ڕاو پڕوپاگەندەی چەکدارانەیۊ سەرنیشتنە، ژمارەمان زیاڎش کەرد، هەرمەیدانێونە کە چەنەش بێنۍ، ئینسان متاوۊ واچۊ ئەیالەتیچ، جە هەرئەیالەتێوەنە ٣٠-٤٠ هامڕۍ بێنۍ. ئیتر بەئاشکرا چەنی دەگانشینا کۊبیەیۊ کریۍ و باسوو چەنیی کۊشیای کریۍ و وەرچەمڕۊشنی دریۍ بە گەلی. کۊڵەکۍ پڕوپاگەندەیما، بابەتەکاو مدرامانیما زیندانوو ئامەدینە بۍ. فرە گرووپۍ شۊڕشگێڵنۍ، کە وێگێری کەرێنۍ، جە ڕاو فاشیزموو ١٢ ئەیلوولیوە بێکاریگەر کریۍ، وەلێم پەکەکە فرە زوو وێش کۊ کەرڎۊ. بڕۍ چا ڕووەوە پڕوپاگەندە کریۍ. باس چانەیە کریۍ، کە هەقەو ئانەیە کریۊوە، جمیەرەکە ئا هێزەشە هەن، کە ئینەیە کەرۊ، چندین ساڵێن وێش ئامادە کەرۊ، وێش پەروەرڎە کەرڎەن، فرسەت و تواناش هەنە، ئانە کە گرنگا ئانەن کە گەلیچ چانەیە بەشدار بۊ، باس چا ئەرک و وەرپەرسبییەیە کریۍ، کە ئشیا خەڵکی گێرتۍ گەرڎەن. باسوو هۊشیاری وەڵاتپارێزنی و هۊشیاریی نەتەوەیی کریۍ. جۊشوخرۊش بۍ، گلێرگە پەڕ جۊشوخرۊش بۍ، هەڵای زیاڎتەر گەرەکش بۍ، پەنەش دڵوەش بۍ. وەلێم هەڵای فرە پەرسێچشا بێنۍ. یوەم جار بۍ ڕووبەڕووۍ ڕێکوستەی و هامڕایاێوە بێنێوە، کە پا ڕاددە پڕ داوۍ و ساعیب ئیدیعۍ با.

 

ئانۍ وەڵتەر ڕووەشا دێبۍ هومێدبەخشۍ نەبێنۍ. وەروو ئانەیە گرڎوو سەررەورڎای و مدرامانەکا بە ستەمکارانە دلێنە بریێبێنۍ و گرڎوو سەرەورڎای و مدرامانێوە چند مانگێوە وێشا گێرتەبۍ، درێژترینشا ساڵێوەش خواینابۍ. درێژەی کێشابوو. پەرسێنۍ شمە، کە ئا پڕوپاگەندەیە پەی ئێمە کەرڎۍ ئایا جە ماوێوە کەمنە شکس نمارڎێ؟ ئەگەر شمە شکس بارڎۍ و دلێنە بشدۍ چ بەڵێوە گەورۍ مۍ ئێمەرە؟ ئاندە حەزۍ و ئیدعێتا هەنۍ، ئاخۊ متاودۍ ئی قۊناغەیە بەرەووەڵۍ بەرڎۍ و گەورەش کەرڎێ؟ ئامای وەروو باسوو پرسیارۍ چانۍ چەنی خەڵکی، پەی ئێمە وەڵیکەوتەێوە گرنگ بۍ. قۊناغوو ئامادەکاری سەروو ئا بنەمێوە بەرەو وەڵۍ لوۍ. ئینسان متاوۊ پیسە قۊناغوو ئامادەکاری ١٥ تەباخی نامێش بنیۊ. ئانە بە کۊنفڕانسوو یوەمی دەسش پەنە کەرد و بە کۊنفڕانسوو دووەمی لایەنە پەروەرڎەییەکەش تەمام کریا و بەهەنگامەی تەرە،  دەس بە ڕێکوستەی گرووپی گولانەی پڕوپاگەندەیی چەکدارانەی کریا.

 

گرووپەکۍ تەرۍ تەڵقینی، وەڵێنیاز، تۊمەتباری و نیگەرانی ساز کەرێنۍ، وەروویۊکەوتەی و ماڵاییۊیرەی ئۍ ئاراوە. دژوو گرڎوو ئا دۊخە نەرێنییانە ڕابەر ئاپۊ بە پێرسپێکتیڤوو وێش کە بەرڎەوام گەشەش دۍ پەنە، بە ڕانمایی، قەرار و پەروەرڎەی هەوڵۍ دۍ، کە بۊ بە جواب و یاوناش بە قۊناغێوە. چێوەکۍ بە گرووپەکاو پڕوپاگەندەی چەکداری دووەبارۍ کریێنێوە. ئشیا ئینسان چالاکیی تاکتیکیی جیاجیێش کەرڎێنۍ و شۊڕشش بەهەمیشەیی کەرڎۍ. هامڕا عەگیدیچ هاگاداروو ئانەیە بۍ. هامڕۍ گێڵناوە جارێوەشا بۊتاننە ملا پەی لاو هامڕاعەگیدی، مدیا کە بەتەنیان و بێتاقەت و وەڕەسا. ماچاش پەنە چی وەڕەسنی، ماچۊ: "بە شێوازوو ئیساتۍ جمیەرەکەی مەتاومۍ هیچ هەنگامێوە پەی وەڵۍ بنیەیمۍ. ڕۊنە وێما نیشانەو کەسی مەدەیمۍ، شەوێچنە بەدزیوە ملمۍ دەگایەکا یا یانێوە، دووۍ یان یەرۍ بنەیانۍ وینمۍ. پا نائاسوودەییوە نە متاومۍ باسوو وێما کەرمۍ، نە ئادێچ ئێمە یاوامانە.

پێسە و پی کۊشیایە هیچ مەلمۍ وەڵێوە". سەروو ئانەیە هامڕۍ قسەوباس کەرا. هامڕا عەگید ماچۊ: "وەڵێنیاز و ویرۊکەرڎەی من ئانەن کە دەستبەرڎارۍ ئی بەزمەیە بیمۍ، هێزەکاما یۊ وزمۍ، پەی نموونە؛ دەیمۍ وەنەو یاگێوە پێسە قلەبانی ڕوێنە پەی ماوە و چند سەعاتێوە پاسە کەرمۍ، کە چێروو کۊنتڕۊڵیمانە بۊ و گورز وەنەو دوژمنی شانمۍ. پێسە متمانۍ پەی جمیەرەکەی پەیدا بۊ و هەم وەڵاتپاڕێزنیچ زیاڎتەر بۊ. کەسەکۍ وێشا یاونا لاو جمیەرەکەی و باڵادەسۍ بیمۍ. تەنیا چا وەختانە، کە بەڕاسی متاومۍ قۊناغێوە دەس پەنە کەرمێ". هامڕا عەگید ئا وەختە چێوێوە چینە ماچۊ. غەڵەت نەبوو ئانە کریۊ بە ڕاپۊرتە و ڕوانەی جمیەری کریۊ. دووۍ مانگۍ دماتەر جمیەر دۊخەکەی ورسەنگنۊ و قەرار مدۊ هەڵمەتەو ١٥ تەباخی دەس پەنە کەرۊ.

ڕابەر ئاپۊ بەرڎەوام بە ئێمە واچێ: "ئینسان تاوۍ هەڵمەتەو ١٥ تەباخی زووتەر کەرۊ. ئەگەر ورسەنگنای قۊناغوو پانیشتی خاس کریابێی، ئینسان تاوۍ چند مانگێوە، تەنانەت ساڵێوە زووتەر دەسش بە هەڵمەتەو ١٥ ئابی کەرڎۍ. وەلێم ئا وادە دیاریما کەرد دلێڕاسەو ساڵەو ١٩٨٤ یان دلێڕاسەو فەسڵوو هامنی بۍ. ورسەنگنای کریا، کە وەڵیوەلوای پڕپاگەندەی چەکدارانەی ڕاش وەشە کەرڎێنە، دۊخوو ڕێکوستەی و خێرامای خەڵکی چا قۊناغەنە چەنینا. ورسەنگنای پەی پەرەسانایەکا تورکیانە، کوردستاننە و مەنتێقەکەنە کریا. بە پاو ئامادەکارییەکاو وەرڎەسی، میاوا ئا ئەنجامەیە، کە ئینسان دەس بە هەڵمەتێوە تارێخیۍ کەرۊ.

وەختۍ زانیاریما یاوا پەنە، من و هامڕا عەگید پێوە بێنمۍ. وەڵێنیازوو ئێمە ئانەبۍ کە دەس گێرمۍ ملوو قلەبانیرە. هامڕۍ هەمان وەختنە یەرۍ شۊنۍ تەریچشا دەسنیشانۍ کەرڎۍ. یۊشا دهۍ بۍ، یۊشا شەمزینان، ئەوی تەریچ شاخ بۍ. دهۍ دوور بۍ جە سنووریوە. سەبەبوو ئانەیە بارەو دهێوە قەرار دریا ئانە بۍ، کە ئێمە تواناو دەسپەنەکەرڎەی هەڵمەتۍ و ڕاوەبەرڎەی چالاکی جە شۊنۍ چانۍ قووڵایینە و دلێوە نیشانە بدەیمۍ. حەرپاسە یارایبەخشای بە گەلی، وستەی وەڵۍ هەزاران وەڵاتپارێزنا، پەی سازکەرڎەی فشارێوە دەروونی چا نۊعەیە سەروو دوژمنی، گرنگ بۍ. پەوکای مانگەو ئایاروو ١٩٨٣ وەراوەر بە پانیشتوو کوردستانی دەس بە جموجووڵی ئەرەگیرییانە کریابۍ. بەهانێچ پەی ئا کاتییە ئانۍ بۍ، کە ڕێکوزیایە تیرۊریستییە جیاوازەکۍ سەروو سنوورێوە تەراتانی کەرا و نمازا بژیومۍ و هتد.

مشۊم ئانە وزیۊ ڕووە، کە ئا ئۊپراسیۊنە ساڵەو ١٩٨٣ دەسس پەنە کریابۍ، بە بڕۍ گورزۍ پووچەڵ کریاوە. مەبەستما ئانەن، کە ئا هەنگامۍ نەک سەروو سنووریوە بەڵکوم ئەگەر دلێنە و جە قووڵایی مەنتێقەکەینە، جە شۊنێوە پێسە ئەروحینە کریۊ، کاریگەریی سەروو دوژمنیوە ساز کەرۊ. دوژمن پاسە ویرۍ کەرۊوە، کە ئادۍ مەنتێقەکاو دلێنە وێشا ڕێک وستەن، بناغەشا هەن، پەیوەندییشا چەنی خەڵکی هەن، شۊنیشا هەنە، ئامادەکارییشا هەن. چا ئاستەنە دەسشا بە جەنگی کەرڎەن. ئانە کاریگەریی کەرۍ سەروو دوژمنی. حەرپاسە چاتاکیش کاریگەرییوە هامشێوەش وەش کەرد. شەمزینان بڕێو جیاوازتەر بۍ. شەمزیناننە وەڵاتپارێزنی قەوەت بۍ، بوو، حەرچند وەڵتەر بڕۍ کەموکوڵێی بێنۍ، وەلێم بڕۍ وەڵاتپارێزنیۍ ئشناسیۍ و پەیوەندیێچ بێنۍ. چالاکی شەمزیناننە تاوۍ جە زاگرۊسنە کە ئێمە پەنەش ماچمۍ یەرەگوچکە، کاریگەرییش ساز کەرڎۍ. چی مەعنێنە ئا هەرێمۍ پێسە دەسنیشانۍ کریێبێنۍ. پێسە بە  ئامانج ورچنیێبێنۍ. ئانە جە ڕووەی ستراتیژیچۊ ڕاس بۍ. وەروو ئانەی ئەگەر پێسە نەبیۍ دوژمن پڕوپاگەندەو ئانەیە کەرۍ و بڕۍ چێوۍ واچۍ، پێسە ئانەیە جبەرۊ ئامێنۍ و چند گولـلێوەشا تەقنێنۍ و لوێنۍ، یانۍ جە قورسایی و گرنگیی جمیەرەکەیشا کەم کەرڎۊ.

فەرمانڎەو یەکینەو ١٤ تەموزی پۍ پڕوپاگەنڎەو چەکڎاری هاموەخت ۋەرپەرسو هەڤاڵاو دلۍ ۋڵاتی، هەڤاڵ عەگید بۍ. ئاڎ پلانەی نهېنیە ئاماڎەکەرۍ. هەڤاڵ عەگید جە بۊتان-دهۍ بەچرڕی سەرقاڵ و ئاماڎەکاری بۍ. ڕوانە کادرەکا پۍ ئا مەبەسیە ئاماڎەکەرۍ. چۋارچېوەو قورسایی چالاکیەی بە شکڵۍ ۋەرفراوان پۍ شەڕڤانو کادرەکا کە بەشڎاری چا چالاکیەنە کەرېنۍ، وزۍ ڕووە. حەرپاسە قۊناغېوە ئاماڎەکاری ڕۊحی و دەرونیچ بۍ. جە ڕوو مەیدانیچۊ گېڵای و چەمڎاری، هەواڵگیری، جوگرافیا،بارەگا،ئا مېڎانۍ کە دماو چالاکیەکا پېش کیشیەیمېوە و هتد، جە بارەشاوە ئاماڎەکاری کریۍ. بڕۍ جارۍ جە میانەو قسەکانە گاڵتەو کەپ کەرېنمۍ. واچېنمۍ گیاپ نامڎارا. ڤېتنام بە یەکینېوە پڕوپاگەنڎەی چەکڎاری ٣٤ کەسی دەسش بە کۊشیای کەرڎ. دژوو ئەمریکای، ژاپۆنی و فەرەنسیەکۍ بناغەو کۊشیایۍ ٣٠-٤٠ ساڵەیشا نیارە. گیپ کەسێوە بڕۍ باڵا کوڵ و خڕ بۍ. هەڤاڵ عەگیدیچ جە رووی جەسەییوە بڕۍ چایی شۍ. بە هەڤاڵ عەگیدیما ۋات ئانەی گیاپ کەرڎش شمەیچ کەرڎېش. هەڤاڵ عەگید جە جۆش و خرۆش، ۋەرپرسیاری و جدیبیەیۍ قووڵەنەبۍ. وەختۍ پۍ دما جاری خوا حافیزیما چنەکەرڎ پا جۆرە خواحافیزیما کەرڎ. هجومەکەو دهۍ جە ٣٤ کەسا پێکناما، بەڵکم نزیک چا ژمارەیە پێکئاما. فەرمانڎە و یەکینەو ٢١و ئاداری پڕۆپاگەندەی چەکدارانەی هەڤاڵ عەبدوڵا ئەکینجی جە هەمان ڕۊ و هەمان سەعاتەنە هجومو شەمزینانیش بە سەرکەوتەیی ئەنجامدا. یەکینەو ١٨و ئایاری پرۆپاگەندەی چەکڎاری نەتاواش چالاکیەکەو کەشی ئەنجام بڎۊ. فەرمانڎەو یەکینەکەی تەرزی جەمال بۍ. بە بەهانۍ جیاجیا ۋاتەبېش کە نەکریا، نەتاۋاشا چالاکییەکەی کەرا. جە ئاکامو هجومو یەکینەو ١٤و تەمووزی پرۆپاگەندەی چەکڎارانەی پۍ سەرو دهۍ و هجومو یەکینەو ٢١و ئاداری پڕۆپاگەندەی چەکڎارانەی پۍ سەرو شەمزینانی هێزو رزگاری کوردسانی (هەرەکە) ئەرەیاۋیا. چالاکییەکۍ کە گورزەی قورسەشا جە هێزە قڕکەر-کۆلۆنیالیستەکا دا و پڕوپاگەنڎەشا دلۍ گەلینە ۋەڵاکەرڎۊ، جە گرڎ مېڎانېنە کاریگەری گۊرەشا جیائاست. هەڤاڵەکۍ باس کەرېنۍ، کە ڕابەر ئاپۆ شەۋەو چالاکیەکەی تا ئا وەختەی زانیاریش هۊرگېرتەن، دلۍ ۋیرکەرڎەیۊ و نیگەرانینە بیەن و وەختۍ زانانش کە چالاکیەکە سەرکۊتە بیەن، هەناسېوە قووڵش هۊرکېشان و ۋاتەنش، ئێمە سەرکۊتیمۍ. 'ئێمە سەرکۊتیمۍ' قسۍ هەڤاڵ خەیرینە، وەختۍ جە زینڎانو ئامەڎی قەرارو ڕۊچۍ مەرڎەیشا دابۍ ئا قسېشە کەرڎېبۍ، ئیجارە جە ڕاو هەڵمەتەو ١٥و تەباخیۊ ئا قسۍ پڕېبێوە پۍ کەشەکا. ئاڵاو مدرامانەکەی ئیتر جە لوتکەو کەشەکانە شۊکیېوە. ۋېش جە ۋېشەنە ئاماڎەکارییەکۍ چالاکی ١٥و تەباخی سەرو رۆحو مدرامانو ١٤و تەمووزی و مدرامانو مەزڵومی و چوارەکا ۋەڵۍ وزیا. ۋەرو ئانەی ئا ئاڵۍ سەرکۊتەی و مدرامانەو زینڎانی کە ئا ئەرک و ۋەرپرسیارییەشا ۋەردەمو تاریخی و گلېرگەینە بە شکۆ و سەرکۊتەی گۊرە یاۋنا ئەنجام، ئیتر جە لوتکەو کەشەکانە شۊکیېۋە. چی روۊ ١٥و ئابو ١٩٨٤ پەڕېوە تازەش جە تاریخو کوردسانینە هۊرداوە و بی بە سەرەتېوە تازە.

ڕابەر ئاپۆ سەرکۊتەی هەڵمەتەو ١٥و تەباخیش تەنیا بە کۊشیای چەکڎارییوە سنووردار نەکەرد، ۋەردەوام هەڵۋېسەش سەرکەرۍ و هۊرش سەنگنا.ۋەردەوام گرنگی بە پیمەرە ئایدۆلۆژی، سیاسی و ستراتیژیەکا دلۍ پراتیک، تاکتیکەکەینە، دەرفەتەکۍ کە جە پەیوەنڎی میان نەتەوەیینە بەرکۊتۍ، کاریگەریش سەرو دوژمنی و ئاستو کاریگەرییەکەیش سەرو گلېرگەی بە پێرسپێکتیڤی تاریخی هۊرسەنگنا. دماو ١٥و تەباخی حیچ چېۋۍ پېسە ۋەڵتەری نەبۍ. دوژمن بە توڕەیېوە فرۊ هۊرشکوا سەرو جمیەرەکەیما. ئا ۋەختە واچېنۍ عمرشا تەنیا یەک ڕۊن، جە ٧٢ سەعاتېنە دمایشا پنەمارمۍ، دمایشا پنە ئامان و تەوقە دریېنۍ. پی جۆرە فشاری دەرونی ساز کەرۍ و بەراسیچ گرڎو هێزو ۋېش ئاماڎە کەرڎەبۍ و بڕۍ ئیلهامیچ جە تاریخیۊ هۊرگېرۍ و پا قورسایۊ جمېوە. بەڵام وەختۍ ۋیناش ئاژەکە پا جۊرە نیا، ئی جارە جدیبۍ و مەترسی ئاژەکەیش ۋینا. بە پاو ئانەی دەسش بە سیاسەتی و ئاماڎەکاری کەرڎ.

دماو ١٥و تەباخی دوژمن چن حەفتېوە حیچ کاروەدایېش نیشانە نەڎا. بەڵام جمیەری شۆڕشگێڵیچ بێ تەجروبەبۍ و هەڵمەتەش سەرو هەڵمەتەکۍ ئەنجام نەڎا. هەڤاڵەکېما چەمەڕاو ئانەی بېنۍ کە ئاخۆ دوژمن چنی مۍ سەرما، بە وریایی جمېنێوە. دوژمنیچ بە نیگەرانیش چانەی کە دماو ئا هەڵمەتە تاریخیۍ هجومەکۍ چنی با، نە جمېوە. ئا ئاژە فرەش خواینا.

گەل عال ئا قۆناغۍ هۊرسەنگنۍ. بڕېشا بە هەڤاڵا واچېنۍ کە ئاخېز مېنە ئاراوە. پا سەروازا کە لۋېنۍ دەگایەکاشا واچېنۍ هەڤاڵۍ ئینۍ چۍ شمە چی ئامېندۍ، خېرا سەروازەکۍ گېڵېنۍ. گروپێوە جە هەڤاڵا باشو ئانەی گېڵنېنۍ؛ ۋېرەگاو ١٥و تەباخی جە زۆزانەکا لۋۍ لاو کۆچەریەکا و گرڎشا ۋەرو ڕۊشنایی چراوېنە کۆکەرڎېوە. ئامارە و زانیاری ١٥و تەباخیشا پۍ ژەن و پیای و گەنجا ۋەنابېوە.کە بی بی سی هەواڵەکەش ۋەنابېوە خەڵک جە دهۍ و شەمزینان بە هەلهەلە و هۊرپڕای پێشوازییشا ۋنەکەرڎەبۍ. کاریگەریی و جۆش وخرۆشۍ گۊرە لاو گەلیۊ ۋەشبیەبۍ. ئانەی گرنگ بۍ ئانەبۍ کە ئینسان ئا هەڵمەتۍ بڕۍ ۋەڵۍ وزۊ و کەردېش بە هەمیشەیی.

بڕۍ جە بارەو ١٥و تەباخیۊ واچېنۍ ئەوەڵ گولۍ کە تەقیا. بڕۍ واچېنۍ سەرەتاو ئاخېزین جە کوردسانەنە. بڕۍ واچېنۍ دیوارو تەرسۍ وڕا، بڕۍ واچېنۍ وڕای قەرەقۆلەکا دلۍ مەژگین. گرڎیچ راسۍ بېنۍ. دوژمنیچ ئیتر زانابېش کە چ هەڵمەتێوەنە، پارتیما گەرەکشا چېش کەرۊ و ئاماڎەکاری ۋېشا نەک کوڵ مەودا بەڵکم درێژمەودا کەرڎ. ستراتیجو ئا وەختیما جەنگو گەلی درێژمەودای بۍ. ئینە سەرەتابۍ. هەلومەرجو کوردسانی جیاواز بۍ. پېسە ئاخېزو کوبای نەبۍ کە جە دۋۍ ساڵېنە یاۋا ئەنجام. جە ۋەران ۋەرو وڵاڎپارێزی ڤێتنامینە، ئا کەسایەتیەی کە دوژمن جە کوردسانەنە ۋەشش کەرڎەبۍ، تاۋنایۊ کولتوری و تێکەڵ کەرڎەی فرە جیاواز بۍ. حەجگیز پېسە چینیچ نەبۍ. هەلومەرج و تایبەتمەنڎی ئاخېزو کوردسانی جیاوازتەرېنۍ، تایبەتمەنڎی گرنگو تایبەڎ بە ۋېش، قورسایی تایبەڎ بە ۋېش بۍ. ۋېش جە ۋېشەنە گرنگی گۊرەیچش چېوە سەرچەمە گېرۊ و هەڵایچ ۋەردەواما.

س . ز / هـ . ش