قەسەدە: هرووژمێوە ئاسمانینە ٥ جەنگەوانێما گەشمەرڎۍ بیۍ
قەسەدە ئەرەیاۋناش دۆڵەتو ئەرەگیرو تورکی هرووژمە ئاسمانییەکێش پەی سەرو هەرێمەکەی زیاتەرۍ کەردێنۍ. چی هرووژمانە ٥ جەنگەوانۍ قەسەدەی گەشمەرڎۍ بیۍ.
ناوەندو ئارەیاۋنای هێزەکاو سوریای دیموکراتیکی (قەسەدە)ی ئەرەیاۋناش دماو ئانەی هرووژمو چەتەکا پەی سەرو بەنداوو تشرینی و دەوروبەری جە پانیشتوو کۆبانێنە مەڕیا، دۆڵەتو ئەرەگیرو تورکی و چەتەکێش هرووژمەکێشا پەی سەرو هەرێمو سەرنیشتی و ۋەرکۊتوو سوریای زیاتەرۍ کەردێنۍ.
ناوەندەکە ئەرەیاۋناش جە ئاکامو هرووژمە ئاسمانی و زەمینییەکانە، ٥ جەنگەوانۍ قەسەدەی گەشمەرڎۍ بیێنۍ.
جە ئەرەیاۋناکەینە ئامان: "دماو ئانەی هێزەکێما هرووژمەکۍ دۆڵەتو ئەرەگیرو تورکیشا پەی سەرو بەنداوو تشرینی جە دووۍ قۆڵێوە ماڕا، دەیان چەتێشا کوشتۍ و چڼین تانک و زرێپۆشێشا دلێنە بەردۍ، ئەرەگیرەکۍ هرووژمە ئاسمانی و زەمینییەکێشا پەی سەرو هەرێمەکەی زیاتەرۍ کەردۍ، جە ئاکامەنە ٥ جەنگەوانێما گەشمەرڎۍ بیۍ".
