مییانو ئەرەیاوناو قەسەدەی ئامارەو ٢٤ سەعاتا دماین هرووژمە ئەرەگیرییەکا دۆڵەتو تورکی و چەتەکاش و مڏرامانو جەنگاوەراش وەڵاکەردۆ.

جە ئەرەیاوناکەینە دەستنیشان کریان هێزەکا قەسەدەی هیزی هرووژمشو سەرو سردەو قەرەقۆزاقی و دەوروبەرو بەنداو تشرینیشا دلێنە بەردەن و ئامان: "فڕۆکە جەنگییەکێ دۆڵەتو تورکی ئەرەگیری ڕیزە هرووژمێشا جە دەوروبەرو بەنداو تشرینی ئەنجامدان. هامکاتەنە دەگاکا دەوروبەرو بەنداو تشرینیشا بۆمبواران کەردە.

چەتەکێ سەعات ١٧:٠٠ هرووژمشا پەی  سەرو نوقتێوە جەنگاوەراما ئەنجامدان. جە ئەنجامەنە وەرو جوابدایۆ جەنگاوەرەکاما کەوتێ و جەنگێوە قورس ئاما ئاراوە. جە ئەنجامەنە کوشتەی و زامڏاربییەی جە چەتەکا کەوتۆ، بەڵام ژمارەشا نەزانریان."

جە بەردەوامی ئەرەیاوناکەینە ئامان: "فڕۆکەی جەنگی دۆڵەتو تورکی دەگاکا تینا، خەسەق و مەلحای دەوروبەرو سردەو قەرەقۆزاقیشا بۆمبواران کەرد. زیاڏ جە ٣٠ تۆپا وەرو دەگاکا تینا، جادە، بیر حسۆ، خەسەق، دیکان، مەلحا، سنا، گردی سێڤە و قەرەقۆزاقی کەوتەن. جە ئەنجامەنە زەرەرێ گۆرە وەرو موڵک و یانەو هاموڵاتیا مەدەنی کەوتەن."

ماچۆ: "جە دەوربەرو سردەو قەرەقۆزاقینە بەینو جەنگاوەراما  و چەتەکانە جەنگ وەش بییەن. جە ئەنجامەنە ژمارێوە فرە جە چەتەکا کوشیێنێ و زامڏارێ بیێنێ، بەڵام ژمارەشا نەزانیان."

وستەیرە وارو درۆنێوە وێ کوشی

جە بەردەوامی ئەرەیاوناکەی ئاماژە بە وستەیرە وارەو درۆنێوە وێ کوشی دۆڵەتو تورکی ئەرەگیری کریان و ماچۆ: "جە بەرەو دێر حافری چا کاتەنە درۆنێوە وێ کوشی جە هەوڵو هرووشمکەردەینە بی سەرو خاڵێوە جەنگاوەراما، جە لایەنو جەنگاوەراوە وزیارە وار."

جە دماین و ئەرەیاوناکەینە ئاماژە بە جموجوڵو بەردەوامی فڕۆکەو جەنگی دۆڵەتو تورکی کریان جە ئاسمانو  کۆبانێ و عەین عیسای.