ئارۆ کۆنگرێوی ڕۆنامەوانینە قسەکەری ڕسمیی یەنەکەی سەعدی ئەحمەد پیرە باسش جە ڕاگێرییەکاو وەردەموو ورچنیەیی پەرلەمانو کوردستانینە کەرد و واتش: " پەدەکە تاکە ڕاگێرا جە ورچنیەیی پەرلەمانوو هەرێموو کوردستانینە. بەڵام دێر بۆ یا زوو مشۆم ئا ورچنیەیە بکریۆ، پەدەکەیچ حەرچند هەوڵێ دماوستەیش بدۆنێ حێچ سەوز نمەکەرۆ تەنیا، نمایشێوا پەی ڕای گردینی، بەڵام تا زووا ورچنیەی بکریۆ پەی متمانێ هەرێمی خاستەرارێ."

قسەکەروو یەنەکەی جەختیچش کەردۆ، کە پێسەو یەنەکەی نییەنێ چەنی دماوستەی ورچنیەی، یەنەکە پەی دماوستەی ورچنیەی نە پەیام ورمگێرا، نە ئامادێچنێ کوێ باوە.

واوەی سەعدی ئەحمەد پیرە دەربارەو دۆخوو کەرکوکی واتش: " مشۆم گردوو لایەنە سیاسییەکاو کەرکووکی سەروو پارێزگارێو ڕێکێ بگنانێ. قبووڵ نمەکریۆ لایەنێو کە کورسیێ کەمێش با ڕا گێرۆ جە نیایرەی پارێزگاروو کەرکوکینە".