هامسەرۆکو دەم پارتی ئامەدی عەباس شاهین ئاماژەش پانەیەدا کە مشۆم هرووژمەکێ دۆڵەتو تورکی چەتەکێ سوپاو نیشتیمانیی سووریای (SNA) سەرو وەرنیشتی بە تەمامەتی مدریانە و واتش: "هرووژمەکا قەبوڵ نمەکەرمێ".
هامسەرۆکو دەم پارتی ئامەدی عەباس شاهین پەی ئاژانسو هەواڵو فوراتی (ANF) قسێش کەردێ. شاهین ئاماژەش پانەیە کەرد کە سیاسەتەکێ سەساڵەی سەرو بنەماو نکۆڵی کەردەی و تاونایۆ گەلو کوردی ملۆڕاوە. شاهین ئانەش یاڏوستیمێ کە ڕژێمو بەعسی مرۆڤکوژو دووژمنو کوردی نەمەنێنێ و ئاماژەش پانەیە کەرد کە پەنەوازا چانەیە وانێوە هۆرگێرمێنە.
هرووژمەکێ سەرو دەسکەوتەکێ کوردا
شاهین ئاماژەش پانەیە کەرد کە سیاسەتو دەسەڵاتداری تورکی جە دژو گەلو کوردی ملۆڕاوە و واتش: "دەستکەوتەکێ کوردی جە وەرنیشتەنە نیگەرانش کەردێنێ. وەرو ئانەی هەوڵ مرانە جە ڕاو چەتەکاوە جە سووریانە دەسەڵاتو وێشا پێک بارانە. تورکیا پەی دلێنە بەردەی دەسکەوتەکێ گەلو کوردی جە وەرنیشتەنە هرووژمێ کەرۆنە. نەک تەنیا بە چەتەکا بەڵکووم بە فرۆکەی جەنگیش هرووژم مکەرۆ. ئی هرووژمێ کە یاسا مییانەتەوەییەکا پاشێل مکەرا، بە حیچ جۆرێ قبوڵکراوێ نییەنێ. تورکیا جە ڕاو هەتەشەیۆ پەی دلێنە بەردەی کوردا فشار بەکار مارۆنە. وێشش خاس زانۆنە کە ئینە ڕاس نییا. دۆڵەت زانۆنە کڕێڵو چارەسەری ئێژا ئۆجالانا".
گەلو کوردی پەی شمە دەس جە دەسکەوتەکاش هۆر مەگێرۆنە
جە درێژەو قسەکاشەنە ئاماژەش پانەیە کەرد کە ئا سیستەمە کورد جە وەرنیشتەنە بونیاتش نییان نەک تەنها پەی وەرنیشتی بەڵکوم مۆدێلێکە پەی تەمەو جەهانینو و واتش: "هێزە مییاننەتەوەییەکێ ئی مۆدێلەیە وینانە، ماچانە تورکیا مشۆم سەرنجش دۆنە. مشۆم تورکیا چنی کوردی ڕێک گنۆنە. یاگێنە کە ئاشتیێ شکۆمەندانە نەبۆنە گرڏ کاتێ سیاسەتو سەپنای ملۆڕاوە. ئینەما جە ڕێژمو بەعسو سەدامی وینا. پەنەوازا تورکیا ئینەیە وینۆنە. پەنەوازا زانریۆ کە گەلو کوردی بە حیچ جۆرێ دەس جە دەسکەوتەکاش هۆرمەگێرۆنە".
