شاندو دەم پارتی چنی مەهەپەی کۊبیۆ
شاندو پارتو یەکسانی و دیموکراسی گەلا (دەم پارتی) جە چوارچێوەو بانگەوازە تاریخیەکەو ٢٧ شوباتو ڕابەر ئاپۆینە چنی پارتو جمېیەری نەتەوەپەرسی (مەهەپە)ی کوۍ بیێوە.
شاندو دەم پارتی چی حەفتەی دماینە چنی چنین پارتا سیاسی کوێبیێوە و چەمپنەکۊتەیش کەردەن، چا چوارچێوەنە ئارۆ چنی مەهەپەی ئینا گلێرۆبیەینە.
شاندو دەم پارتی پێکئامان جە؛ هامسەرۆکا دەم پارتی تولای حاتەم ئۆغوللاریە و تونجەر باقرخان، یاگەگیرو سەرۆکو پەڕلەمانی سری سوورەیا ئۆندەر و سەرۆکفراکسیۆنەو دەم پارتی گوڵستان کلچ کۆچیگیتە.
گلېرۆبیەکەی جە پەڕلەمانەنە ئەنجام دریا و شاندەکە جە لایەنو یاگەگیرو سەرۆکو گرڎیی مەهەپەی سەمیح یالچن، یاگەگیرو سەرۆکو گرڎیی پەی هەرمانوکارەکا هۊرچنیەی و ۋەرپرسیارو یاسایی فەدی یلدز و یاگەگیرو سەرۆکو گرڎیی ئیسماعیل فاروق ئاکسویۆ پێشوازیشا ۋنە کریا. شاندەکە کە ئینۍ تەلارەو گلېرۆبیەکەینە، چەمەڕا مکریۆ دماو گلېرۆبیەکەی جە کۆنگرێوە ڕۆنامەوانیینە ئەرەیاۋنێوە هامبەش بڎریۆ.
