دمانیمەڕۆو ئارۆی شاروو سلێمانیینە، ناوەندوو ڕۆشنویریی جەمال عیرفانینە، مەراسیموو ئشناسای پەی کتێبوو "تارێخوو جمیەروو وەرگێریی کوردی وەراوەروو ئەرەگیریی کوردستان" نویستەی مامۆسا ئەحمەد عەلی هەورامی بە ئامادەبییەی چندین نویسەر و ڕۆشنویر و هاموەڵاتا لوا ڕاوە.  

ئەوەڵوو مەراسیمەکەی بە دەیەقێو مردای پەی گیانی پاکوو گەشمەرداو ڕاو ئازادیی دەسش پەنە کەرد.  

دماتەر نویسەر ئەحمەد عەلی هەورامی باسوو دلێنەو کتێبەکەیش کەرد و واتش: "بابەتوو دلێ کتێبەکەی گرنگا، پەوکای پێویسا گرد لایێ هاگادارێ تاریخوو ئەرەگیرکارییەکا بیمێ، کە ملوو کوردیرە ئامێنێ، تارێخ پەنەما ماچۆ داردەسیی بەشێوە جە دەسەڵاتە کوردییەکا چەنی ڕاوەشکەر بییەن پەی ئا ئەرەگیرییا ملوو کوردیرە ئامێنێ."

هەرپاسە ئاماژەش پانەیچە دا کە گرنگیی ئی ئەم کتێبەیە پێسەن سەرچەمێوە پەی وانایۆ بارودۆخوو کوردستانی گرنگا و پێویسا نویسەرێ و ڕۆشنویرێ هاگادارێ دلێنەو کتێبەکەی با.

ئاخروو مەراسیمەکەیۆ کتێبەکە پێشکەشوو ئامادەبیا کریا بە ئیمزاو نویسەریوە.