ئەمسترداموو هۆڵنداینە بۆنەو ٨و مارسی ڕۊو جەهانی ژەناوە ڕاپیمایۍ سازکریا. سەڎان ژەنۍ بەشداریشا جە ڕاپیماکەینە کەرد، کە جە تەرەفوو پلاتفۆرمی جیاجیاو ژەناوە رێکوزیابۍ.  جە ڕاپیماکەینە لافیتەو "بە ژەنی، ژیۋای، ئازاڎییوە بەرەو ئاخێزوو ژەنۍ" هۊردریابۍ.

ئا ژەنۍ کە جە نەتەوە جیاجیاکانە کوۍ بیێبێنێوە و فرەو وەختی دروشمەو "ژەنی، ژیۋای، ئازاڎیی" واچێنێوە. جە ڕاپیماکەینە ئا ژەنۍ وێنەکاو یەرۍ جە ژەنە شۆڕشگێڵنەکاشا بەرزکەردۆ کە دەووڵەتوو ئێرانی سزاو قەنارەیش سەرەرە سەپنێنۍ و داواو ئازاڎکەردەی ئا ژەنا کریا.

دماو ڕاپیماکەی ئەرەیاۋنێوە ۋنیاوە و چنەشەنە داواو ۋەرفراوانکەردەی کۊشیای هامبەشوو ژەنا جە دژوو سیستموو دەوڵەتوو پیای کریا کە رەنجوو ژەنا پاشێل کەرۆ و چەوەسنۊشاوە.