ڕوانگەی سوری پەی مافەکا مرۆڤو سوریای (سۆهر) ئەرەیاوناش جە ئاکامو جەنگو سوەیدای و هرووژمەکا ئیسرائیلینە پەی سەرو دیمەشقی، جە ١٣و تەمموزیوە، ٩٤٠ کەسې کوشیێنې.

بەپاو سۆهری، جە کۆمکوژییەکا ناوچەو سەحوا بەڵتاو سوەیداینە ١٩ هاموڵاتیې مەدەنی کوشیێنې.

جە ئەرەنیشتا سوەیداینە ٤٠٦ کەسې کوشیێنې، دلېشانە ٨٠ مەدەنیې و ٤ ژەنې و ٤ زاوڵې هەنې.

١٨ ئەندامې هۆزەکا، ٣٣٠ ئەندامې وەزارەتو ۋەرگیری و ئاسایشو گرڎیی کوشیېنې.

جە هرووژمەکا ئیسرائیلینە پەی سەرو دیمەشقی، ١٥ ئەندامې وەزارەتو ۋەرگیری و دلېینەی کوشیێنې.

جە بۆمبوارانو ئیسرائیلینە پەی سەرو باڵەخانەو وەزارەتو ۋەرگیری، ٣ کەسې کوشیێنې و یۆشا ژەنینە.

جە کاتو ڕووماڵکەردەی جەنگەکەو سوەیداینە، ڕۆنامەنوویسێوە کوشیان.