شەرقولئەوسەت: بارزانی پەی دماوستەی هۊرچنیەی ئینا ئێران
رۆنامەو شەرقوڵئەوسەتی وەڵاش کەردۆ، کە سەرۋنەداکەو سەرۆکوو هەرێموو کوردسانی نێجیرڤان بارزانی پەی ئێرانی حۊڵێوەنە پەی دما وستەی هۊرچنیەو پەرلەمانوو هەرێمی.
سەرۋنەدای نێجیرڤان بارزانی پەی ئێرانی هېزی ٥و ئایاری دەسشپنەکەرد. رۆنامەو شەرقولئەوسەتی وەڵاش کەردۆ کە بارزانی پەی ئانەی داوا جە کاربەدەسا ئێرانی بکەرۆ فشار وزا سەروو یۊبیەی نیشتمانیی کوردسانی (یەنەکە) تا رازی بۆ بە دماوستەو هۊرچنیەو پەرلەمانوو هەرێموو کوردسانی، سەردای ئێرانیش کەردەن.
پەدەکە دماو قەرارەکەو دادگاو فیدڕاڵی عێراقی جە بارەو هۊرچنیەو پەرلەمانوو کوردسانی و ناستەی ١١ کورسی کۆتای و لووای ڕاوە بە شێوەی فرەبازنەیی، قەرارش دا هۊرچنیەکەو ١٠و حوزەیرانوو ٢٠٢٤ بایکۆت بکەرۆ.
نێجیرڤانی بارزانی چن ڕووۍ چێوەڵتەر سەردای بەغڎایچش کەردەبۍ و پەی دما وستەو هۊرچنیەو پەرلەمانوو هەڕێموو کوردسانی چنی کاربەدەسا بەغڎای کۊبیەبێوە.
باس چانەی مکریۆ کە نێجیرڤان بارزانی جە پرسوو دماوستەو هۊرچنیەینە کاربەدەساو عێراقیش قایلۍ کەردێنۍ.
