جەنگەوانا قەسەدە، یەپەگەی و یەپەژەی دژو هرووژمەکا دۆڵەتو تورکی و چەتەکاش ئینۍ مڎرامانەنە و بەنداوو تشرینی پارێزنا. جەنگەوانا بەنداوەکەی ورەشا بەرزا و بە شێوێوە ئازایانە و قارەمانانە ۋێڕاگری مکەرا.

باز عەرەب یۆن جە جەنگەوانا بەنداوو تشرینی و سەبارەت بە مڎرامانی قارەمانانە جە بەنداوەکەنە قسێش پەی ئاژانسوو هەواڵوو فوراتی (ANF)ی کەردۍ.

چەتەکۍ بە پاڵپەشتی فڕۆکەی هرووژم مکەرا

شەڕڤان باز عەرەب باسش چانەی کەرڎ چەتەکۍ بە پاڵپەشتی فڕۆکەکا دۆڵەتو تورکی هرووژم مکەرا و واتش، "دۆڵەتو تورکی ئەرەگیری چنی چەتەکاش هرووژم مکەرۆ سەرو بەنداوەکەی و جە ڕاو فڕۆکەی بێ فڕۆکەوانیۆ پاڵپەشتی چا چەتا مکەرۆ. جەنگەوانا بەنداوو تشرینی سەرەڕاو هرووژمەکا چەتەکا دۆڵەتو تورکی بەتایبەتی جە قۆناغی یووەم و هرووژمو چەتەکا دۆڵەتو تورکینە پەی سەرو بەنداوەکەی دەورێوە گۆرەشا گێڵنا، چونکی هێزەکێما پەی ماڕای تەوقەو چەتەکا بەکار ئارڎ و سەرەڕاو تەوقە و بێ ئاوی و بێواردەیی مەنێوەو مڎرامانێوە قارەمانانە و تاریخیشا ئەنجامدا.

باز عەرەب ئانەش وست ڕووە کە دماو جەنگێوە قورسی، هێزەکێما تاواشا تەوقەو سەرو جەنگەواناشا بماڕا و پی جۆرە بەردەوام بی: "جەنگەوانایچ جە رووبەڕووبیەیۆ هرووژمەکانە دەورێوە گرنگشا گێڵنا. جە ئۆپراسیۆنی یووەمو هرووژمەکەو سەرو بەنداوو تشرینی زیاتەر جە ١١٠ چەتا کوشیۍ.

بەنداوو تشرینینە جەنگی فرە دژوار ڕووەمڎۆ و بەینو ئێمە و چەتەکا تەنیا ١٥ مەترۍ بۍ. ئێمە بەئیرادە و ئەرەکۊشایۆ ۋێڕاگری مکەرمۍ. هرووژم و چەتەکا دۆڵەتو تورکی ئەرەگیری پوچ مکەراوە و گورزەی قورسە جە چەتەکا مشانا".