شیرین عەبادیە چالاکوانەو مافو مرۆڤو ئێرانی جە پێگەو فەرمی وێشەنە تلیگرامەنە جەبارەو پەسەنکەرەدو سزاو جەقەنارەدای پەخشان عەزیزیە جە لایەنو دادگاو باڵاو ئێرانیۆ پەیامێوەش وەڵاکەردەۆ.

شیرین عەبادیە دەستنیشانش کەرد دۆڵەتو ئێرانی جە ڕاو دلێنەبەردەی وەرهەڵسکارانەیۆ جە هەوڵو مەنەیۆش جە دەسەڵاتی ئەرەیاوناش: "جە ڕاو یاسێوە کەشێوە تەرسی و تۆقێنەر وەش کەردەن و چالاکوانێ و ئازادیوازێ کریانە ئامانج. پەسەن کەردەو سزاو جەقەنارەداو پەخشان عەزیزیێ ئانەما پەی ڕۆشن مکەرۆوە کە تاکە ڕاو دەسەڵاتی پەی ڕاگیری کەردەی و مامەڵەکەردەی جە سەرهوردای وینیشانداکا ئایندەو سەرانسەرو ئێرانینە خێرا کەردەی سزاو جەقەنارەداین."

جە بەردەوامیینە شیرین عەبادیە جەختش کەردەنۆ جە ئەرەکۆشای هامبەشی و ئەرەیاوناش: "مشۆم گردما پاڵپەشتێ و یەکڕیزێ بیمێ پەی ڕووبەڕووبییەیۆ سزاو جەقەنارەدای پەخشان عەزیزیێ و زینانیە سیاسییەکا تەرێ."