چوارچوەو کەمپەینوو "ئازادیی پەی عەبدوڵا ئۆجالانی، چارەسەری سیاسیی پەی پرسەو کوردی"، ماوەی ویەردەنە کەمپەینوو "کیانای ١٠٠ هەزار کارتا پەی ئیمراڵی"ی دەسش پەنە کەرد.  

بۆنەو ساڵیادوو پیلانگێڵنیی میاننەتەوەیی ١٥ شوباتیوە، بە سەرمەشقایەتیی لەقوو ئەنتەرناسیۆنالیستوو ڕاپیمای درێژیوە، کە ئێساڵ سویسرانە کریۆ، شاروو سۆلۆتۆرنینە کارتێ کیانیێ پەی دوورگەو ئیمراڵی.

ئەنتەرناسیۆنالیستەکێ ناوەندوو جڤاکوو دیموکراتیکوو کورد (جەدەکە)ینە خڕێ بیێ و چەنی کوردستانییا تا وەردەموو ناوەندوو پۆستە و یاونای ڕاشا پیما.  

چا بە ئەڵمانی ئەرەیاونایێ ونیاوە و بانگەواز کریا پەی بەشداربییەی جە ڕاپیمای ١٧ شوباتوو کۆڵنی.

هامسەرۆکوو جەدەکەو سۆلۆتۆرن، مەزڵوم کزیلداغ واچێوەش پێشکەش کەرد و تیشکیش وستە سەروو گرنگیی هەڵمەتەو ئازادیی.

دماتەر چالاکێ دەیان کارتێشا ئیمزا کەردێ و کیانێشا پەی ڕابەروو گەلوو کوردی عەبدوڵا ئۆجالانی ئیمراڵیینە.