هەریۊ جە سەنتەروو میترۊی و سەندیکاو ڕۊنامەنویسا ئەرەیاوناشا، سزادای شێروان شێروانی سزێوە ستەمکارانێنە، دڵنیۍ بیدۍ ڕۊنامەنویسۍ زۊرشا پەی ئامان و چێولای بێدەنگۍ مەبیمۍ جە سزادای ڕۊنامەنویسانە.
ئارۊ جە (ماڵی سندی)ی شاروو سلێمانیینە، لە میانەو کۊنگرێوە ڕۊنامەوانیینە ١٧دەزگۍ میدیایۍ و ١٥٠ ڕۊنامەنویسۍ، دژوو سزادای ڕۊنامەنویس شێروان شێروانی، هەریۊ جە سەندیکاو ڕۊنامەنویسا و سەنتەروو میترۊی وتارشا پێشکەش کەرد.
کاروان ئەنوەر، سەرۊکوو لەقوو سەندیکاو ڕۊنامەنویساو سلێمانیی، کۊنگرە ڕۊنامەوانییەکەنە بە واتەی زیندانتا خاس ڕۊنامەنویسا، وتارێوەش پێشکەش کەرد واتش: هەتا ئیساتۍ یەک تەقەکەروو کەیسوو تیرۊروو ڕۊنامەنویسا نەگریان، هەرێموو کورڎسانینە چا گردوو کەیسا، ئیتر چی شێروان شێروانی سزا دریۊ، مەبۊ ڕۊنامەنویسۍ پاسە بیدەنگ بنیشارە، مشۊم جووڵێوە دلێیۍ میاندەوڵەتی کەرمۍ، سزادای شێروان شێروانی سزێوە ستەمکارانێنە، دڵینیۍ بیدۍ ڕۊنامەنویسۍ زۊرشا پەی ئامان و بێدەنگۍ مەبا.
دماتەر هەر کۊنگرە ڕۊنامەوانییەکەنە دیاری محەمەد ڕاوەبەروو سەنتەروو میترۊی واتش: ئانۍ کە دادگاییکەرڎەی شیروان شیروانینە بەشدارۍ بیێنۍ باسوو ئانەیە کەرا، کە بەڵگەکۍ وەسکریۍ بیێنۍ و ئا تاوانۍ دریێبێنۍ پاڵش ڕاسۍ نەبێنۍ، کەسیچ چەمەڕوانیی ئانەی نەکەرۍ ئا سزێشە دریۊ، دادگا واوەی سەلەمناش مەیلش نییا پەی ئانەی یاسا سەروەرە بۊ.
ئانەیچش وست ڕووە، ئینە وەختێوەنە چی کابینەو حوکمەتینە باس لە سەروەریی یاسۍ و ڕووبەڕووبییەیۊ گەندەڵی کەرا، دەزگا میدیاییەکۍ و ڕۊنامەنویسۍ کەرۊ دۊسوو وێش و پەرسەکانە هامکاری کەرۊ، یاگێشنە بڕۍ یاسێشا بەرۍ کەرڎۍ پەرلەمانوو هەرێموو کورڎسانینە، کە ئازاڎیی ڕۊنامەنویسییشا زیاتەر وەرتەسک کەرڎەنۊ، ئێمە چێولای وەراوەروو سزادای ڕۊنامەنویساوە بێدەنگۍ مەبیمۍ.
س.ز
