سەرەڕاو ئاستەنگییەکاو پۆلیسی جەماوەرێوە فرە پەی 'گلێرۆبیەی ئازادی' کۆتۍ ڕا
ئا کەسۍ گەرەکشا بۍ پەی بەشداربیەی جە گلێرۆبیەی ئازادی بلا پەی ئامەدی، جە لایەنو پۆلیسیوە ڕاشا ۋنە گیریا. سەرەڕاو ڕاگیریەکا چڼین کەسۍ ۋێشا یاۋنا ئا شارە.
ژمارێوە فرە جە ئەستەنبوڵ و چڼین شارۍ کورڎەسانی و تورکیایۆ کۆتۍ ڕا پەی بەشداربیەی جە 'گلێرۆبیەی ئازادی' کە سەبای ئامەدەنە ئەنجام مڎریۆ، بەڵام بە بەهانۍ 'قەڎەغەکەردەی گلێرۆبیەکەی' پۆلیس جە سەیتەرەکانە ئەستەنگیش پەی هاموڵاتییا وەشکەرڎ. سەرەڕاو گرڎو ئاستەنگییەکا بەشێوە فرەو ئا کەسا تاواشا بلا پەی ئامەدی.
ئاستەنگیەکۍ پۆلیسی بە واتەیۆ درووشما شەرمەزارکریۍ
ۋەردەمو بیناو دەم پارتی ناوچەو سانجاکتەپەینە ئەرەیاۋنێوە ۋنریاوە و درووشمەکا "گرڎ شۆنۍ ئامەدا، گرڎ شۆنۍ مڎرامانا"و "گۆشەگیری تاوانەنە دژو مرۆڤایەتی" جە دژو ئەستەنگیەکا پۆلیسی بەرزۍ کریێوە. جە گلێرۆبیەکەینە هام-واتەواچو دەم پارتی هەرێمو سانجاکتەپەی، ئیلهان چەلیک قسێش کەردۍ و واتش: "گرڎو گەلی جە ١٣/١٠/٢٠٢٤ینە پەی ئازادی ئێژا ئۆجالانی ئامەدەنە مەبۆ."
هەرپاسە هاموڵاتییا ۋەردەمو بیناو دەم پارتی ناوچەو باگجلارینە کوۍ بیێوە و ڕوبەڕو ئەستەنگیەکا پۆلیسی بیێوە. درووشمەکا "سڵام جە ئامەدی"، "زیڼانیۍ سیاسیۍ شکۆمانۍ" و "گرڎ شۆنۍ ئامەدا، گرڎ شۆنۍ مڎرامانا" بەرزۍ کریێوە. هەر جە گلێرۆبیەکەینە ڕاوەبەرو دەم پارتی، توران قزلکایە قسێش کەردۍ و واتش: "پەنەوازا گرڎ کەسێ پەی ئازادی و ئاشتی ئامەدەنە حزورش بۆ، ڕۆح و زېڵێمانە ئامەد."
